Sam 68:1 - Nobonob Baibel

¹ Kayak Nug aha heeb, nuhikkud kekeɗ ag oolna, matatun gokkulagnu ool daatte. Ao, Kayak heeb, laa ag nuhignu nau ninig ele dootteb amu, ag Nug noobppanu oolna, nuhignu umanab gokkulagnu ool daatte.

Sam 68:1 ပူးပေါင်းရင်းမြစ်များ

2 Stori 6:41

Amu O Yawe Kayak, na ahan, lag bau nahip imuppa uɗin daakkutnu oɗ medattem; na amu nahip Tituanak Nainu Kunup, kunup amuam nahip ɠagattag okkainab ippunigtte amu, na kunup amu ele aguppa daakkut. O Yawe Kayak, na mana mettak danab ehanadppeppe, ag na danab ah ehanatte ag padal ii metteb danab ah amelagppa appeg dooglagnu oɗ medattem. Ao, nahipad danab ah ag nahipnu oo metta ii uuak kobol dim lamidtteb amu, ag gamag ahak dooglagnu unuqidttem.

Sam 21:8

⌊O Yawe,⌋ na geha nahip kekeɗ aɗualadkkut. Ao, na eppen naɗiap ɠagattag am geha, laa ag nahipnu nau ninig ele dootteb amu aɗualadkku.

Sam 44:26

Na ahan dona ig ehanigkkutnu oɗ medattem! Ao, na nahip oo mauhaknab kobol dabmena, na ig qagaiettakppanu eɗua uhuqak dayaknu hekkutnu unuqidttem.

Sam 59:11

O Naɗi, na ihinig guppiɗ daattem. Dahilad danab ag nahip hak pahanab daulag atikkununab daatteb amunu, na laippun heppe, dahil kekeɗ ag mauhkkulagnu ool ii daatte. Iitta. Danab nug na qekkunu oiyeye ukke ukke na qette, amubia na nahip ɠagattagppa heppe, uug kuɗum dahil kekeɗ, ahilagppa beeb ukkeb ukkeb, padal mekkulagnu ool daatte. ⌊Na anam hekkut dayeb amu, danab ah dahilad ag na aɗi heme amu ii daulag atima.⌋

Sam 68:14

Qauko Salmonppa, Kayak Nukka Ɠagattag Oh Ele Nug kekeɗ dilag king oh he, tamtam gona daanna, sno hab attannu nette amu, ag amubia qaukoppa daappig.

Sam 68:30

O Kayak, ihinkad kekeɗ ag doɗ ɠagattag bia daatteb. Na heppe, ag nena qekkulagnu oɗ medattem. Ao, ihinkad kekeɗ ag am doɗ ɠagattag laa nug doɗ gai-iitta guittak medatte bia henan daatteb. Na heppe, ag nena qekkulagnu unuqidttem. Ihinkad kekeɗ ag wagai meegeg, ig takis mattagnignu oolag he hettem, amge na heppe, ag uɗalag nekkunu oɗ medattem. Na heppe, danab ah wan anen anennu ag ban hekkulagnu enanagnab dootteb ele amu, ag oolna gona, matatun daaglagnu unuqidttem.

Sam 89:10

Naib yuppan doɗ naɗi eɗidna he nauhom. Ao, na nahip ɠagattagppa kekeɗ nahip eɗadna he, tamtam goppig.

Eksodas 20:5

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Aisaia 33:3

Na nai hakkaɗ qak bia mattieye, danab ah ag ooltteb. Ao, na ahae, wanppanu wan anen anen ohnu danab ah ag oolna mattatun gotteb.

Esekiel 5:2

Na uɗug amu anam piɗe piɗe mewona, na kekeɗ ag aab laa eɗadkkulagnu oo mattan aqaglagnu meidna daanna hetteb, na amu ippu hak hena malona, na uɗug qagmak laippu aon, aab okkai dottog amu ooppa mena, manappe ewaɗ! Ameg mak laa na aon, aab dottog amu daug ohppa maadna, qep-ppa okkuladppe, naunaunab naɗ! Amu ameg mak laa na aon buɗiadppe attan teeb, ulah awa ukkaɗ! Amge appa ele da heppi, kekeɗ ag aqappeg mauhkkulag.

Daniel 2:35

Men baeg wan tabatte ye, baeg amu nauha autanab awewe, men he, aen, wan, bras, silwa, gol ele huppu nakok nakok, uug iittanab ne, ulah iwale ukke, huppu nakok laa appa ii dayom. Danab nug ee aeg mumuɗaknu haenppa he, ulah ee aeg dappunkkeg iwale gotte, amubia dottog amuppa heum. Men dottog baeg anam ye, kobol anam dottogppa beum, amge men amu okkai maama, wan atu oh tona malom.

Namba 10:35

Amu haen danab ag Tituanak Nainu Kunup maoppig ele amu, ag haen tutu dayaknu aab kalakppanu ahaeg, Moses nug aum. “O Yawe, na heppe, kekeɗ ag oolna, matatun gokkulagnu ool daatte. Ao, na heppe, danab ag nahipnu nau ninig ele dootteb ag na noomppanu oolna, nahipnu umanab gokkulagnu ool daatte.” Moses nug anam awa aum.

Duteronomi 7:10

Amge laa ag nau ninig ele nuhignu dootteb amu, Nug pahanab ag bu madatte. Ao, Nug laa ag nau ninig ele nuhignu dootteb amu, Nug paha heeb, ag nauhkkulag.