Sam 68:2 - Nobonob Baibel

² O Kayak, ulah kahug iwale gotte bia, na ag lamadppe gokkulagnu ool daatte. Yo, nau hak danab ag uppuh biig aab gakkaɗakppa gakkaɗa, le mette bia, Kayak Nug heeb, ag nauhkkulagnu ool daatte.

Sam 68:2 ပူးပေါင်းရင်းမြစ်များ

2 Samuel 10:13

Joap nug anam ana he, nuhikkud daup ele ag Aram daup aɗi ele ban hekkulagnu gona heeg, Aram dilag daup ag, ag noolagppanu oolppig.

2 Samuel 10:18

Aram ag anam heppig amge Dawit, nuhikkud daup ele ag ban heeg, Aram dilag daup ag ooleg, Dawit aɗi ag Aram dilag daup bannu karis lamadppig amu 7,000 aqaeg mauheg, amu ban danab baelagppa oin, ban heppig ele 40,000 ag aqaeg mauhppig. Ag Aram dilag ban daup ikki Sobak ele qeeg mauhom.

Sam 22:14

Am danab laa nug le gokkaɗe ukkom bia, da mauhkkulnu male daattem. Da ebehilad oh am autak daatteb. Da oolppa ɠagattag iittanab. Ao, uppuh teɗ gakkaɗakppa le mette bia, da ool ɠagattag iitta daatte.

Sam 37:20

Amu nau hak danab ah ag mauhkkulag. Ao, Yawenu kekeɗ ag dad okkaippan bala haɗag, bala haɗag amu ag laippun mauɗna nena qetteb, ag amubia hekkulag. Ge, Yawenu kekeɗ ag kahug laippun ukka qettoɗtte bia hekkulag.

Sam 76:7

Danab ah ag na huana baɗidttebnu diig am miagib daatte! Haen na oppoɗin bette amu, aun nug na noomppa hibaitta daakkunu elele?

Sam 80:16

Ig am nahip danab ah, amge kekeɗ ag ig danab laa nug grep muɗi okkulatte neeg, manatte eoppig bia heikke nauhmut. Ao, na nahipad danab ah alattette, ag mauhtteb.

Sam 97:5

Yawe, Nug am Naɗi, wan atu oh gumadtte ele amu, Nug uɗieye, qauko ag le metteb.

Aisaia 33:3

Na nai hakkaɗ qak bia mattieye, danab ah ag ooltteb. Ao, na ahae, wanppanu wan anen anen ohnu danab ah ag oolna mattatun gotteb.

Aisaia 64:2

Aab ewewe, ad eppeg naunau genab eotte, o aab ewewe, le genab hipaɗ qette, amubia na heppe, kekeɗ nahipad ag na genab dooidkkulagnu ool daatte. Na anam heppe, nahipad kekeɗ ag hahaɗkkulagnu ool niitte.

Aisaia 9:18

Amu nau hak kobol am aab aɗu bia. Aab aɗu keeke qaɗaiettaknab ele ewawa ukka, atuppan ad, keeke laa oh ele ewewe, aab kah huanaknab tette, ⌊amubia hipunin hak kobol am danab ah heeb nauhna autna aoglag.⌋

Jeremaia 46:15

Ag amu hekkulag, amge ag kekeɗ ii eɗadmana. Aɗinu? Yawe Nug heeb, ag Isip, ahilkad daup ag nena qena wanppa niiglag.

Hosea 13:3

Israel danab ah ag anam hetteb amunu, ⌊ag bu aoglag.⌋ Ag buttuanu bud paha qaɗaiedatte bia iitta mekkulag. Ao, ag geha buttua baito paha qaɗaiedatte bia qettoɗkkulag. Ag geha ulah iwale, ee aeg dappunkkeg ee aeg mumuɗaknu abenppanu laih gotte, amubia ag iitta mekkulag. Ao, ag geha aab laa kahug qatia taata ukka, iitta mette bia hekkulag.

Maika 1:4

Le qaukoppanu huan nette, amubia Yawe Nug qauko igippa oiyeye, qauko ag le mena netteb. Ao, danab uppuh biig aab aɗu guguittak me, laih le me, laih amuam oolnu noak bia daatte, amubia oolnu noak Nug noobppa betteb.

Namba 10:35

Amu haen danab ag Tituanak Nainu Kunup maoppig ele amu, ag haen tutu dayaknu aab kalakppanu ahaeg, Moses nug aum. “O Yawe, na heppe, kekeɗ ag oolna, matatun gokkulagnu ool daatte. Ao, na heppe, danab ag nahipnu nau ninig ele dootteb ag na noomppanu oolna, nahipnu umanab gokkulagnu ool daatte.” Moses nug anam awa aum.