Sam 61:3 - Nobonob Baibel

³ Da na amu hekkutnu oɗ medattemnu diig am, na am dahil padal mak eɗitteb ena dayaknu ehanittak daattem. Na amu aab aɗ ɠagattanab ele, kekeɗ ag nokkulagnu elele iitta bia dayeye, da appa dayeye padal mak laa ii anidpa, na amubia daattem.

Sam 61:3 ပူးပေါင်းရင်းမြစ်များ

Sam 116:2

Nug unuqittak dahil doya ehaniɗom amunu, haen da bau daattem imuppa, da Nugib unuqidkkul.

Sam 140:7

O Naɗi Yawe, na qagaiettakppa daapanu ehanittak ɠagattag dahil daattem. Banppa amu, na dahil guppiɗ daye, da ii mauhmi.

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Sam 27:5

Aɗinu? Da Yawenu mettid lag, amuppa ena anam daakkul dayeb amu, uug haenppa Nug da atognoiɗebeb, da eheɗ laa ii anidpa. Yo, Nug da nuhig mettid haknu peh lagppa lokkumiɗeb daappi, uug laa da ii aniɗma. Ge, Nug heeb, da danab laa men okkai attan ena daatte, da amubia ena daakkul.

Sam 62:7

Padal ii maknu ehanittak dahil, am Kayak nukka, laa da binal meɗatte ele amu, amu ele am Kayak nukka. Nug am kekeɗ niɗamnanu ehanittak dahil daatte. Nug am padal mak eɗitteb ena dayaknu ehanittak dahil daatte.

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.

2 Korint 1:10

Ig mauhkkunignab doomut, amge Kayak Nug ig eɗua awikkom; butti ele anamib hekku. Ag ahilag unuqittakppa ehanigppeppeg, Kayak Nug geha ig eɗua awikkeb, ig ena daagnignu nuhignu oonigppa genab doottem. Anam heppeg amu, geha danab ah kuɗum laa ag ele unuqidppeg, Kayak Nug ig ehanikkeb, aria geha danab ah kuɗum ag ihinignu dabmenana, Kayak Nug keeke hette amunu Nug amegppa, “Ena heme,” aon akkulag.