Sam 69:17 - Nobonob Baibel

¹⁷ Da am nahip maɗi nid, na da dimeɗamnanu oɗ medattem. Da uug okkaippanab daattem amunu, da na paha ehaniɗkkutnu unuqidttem.

Sam 69:17 ပူးပေါင်းရင်းမြစ်များ

Job 7:21

O Kayak, dahil hipunin uhuqna ii meɗattemnu diig amu, da ool ii maidtte. Ao, na eheɗ hak dahil uhuqna ii meɗattemnu diig am, da ii doottem. Aɗinu? Haen elab iitta da mauhen, wanppa niikkul. Ge, da anam heppi, na aniɗkkutnu mattiɗkkut, amge na ii aniɗmana.” Job nug anam aum.

Sam 102:2

Yo, da uug nauppa daattem haenppa amu, na da dimeɗamnanu oɗ medattem. Ao, haen da nahipnu eppi doon amu, na paha oɗelppa aokkutnu unuqidttem.

Sam 13:1

O Yawe, na dahilnu daut atie daattem; am haen gane laa ele ukkeb, na eɗun, dahilnu dabmekkut? Na hanhan dahilnu daut atikkute? Ao, na da ii neekkiɗttem; amu haen gane laa ele ukkeb, na eɗun, da neekkiɗkkut?

Sam 143:7

Yawe, da ool gai-iitta ma auta awa dayeye daattem, na oot meɗan, pahanab gumiɗna uɗin, unuqittak dahil nob ena mekkutnu oɗ medattem. Na oot da meɗan, da dimeɗamnanu unuqidttem. Na dimeɗappe amu, da mauhkkul.

Sam 143:9

O Yawe, na da dahil kekeɗ dilagppan ehaniɗppe, qagaiettak amuppa daapanu oɗ medattem. Na da lokkumiɗkkutnu da oole, nagattoppa uɗittem.

Sam 22:24

Aɗinu? Yawe Nug danab ah ag gai-iitta daatteb dilagnu ooppa uuaknab ii dootte. Nug ag ii geɗadtte. Ao, Nug ag ii uuadtte. Nug ehanittak aoglagnu ewak ahilag dootte.

Sam 27:9

O Yawe, na nakka na lokkumidmananu unuqidttem. Ao, na da, nahip maɗi nid, na dahilnu oot nauheb, di-ii-meɗamnanu oɗ medattem. Na am dahil ehanittak daattem. O Yawe, na da di-ii-meɗan, da ii uuiɗmananu na oɗ medattem. Na amu dahil Kayak, na aakkuib da padal mepanu ehanittak daattem.

Sam 40:13

O Yawe, na da ehaniɗppe da qagaiettakppa ii daapanu oɗ medattem. Ao, O Yawe, na paha dona, da ehaniɗkkutnu unuqidttem.

Sam 44:24

Na laih neegna, ig nahip ehanittak aognignunab daattem ii anigkkut am ena iitta amunu, na anam ii hemananu oɗ medattem. Ao, danab ah ɠagattag ag heeg, ig guittak dootut, eheɗ heigtteb. Na heppe, ag tuɗidna, amu hemananu unuqidttem.

Sam 66:14

Ge, da uugppa dayeye, keeke da na amenppa ami amu, da hekkul. Ao, da oɗelppa aɗi ami amu, da hekkul.

Sam 70:1

O Kayak, na paha da ehaniɗppe, da qagaiettakppa ii daapanu oɗ medattem! Ao, O Yawe, na paha dona, da ehaniɗkkutnu unuqidttem.

Gayak Nai 3:22

Keeke ena bekkunu dabmak aɗa oiyak amu, amuam Yawe Nug ihinignu oo mauhaknab dootte amunu, ig padal meta autta ii aottem. Ge, oo gai-iitta doya oo metta ehanittak kobol nuhig ii iitta mette, diig amunu ig padal meta, autta ii aottem.

Matyu 26:38

Nug anam doya, Nug ag amelagppa aum. “Da oolppa kahipan toɗe mauhak bianab doottem amunu, ag inam daappeg, da ele dabmettat daatu!” awa aum.

Matyu 27:46

Aria, aam ameg ewamppa anam amu, Jesus Nug baag okkaippa, “Eloi, Eloi, lama sabaktani?” ewa aum. Nai amu eɗuak am, “O dahil Kayak, O dahil Kayak, na aɗinu da uuiɗmenu diig appe dookkulnu oɗ medattem.”