Sam 6:6 - Nobonob Baibel

⁶ Da aeqakkai qakkai, ɠagattag dahil oh iitta meum. Tuqan ohppa amel leb niiak aben dahil he bauɗtte. Ao, da gayak huananab heiyi, ikkil uɗun bauɗtte.

Sam 6:6 ပူးပေါင်းရင်းမြစ်များ

Job 10:1

Da bau daattemnu amu, da eheɗ nau doottem. Ao, da anam doottem amunu, dahil naittuɗ mak ii lokkumpa. Ge, da oolppa ninig bia doottem amunu, da amu dabmein madikkul.

Job 16:20

Wan imuppa da lailad ag dahilnu, ‘Keeke hamunab,’ dootteb. Ag anam dooiɗegeg, da Kayak unuqittitti, amel leb huanaknab nette.

Job 23:2

“Gemu dahil dabmakppa dabmak daatte am uug nau ninig ele. Ge, Kayak he, da guittak okkai doottem amunu, da mahittem.

Job 7:3

Anam, amge ⌊Kayak he,⌋ da kalam kuɗum iikku keeke ena laa hekkulnu elele iitta daattem. Ao, ⌊Nug he,⌋ da tuqan kuɗum beɗulppa, dabmakppa ele guittak okkai doyeye daattem.

Sam 115:17

Danab ah mauhppig, ag Yawenu ahi ettan binag ii metteb. Genab, laa ag moɗ ooppa noppig ele, ag Nug ii binag metteb.

Sam 30:10

O Yawe, na dahil unuqittak doona, na dahilnu oot gai-iitta doon oot meɗan ehaniɗkkutnu oɗ medattem. Ao, O Yawe, na da ehaniɗkkutnu unuqidttem.”

Sam 38:9

O Naɗi, na da aɗinunab ool huana hette am na doottem. Na haen oh da mahiak hettem amu, na doottem.

Sam 39:12

“O Yawe, na dahil unuqittak dookkutnu oɗ medattem. Na dahil gayak imu dookkutnu unuqidttem. Na dahil gayak imu ii dokkutnu ool ii daatte. Aɗinu? Wan imuppa da wan laihnu danab; aab diig danab iitta daattem. Da mamelad aɗi, ag ele anam aakku daappig.

Sam 42:3

Da deɗ oh, amun, tuqan ele gayak naɗi heiyi, amel leb nette. Anam amu, amel leppu am dahil ee bia daatte. Dahil kekeɗ ag da aon aon iun atteb. “Kayak nahip adekku? ⌊Nug aɗinu na ii ehanidtte?⌋” aon atteb.

Sam 69:3

⌊O Kayak, da anam bia dayeye,⌋ da na ehaniɗkkutnu einne daattem. Da nahipnu ei ei, da beɗul gai-iitta me, da baal ele guiɗtte. Da na Kayak, dahil Kayak, da na anidkkulnu neekki neekki, da amel ele gai-iitta meum daatte.

Sam 88:11

Laa ag mauhak moɗppa niitteb, ag laa amelagppa nahip oo mauhaknab kobolnu madittebte? Ao, aben nau anamppa ag nahip oo metta ii uuak kobolnu madittebte?

Sam 88:9

Da uug doyeye, keeke ena laa pehette anidkkulnu elele iitta. O Yawe, deɗ anen anen da nahip ehanittaknu oɗ medattem. Ao, da eppel nahip-ppa bahie ukke, da na unuqidttem.

Aisaia 38:18

Aɗinu ⌊na ehaniɗe, da ii mauhmi⌋? Laa mauhppig ele ag na onin okkai mettan, ⌊ag baelkadppa aɗi amelagppa⌋ nahip ehanittaknu akkulagnu elele iitta. Ao, laa mauhppig ele ag na binan human, nahip ehanittak okkainu ⌊laa dooglagnu⌋ ahi ettaglagnu elele iitta. Laa boumaknu moɗppa niitteb ele amu, ag ⌊wan imuppa oinna,⌋ nahip layag oo metta ii uuak kobol na dim lamidnana, ehanittak mettaglagnu dabmekkulagnu elele iitta.

Jeremaia 14:17

Anam amunu, Jeremaia, na gona, danab ah imu amelagppa inam appe doyeg! ‘⌊Qinob, uug naunab amu beppeg, da akkul.⌋ O gadon, da amel leb huanaknab naɗ! Ao amun, tuqan ele anamib hanhan naɗ! Aɗinu? Dahilad danab ah, ag da ele tiinig laippu, ag am da aɗel, ah makkun dahil bia daatteb amu, ag makkuɗakppa ihilag nau ele daatteb. Ao ag maduduɗattakppa guittak okkainab aoppig.

Gayak Nai 1:16

Diig imunu ig Juda danab ah ig gaattem. Ao, diig imunu ig amenig leb am ig amenigppa ambaknab daatte. Diig amuam inam. Laa ig ehanikkeb, ig oonig mekkunu laa miag ii daatte; laa nug ehanikkeb, ig oonig eɗua, ɠagattag daakkunu laa iitta. Laa am, kekeɗ ag ig eɗigppig; amunu ig bekkankad, aɗenkad ele ag daɗeknab daatteb.

Gayak Nai 1:2

Uug naunab ah beɗuppa be, nug tuqan eheɗ gayeye, ameg leb na, hippegppa daatte, kobol amubia Juda danab ah dilagppa beum daatte. Ah laa, danab kuɗum ag anen anen nug amegppa, “Da nahipnu ool mauhtte,” atteb, amge uug naunab nuhigppa bette haenppa, danab amu laa nug ehanitteb, oo mekkunu laa ii uɗitte amu, Juda dilagppa anam beum daatte. Ge, ah laa nug laikkud kuɗum ele, amge layag laa nug ah amu ele nug kekeɗ daaeh, ah amu laikkud laa ag eɗun, laa ah amu kekeɗ mettom ɠagattag qettan, ah ele kekeɗ hetteb amu, Juda dilagppa anam beum daatte.

Gayak Nai 2:11

Kekeɗ ag heeg, dahilad danab ah ag padal meeg, nid naunau, nid yuɗ ele ag aabnu ibppa niinna, mauhkkulagnu hetteb. Ao, am anam amunu, da huan gaaiyi, da amel nauhom daye, da oolppa eheɗ nau doottem. Da mahiak huanak hettem.

Luk 7:38

Jesus baegppa, guguitta dimugppa hibaitta gayaya dayom. Ameg leb gokkaɗa, Jesus baegppa ne amu, ikki uɗugppa oppiaya, Jesus baeg ootuqittowa, leppu muttuɗig enanag ele Jesus baeg gokkaɗ qettom.