Sam 6:2 - Nobonob Baibel

² O Yawe, da beɗul bodoettom amunu, na dahilnu oot gai-iitta doon oot meɗan ehaniɗna, ⌊ɠagattag meɗakkutnu unuqidttem⌋. Ao, da ebehil hahaɗtte amunu, na heppe, da ena daakkulnu oɗ medattem.

Sam 6:2 ပူးပေါင်းရင်းမြစ်များ

Genesis 20:17

Abimelek nug Sarah awom amunu, haen amuppa kobol amunu Yawe Nug he, Abimelek wau, amu nuhikkud begbeg maɗi ah ele ag nid menuglagnu elele iitta daappig. Amge dimppa Abimelek he, Sarah eɗua Abraham toppa ukkom, haen amuppa Abraham nug Kayak amegppa unuqitte, Kayak Nug he, Abimelek, nug wau, nuhikkud maɗi ah ele oh, ag eɗun, baula nid menuadkkulagnu elele daappig.

Job 19:21

O da lailad, Kayak Nug eheɗ oiɗom amunu, ag dahilnu oolag gai-iitta doon oolag meɗan ehaniɗkkulagnu oɗ madattem. Ge, ag dahilnu oolag gai-iitta doon oolag meɗan ehaniɗkkulagnu oɗ madattem.

Job 5:18

Aɗinu? Kayak Nug danab bu mette, ihiud medatte, amge dimppa Nug ihiud amu itatte. Ge, Kayak Nug danab bu mette, ihiud medatte, amge Nug he, ihiud qaɗaiedatteb.

Sam 22:14

Am danab laa nug le gokkaɗe ukkom bia, da mauhkkulnu male daattem. Da ebehilad oh am autak daatteb. Da oolppa ɠagattag iittanab. Ao, uppuh teɗ gakkaɗakppa le mette bia, da ool ɠagattag iitta daatte.

Sam 30:2

O Yawe, dahil Kayak, da na ehaniɗkkutnu unuqitti, na hee, oɗe dahil iitta me, da ena daattem.

Sam 31:10

Haen oh da wanppa dayeye, da uug kuɗum mawewe gaattem. Yo, maɗ oh da wanppa dayeye, da guittak doyeye oittem. Da ebehilad oh ele bodoedatte.

Sam 32:3

Amu da hipunin dahil miag ii mehuqmi dayeye, da deɗ oh, tuqan amun ele gaaiyi, ebehil gai-iitta meum.

Sam 38:2

Aɗinu? Nahip lat doɗo da iwa, da beɗul ooppa noum. Ao, na eppenppa da oiɗme.

Sam 38:3

Na dahilnu oppoɗin beum amunu, da beɗul oɗe ele. Ao, da hipunin hemi amunu, da beɗul kunum oh oɗe ele.

Sam 38:7

Aɗinu? Da beɗul gakkaɗak okkai ele. Ao, da oɗe eheɗnab memi.

Sam 51:8

Na hipunin dahil uhuqna meɗappe, diig amunu da baula gamag ahak okkai dookkulnu oɗ medattem. Ao, na da bu iume, amge gemu na heppe, da gamag ahak dookkulnu unuqidttem.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Jeremaia 10:24

O Yawe, na dahil eheɗ hak anidna, da padal mepanu na nai doya mala hettoɗia epeɗia elele mettak kobol aakkuib dim lamidna, bu meɗakkutnu oɗ medattem. Na oot nauheb, bu meɗamnanu unuqidttem.

Jeremaia 17:14

O Yawe, ⌊na da ehaniɗttem amunu,⌋ da naib binan mettem. ⌊Naib ehaniɗttem⌋ amunu, na heppe, da eɗuen, oɗe iitta ele daakkul dayeb amu, da genab oɗe iitta ele daakkul. Ao, na da padal mepanu ehaniɗkkut dayeb amu, da genab padal ii mepa.

Hosea 6:1

⌊Amu Israel ag oolag unuqagppanu da aniɗna dim lamiɗkkulagnu mattiɗna, ag akka akka akkulag.⌋ “Ahappeg, ig eɗut, Yawe waappa daatu! Aɗinu? Nug ig doɗ layag beɗu pattiɗe, huppu naunau nette bia guittak okkai naɗi mekkom, amge Nug heeb, ig ena daagnig. Genab, Nug ig bu iqe, beɗunkad ihi mettom, amge Nug ig ihinkad nau bappaidkku.

Namba 12:13

Aron nug anam Moses amegppa aum amunu, Moses nug Yawe unuqitta aum. “O Kayak, na nug ehanidppe, nug eɗua ena daakkunu oɗ medattem!” awa unuqittom.

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Duteronomi 32:39

Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!