Sam 66:3 - Nobonob Baibel

³ Ag Kayak amegppa inam aig! “Keeke na hattame am enanagnab. Danab ag amu anadna, ag ebehilag oh bodoetta le mette. Ɠagattag nahip am okkainab, amu nahip kekeɗ ag amu doona, ag baɗana, na noomppa gatelag qaun ona daatteb.

Sam 66:3 ပူးပေါင်းရင်းမြစ်များ

Job 25:2

“Kayak Nug ɠagattag oh ele. Ig danab ah, ig nuhignu ebehinig oh bodoetta le maɗ! Ig laanu anambia doognignu ii daatte. Ao, Kayak Nugib hab attannab dayaya, appa ɗo attem attem dim lamittaknu daatteb amu, Nug meum daatteb.

Sam 18:44

Wan laihnu danab ah ag da aɗi attem doon, laippun ag akka da oɗel dim lamidtteb. Ao, wan laihnu danab ag da noolppa beɗulkad aɗaeg nette.

Sam 18:45

Wan laappan danab amu ag ɠagattag ii doon hetteb. Ao, ag hahaɗnana, ban hekkulagnu aben ɠagattagppanu dimittim uɗitteb.

Sam 47:2

Aɗinu? Yawe Attannab Laa Oh Eɗattak amu, danab nug Nug toppa dayaya, nug ebehi oh bodoetta le mette. Ao, Nug am king anuqak, nug danab ah wan atu ohnu gumadtte.

Sam 65:5

O Kayak, na am ihinig padal mematanu ehanittak daattem. Haen na nahip uɗat hettem amu, na kobol genab tutukkuib dim lamidna heehe, danab ag uɗat amu anidna, ag ebehilag oh bodoetta le mette. Nahip uɗat am anam aakku amunu, haen na unuqittak ihinig nob mettem amu, na uɗat anam aakku hettem. Amu danab ah wan ohppanu, miagnu, amu umanu ele ag nahipnu oolagppa genab dootteb

Sam 68:30

O Kayak, ihinkad kekeɗ ag doɗ ɠagattag bia daatteb. Na heppe, ag nena qekkulagnu oɗ medattem. Ao, ihinkad kekeɗ ag am doɗ ɠagattag laa nug doɗ gai-iitta guittak medatte bia henan daatteb. Na heppe, ag nena qekkulagnu unuqidttem. Ihinkad kekeɗ ag wagai meegeg, ig takis mattagnignu oolag he hettem, amge na heppe, ag uɗalag nekkunu oɗ medattem. Na heppe, danab ah wan anen anennu ag ban hekkulagnu enanagnab dootteb ele amu, ag oolna gona, matatun daaglagnu unuqidttem.

Sam 76:12

Nug he, ikki danab ag Nug waappa daatteb. Ao, king wanppanu ag nuhignu ebehilag oh bodoetta le mette.

Sam 81:15

Laa ag Yawe da, dahilnu nau ninig ele dootteb amu, ag baɗan, da noolppa dup nolob. Ao, ahilag bu am iitta ii melo.

Eksodas 15:21

Ag amu henena, Miriam nug ag amelagppa ahi inam ettom. “Yawe Nug ban naɗi eɗitta, Nug hos, amu danab hos attan daappig ele, Nug amu oh akke, yu ooppa noppig amunu, ag nuhignu ahi etteg!” awa ahi ettom.

Aisaia 2:19

Haen Yawe Nug wanppanu keeke oh eheɗ hahaɗkkulagnu aha heeb, danab ah ag Yawenu oppoɗi bak tonadmanu, Yawe Nug dagom onig ɠagattag okkai naɗi ele, ag nuhig ɠagattag amu aqadmanu, ag oolna gona, men oɗeppa nokkulag. Ao, ag wan oɗeppa gokkulag.

Aisaia 25:3

⌊Na anam heme⌋ amunu, danab ah wan ɠagattagppanu, ag geha na binan okkai attan humaglag. Ao, wan laappan danab, danab amu ag laanu oo doyak ii doon nau hadatteb, ag nahipnu ebehilag oh bodoetta le mekku.

Aisaia 40:26

Ag attan neegna, habppan keeke antteg! Aun nug keeke amu oh heum? Laa Nug keeke amu oh gumaama, Nug keeke amu oh onilkad dootte ele, Nug heum. Nug am ɠagattag okkai naɗi ele amunu, habppan keeke oh am hanhan anamib daatte. Laa iinab qettoɗtte.

Aisaia 64:3

Tumai aɗi na nena, keeke laala, danab nug amu antta, nug ebehi oh bodoetta le mette ele, na keeke amu, ig na anam hekkutnu dab-ii-memut ele amu, na amu heme. Na amu heme, qauko aakku huanak uɗalppig.

Jeremaia 10:10

Danab ag kayak hambuppuak anam bappaidtteb, amge Yawe, Nug Kayak genab. Nug hanhan bau daatte. Nug king hanhan daatte. Nug oo nauhe, wan uɗaltte. Wanppan wan anen anen oh ag nuhig oppoɗi bak waappa daatteb ele amu, ag ena ii daamna. Iitta. Ag nauhkkulag.