Sam 6:4 - Nobonob Baibel

⁴ O Yawe, na dona ehaniɗna, qagaiettakppanu awiɗkkutnu unuqidttem. Ao, na oo mauhaknab kobol dim lamidttem amunu, diig amunu na da ehaniɗppe, da ii mauhpanu oɗ medattem.

Sam 6:4 ပူးပေါင်းရင်းမြစ်များ

Sam 116:4

Da anam dayeye doyen, amu da Yawe onigppa ein ami. “O Yawe, na da ehaniɗppe, da bau daye, ii mauhpanu oɗ medattem.” Da anam unuqidmi.

Sam 116:8

O Yawe, na ena heiɗme. Aɗinu da anam attem? Na da ehaniɗe, da ii mauhmi. Na da ehaniɗe, da ii gaattem. Na da ehaniɗe, da ii nein qettem.

Sam 120:2

O Yawe, na da ehaniɗna, danab ah hambuppuak nai mattinna, ag nai genab iitta atteb ele amu, na da ag eppelagppanu awiɗkkutnu oɗ medattem.

Sam 121:7

Yawe Nug heeb, uug, guittak keeke nahip-ppa ii beeb, Nug heeb, na bau daakkut.

Sam 13:2

Da dahil dabmakppa uug nau doyeye, da oolppa oo doyak deɗ ohppa ele doottem; amu haen gane laa ele ukkeb, da amu ii doopa? Ao, kekeɗ dahil ag da eɗileg, da nein qein daattem; amu haen gane laa ele ukkeb, ag anam ii hemana?

Sam 17:13

O Yawe, na ahan, na ag banelag daan eɗadppe, ag nena qekkulagnu oɗ medattem! Ao, nahip qep elab amuppa da ehaniɗppe, da nau hak danab eppelagppa ii daapanu unuqidttem!

Sam 22:20

Laa qep-ppa iweb mauhpanu, na da ehaniɗppe qagaiettakppa ii daapanu oɗ medattem. Yo, na da ehaniɗna heppe, dahil kekeɗ ag qai bia amu, ag da ii iumnanu unuqidttem.

Sam 25:7

Da nid bau dayeye hipunin qein, nai tappe nak kobol ele dim lamidmi amu, na amu oh uhuqna meɗan, dab-ii-mekkutnu oɗ medattem. O Yawe, na enaib daanna, enaib hettem, amunu, na oo mauhaknab kobol nahip dim lamidna, dahilnu ena hekkutnu unuqidttem.

Sam 69:13

Ag anam hetteb, amge O Yawe, da na unuqidttem. Na ii helom bia me, na ehaniɗkkut haenppa, na da keeke meɗakutnu unuqidmi ele, na haen amuppanab ehaniɗna meɗakkutnu ool daatte. O Kayak, na oo mauhaknab kobol dim lamidttem amunu, da na dahilnu oo metta ii uuak kobol dim lamidnana ehaniɗppe da padal ii mepanu oɗ medattem.

Sam 74:10

O Kayak, gemu ihinkad kekeɗ ag na aon aon nidatteb; amu haen gane laa ele ukkeb, na ag amu hemananu ib oo nekkut? Ao, na ag uuadppe, ag hanhan na oninnu, “Am keeke hamu,” danab ah laa ippunadkkulagte?

Sam 79:5

O Yawe, na ihinignu oot nauhom daatte; amu haen gane laa ele ukkeb, am nahip oo nauhak am bodoedakku? Nahip oo nauhak am hanhan daakkute? Ao, na ihinignu dahil doya laa aomanu doyak aɗan daattem. Anam amu, oo aeg bak amuam aab ewak bia diditte, am haen gane laa ele ukkeb, nahip oo aeg bak amu am iitta mekku?

Sam 80:14

O Kayak Nakka Ɠagattag Oh Ele, ig nahipad danab ah, ig grep muɗi amubia daattem amunu, na uɗippe, ig ele daagnignu unuqidttem. Ao, na ig eɗun anigna, ig ele laippu daagnignu, na hab attannu neegppe neeb, ig anigkkutnu oɗ medattem. Ge, na ig, nahip grep muɗi, na ig atognoigkkutnu oɗ medattem.

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Sam 90:13

O Yawe, na ihinignu oot nauhe hee, ig uugppa daattem, amu na heppe, nahip oo nauhak iitta mekkunu unuqidttem. Na oot nauhom daatte; haen gane laa ele ukkeb, oppoɗi bak nahip am bodoedakku? Amu, na ig nahipad maɗi nid, na ihinignu oot gai-iitta doon oot mekkan ehanigkkutnu oɗ medattem.

Aisaia 38:17

Am genab, da ehaniɗkkutnu na uug naunab dahilppa bekkunu ib oo ii neme. Na dahilnu oot mauhe, na dahil hipunin oh uhuqna meɗe, iitta mena, da beɗulppa iinab daatteb amunu, na ehaniɗe, da padal ii memi.

Daniel 9:18

O Kayak dahil, na daut human, dahil unuqittak dookkutnu oɗ medattem. O Kayak, na neegppe ukkeb, aab okkai na onin amuppa daatte amu, na aab amu nauhakib daatte anidkkutnu oɗ medattem. Ig genab tutukku hak danab ah amunu, ig oɗmak imu ii hettem. Iitta. Ig danab ah tutukku iitta, amge na danab ah dilagnu oot gai-iitta doon, oot mattan ehanadttem amunu, ig oɗmak hettem.

Malakai 3:7

Am ag mamelkad aɗi ag dahil ɗo dimettan, dim ii lamidppig, ag ele anam hetteb. Gemu ag dahilppa eɗun uɗippeg, da ag ahilagppa eɗue wakkul.” Yawe Nukka Ɠagattag Oh Ele Nug anam atte. Nug anam atte, amge ag Nug oɗ medatteb. “Ig attem heta, nahip-ppa eɗut wakkunig?” aon atteb.

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.