Sam 66:13 - Nobonob Baibel

¹³ O Kayak, da geha na lautppa ukken, da manaknu ofa heinne, da doɗ anam manatte medakkul. Yo, da geha ukken, da na noomppa aɗi keeke genabnab hekkulnu nai ain qakkami amu, da hekkul.

Sam 66:13 ပူးပေါင်းရင်းမြစ်များ

Job 22:27

Na am hekkut dayeb amu, na Nug unuqidppe, Kayak na baat dookku; Nug doya ehanitteb, na aɗi keeke genabnab hekkutnu nai anan qakkame amu, na amu hekkutnu elele daan hekkut.

Sam 100:4

Ag Yawenu mettid lag ooppa nonana, ag Nug amegppa, “Ena heme,” anana ag Nug laugnu aɗ taliliaknu od oɗeppa wanana, ag Nug binag meig! Ge, ag Nug amegppa, “Ena heme,” anana, ag Nug binag meig!

Sam 116:14

Da keeke Yawe amegppa genabnab hekkulnu nai ain qakkami amu, da hekkul. Da danab ah nuhikkud oh noolagppa hekkul.

Sam 118:19

Yawe, Nug genab tutukku hak kobolib hette, amu da nuhigppa gokkulnu na nuhig mettid lag od matulppe, da Yawe noobppa wain, da Nug amegppa, “Ena heme,” akkul.

Sam 118:27

Yawe Nug Kayak daatte. Nug ig nuhig amahlak mekkom. Ag oolag gamag ahebeb, mana mettak aon uɗin, qaɗabppa meig!

Sam 22:25

Israel dilag tamaniak oolagppa da na binan mekkul. Ao, da geha genabnab haknu nai ana qakkak dahil dabmein, aun aɗi ag nahipnu ebehilag oh bodoetta le mette ele amu, da ag noolagppa nai amunu meu okkunu hekkul.

Sam 56:12

O Kayak, da keeke laa na amenppa genab hekkulnu nai ain qakkami amunu, da aɗi hekkulnu ami amu, da amu hekkuloitte. Ao, da ena heme anaknu ofa hein medakkulnu ami amu, da amu awen, na gumitten wain medakkul.

Sam 65:2

O Kayak, na, laa iitta, na ihinig unuqittak doona, na ig ehanigttem ⌊amunu,⌋ danab ah oh ag geha nahip-ppa wakkulag.

Eklisiastis 5:4

Kayak Nug danab nug Kayak dab-ii-maama ii dim lamidtte elenu ena ii dootte amunu, na Kayak amegppa keeke laa hekkutnu genabnab hekkutnu nai anan qagakkut dayeb, na anamib paha he! Na dimppa, haen adekkuppa aib heme!

Jona 2:9

Ag uutteb, amge da, ‘Ena heme,’ anaknu ahi laa edette, doɗ manen na medakkul. Ge, da keeke genabnab hekkulnu nai ain qakkami amu, da keeke amu oh hekkul. Yawe nukka ehanikke, ig padal ii mettem.” Jona nug anam awa unuqittom.

Nahum 1:15

O Juda danab ah, ag qaukoppa neekkeg! Appanu laa nai ena awa uɗitte. Nug ahilag wanppa maɗoɗ daaglagnu nai awa uɗitte. O Juda danab ah, ag ahilag qagmak gamag ahak ele haenppa, ag gamag ahak ele daan, ag Yawe amegppa aɗi keeke genab hekkulagnu nai anan qagappig amu, ag anam heig! Aɗinu? Nau hak danab ag baula ahilag wanppa ban hekkulagnu ii temana. Iitta. Da heppi, nau hak danab ag nauhna autna aona, padal mekkulag.

Duteronomi 23:22

Amge na genabnab haknu nai anan qakkak ii hekkut dayeb amu, hipuninnu aab am na beɗunppa ii daama.

Duteronomi 23:23

Na nakka na dabmak aona, na aɗi keekenu Yawe, ahilag Kayak, na Nug toppa genabnab haknu nai anan qagakkut amu, na genabnab haknu nai anan qakkak heme amu, na ame bia, na dabmena autna aona he! Amuam na aɗi keekenu dabmenan, doonna oɗenppa madittem amunu keeke.

Duteronomi 23:24

Na mudippan laipad dilag grep dadppa gonana, amu na grep meu gane aon lakkutnu oot hette amu, na aon lakkutnu elele, amge na aib laala kalegppa inadna aon gome.

Hibru 13:15

Danab laa ag Kayak binag mekkulagnu amu ag doɗ keeke main Nug medatteb, amge ihinignu amu, ig Jesus uɗat naɗi ihinignu heum, ig amuppa, mana mettak bia hanhan Kayak binag metu! Ig amu hekkunignu amu, ig oɗenigppa Kayak Nug am ihinig Naɗi akkunig.

Ikki Danab 11:35

Amu haen nug aɗeg antta amu, nug ooppa guittak nau doyaya, lamen nuhig pattiɗa aum. “O aɗel! Na da uɗal tekkutnu uɗime amu, da uug nau doottem! Aɗinu? Da Yawe amegppa, da keeke laa genabnab hekkulnu nai ain qakkami, amu da eɗue uhuqkkulnu elele iitta,” awa aum.