Sam 66:6 - Nobonob Baibel

⁶ Kayak he, ib qaɗaiettak laa le naɗi gamagppa ba dayeye, ig alankad ag baelagppa le amu laih laih gilil bia dayeye, ag le mataɗna, laih wappig. Kayak Nug anam heum amunu, ig nuhignu oonig gamag okkai aheb, binag humatu!

Sam 66:6 ပူးပေါင်းရင်းမြစ်များ

Sam 78:13

Nug ag noolagppanab he, yu obate, laih laih dayeye, amuppa omalattom! Ao, Nug he, le gilil bia heqolag laih laih hippaidya daapiɗ!

Eksodas 14:29

Amge Israel amu, ag wan qaɗaiettakppa ena goppig. Yu nug laih laih ɠagattag gilil bia dayeye, ag gona, laih mataɗna teppig.

Josua 3:14

Haen Israel ag goppig amu, amuam ee meu awak haen dayom. Maɗ ohppa amu, haen amuppa le ui otte amunu, le ui oum. Haen danab ah aben uun, Jodan mataɗkkulagnu heeg, aria mana mettak danab ag Tituanak Nainu Kunup kontrak inak ele, ag amu maona anuqppig. Anuqna gona, haen mana mettak danab ag leppa tappaeg amu, Yawe Nug he, le ag daappigppanu attan, appa amu, le amu nakok laa doa, noa gokkunu ii ha dayaya, uma tak aab onig Adam guguittak, appa le amu qagmaama, titiɗa qauko bia dayom. Adam am aab laa onig Saretan daugppa daatte. Jodan le baeg amu, nug noa ukka, Mauhak Leppa notte, amu oh otaɗa awom amunu, danab ah ag mataɗna, Jeriko gukkuidna wappig.

Josua 3:17

Israel danab ah ag le letan, laih wan qaɗaiettakppa ukkaegeg, mana mettak danab ag Yawenu Tituanak Nainu Kunup kontrak inak ele, ag kunup amu maoppig amu, ag Jodan le dayomppa gamagppa wan qaɗaiettakppa hippaidna daaegeg, danab ah oh mataɗna, laih wappig.

Josua 4:22

ag ag amelagppa inam aig! ‘Ig Israel danab ah Jodan le mataɗmut, amge le iitta, wan qaɗaiettakppa mataɗmut.’