Sam 61:2 - Nobonob Baibel

² Uug da toniɗtteb amunu, wan batakppa appanu da na ehaniɗkkutnu unuqidttem. Ao, da oolppa elele iitta doyeye, na ehaniɗkkutnu oɗ medattem. Ge, danab nug men hume taknab naɗi attan daatte, kekeɗ ag nug guittak mettaglagnu ib iitta, nug ena daatte, amubia amu, na dahil men naɗi bia daakkutnu ool daatte.

Sam 61:2 ပူးပေါင်းရင်းမြစ်များ

Sam 142:3

O Yawe, da oolppa elele ii doottem haenppa amu, ib da gottem ele, na ib amu doottem. Amu ib da gottem ele, amuppa danab ag da aɗailkkulagnu pelem laa lokkumna meppig daatte, ⌊amge na amunu aben ele doottem⌋.

Sam 143:4

Ag anam hetteb amunu, da eɗuen, ena bekkulnu dabmak aɗe oikkulnu ii doottem bia oittem. Ao, da ool uug qak nau doottem.

Sam 17:1

O Yawe, da keeke laanu oɗmak hettem imu amu, oɗmak amuam genab tutukku elenu, amu na doon ehaniɗkkutnu unuqidttem. Ao, na da ehaniɗkkutnu gaattem imu dookkutnu oɗ medattem. Da hambubuitten, na ii unuqidttem amunu, na dahil unuqittak imu daut human dookkutnu oɗ medattem.

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Sam 18:46

Yawe Nug bau daatte! Nug am kekeɗ niɗamnanu ehanittak dahil daatte! Heppeg, danab ah ag Nug binag meig! Ge, Kayak Nug da padal ii mepanu ehanittak dahil daatte. Heppeg danab ah ag Nug binag meig!

Sam 27:5

Aɗinu? Da Yawenu mettid lag, amuppa ena anam daakkul dayeb amu, uug haenppa Nug da atognoiɗebeb, da eheɗ laa ii anidpa. Yo, Nug da nuhig mettid haknu peh lagppa lokkumiɗeb daappi, uug laa da ii aniɗma. Ge, Nug heeb, da danab laa men okkai attan ena daatte, da amubia ena daakkul.

Sam 40:2

Yawe Nug da ehaniɗa, Nug danab laa nug layag moɗ nauppanu behie beum bia ehaniɗe, da ena daattem. Ao, danab laa nug layag moɗ lekkoh naunab nau eleppanu ehanitte uɗitte, amubia Yawe Nug da ehaniɗe, da ena daattem. Genab, Nug danab laa layag ehanitta awa, men attan meum bia he, da ena daattem. Ao, Nug danab laa nug layag ehanitta awa, aben baɗak iitta eleppa mette amu, Yawe Nug dahilppa anam he, da ena daattem.

Sam 42:6

Da ippa qauko Hermon, qauko Misa, Jodan le gogppa ele guguittak uugnu oola, laih dayaknu danab daattem. Da anam dayeye, da oolppa elele ii doottem amunu, da Kayak unuqidkkul.

Sam 43:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

Sam 55:5

Da baɗe, hahaɗttem. Ao, da uug amu oh antten, ameg iɗuak dooi, toniɗom daatte.

Sam 62:2

Nug aakkuib am kekeɗ niɗamanu ehanittak dahil daatte. Nug aakkuib da padal mepanu ehaniɗtte. Nug am aab aɗ ɠagattagnab ele dahil bia daatte. ⌊Da Nug ele daapuɗ amu,⌋ auntai laa nug da uɗaliɗkkunu elele iitta.

Sam 62:6

Nug aakkuib am kekeɗ niɗamanu ehanittak dahil daatte. Nug aakkuib da padal mepanu ehaniɗtte. Nug am aab aɗ ɠagattagnab ele dahil bia daatte. ⌊Da Nug ele daapuɗ amu,⌋ auntai laa nug da uɗaliɗkkunu elele iitta.

Sam 77:3

Da aiqagekke, Kayaknu dabmettem. Ao, da ɠagattag dahil iitta meeme, nuhignu dabmettem. Sila.

Aisaia 32:2

Haen amuppa kobol inam bekku. Danab okkai amu oh ag gilil ulah qehagtte bia daaglag. Ao, ag ulah huanak uɗieye, danab nug padal mak eɗitteb ena dayaknu abenppa ukka daatte, ag aben amubia daaglag. Okkai danab amu ag atu taɗak, le iitta ele, ag appa le laa noa gotte bia daaglag. Ao, ag wan laappa, aam gakkaɗak naunab nau neene, danab nug men okkainab logoppa ukka daatte, ag lokko amubia daaglag.

Aisaia 54:11

Amu Yawe Nug atte. “Aab okkai Jerusalem am danab laa, laa ag guittak medatteb, laa oo mak ii medatte, am amubia daatte. Aab okkai Jerusalem am uub yu qaɗeppa oiyeye, ulah eheɗ uɗia heehe, uub laih ugakka, eɗua laihnu uɗitte, amubia daatte. Jerusalem anam daatte, amge da heppi, laa ag aab okkai amu bappaidkkulag amu, ag aabnu men laa, neekkak enanag onig turkois, amuppa hekkulag. Amu ag aab amu ukku haknu, ag men sapaia, ag amu duqan hekkulag.

Luk 22:44

Jesus Nug beɗuppa uug nau, mauhak bia doyaya, Nug oo unuqagppanu unuqittette, heɗi tiig bia na, wanppa noum.))

Duteronomi 4:29

Ag geha wanppan wan laalappa anam appa daanna, ag Yawe, ahilag Kayak, ag Nug anidna dim lamidkkulagnu Nug mattiglag. Amu ag meulag ohppa, oolag ohppa ele Nug anidna dim lamidkkulagnu Nug mattiglag dayeb, haen amuppa ag Nug anidkkulag.