Sam 6:1 - Nobonob Baibel

¹ O Yawe, na oot nauhebeb, daul ii batamnanu unuqidttem. Ao, na oppoɗin beeb, na toliɗna, bu ii meɗamnanu oɗ medattem.

Sam 6:1 ပူးပေါင်းရင်းမြစ်များ

1 Stori 15:20

Sekaraia, Jasiel, Semiramot, Jehiel, Uni, Eliap, Masea, Benaia ele ag ⌊musik hak kobol laa onig⌋ alamot dim lamidna, laia hekkulagnu daappig.

1 Stori 15:21

Aria, Matitia, Elipelehu, Miknea, Obetidom, Jeiel, Asasia ele, ag ⌊musik hak kobol laa onig⌋ seminit dim lamidna, harp qattaglagnu daappig.

Sam 118:18

Yawe Nug da ena daakkulnu bu ɠagattag da meɗom, amge Nug da mauhpanu ehaniɗe, da ii mauhmi.

Sam 12:1

O Yawe, genab tutukku hak danab ah ag iitta meppig bia amunu, na ig ehanigkkutnu oɗ medattem! Ao, laa nug neekka, wanppa danab, o ah laa nug oo metta ii uuak kobol dim lamidtte ii anidma amunu, na ig ehanigkkutnu unuqidttem!

Sam 2:5

⌊Yawe Nug ahilag dabmak amunu, am keeke hamu doyaya,⌋ Nug oo nauhehe, ag nau hettebnu daulag batatte. Nug ahilag haknu ele oppoɗi huan beebe, Nug ag amelagppa ag eheɗ hettebnu mattieye, ag huan baɗatteb.

Sam 38:1

O Yawe, na oot nauhebeb, daul ii batamnanu unuqidttem. Ao, na oppoɗin beeb, na toliɗna, bu ii meɗamnanu oɗ medattem.

Sam 4:1

O dahil Kayak, na am genab tutukku hak kobol aakkuib hettem. Anam amu, haen da na oninppa ettem, na nob meɗakkutnu ool daatte. Haen uug nau iutte amu, na dahilnu oot gai-iitta doon, oot meɗan ehaniɗna heppe, uug iitta mekkunu da oɗelppa aokkutnu oɗ medattem.

Aisaia 54:9

Amu Yawe Nug atte. “Amu dahil dabmakppa, da gemunu keeke am anukka Noa haenppan keeke bia anidttem. Anukka, haen amuppa da dahil nai ɠagattag qetten, da Noa amegppa, ‘Da hei, gu ne, le wan oh tone, wan nauhom amu, da baula leppa anam ii hepa,’ ami amu, amubia da gemu dahil nai ɠagattag qette, ‘Da ag Juda, da baula ahilagnu oo nauhak ii doopa. Da baula bu ii madapa,’ attem.

Aisaia 57:16

Amu da hanhan dahilad danab dilagnu nai ii hepa. Da ahilagnu hanhan oo nauhak ii doopa. Aɗinu? Da hanhan nai helom, da hanhan oo nauhak doolom amu, danab ah dahilad ag gai-iitta daalob. Ao, da hanhan nai helom, da hanhan oppoɗi bak doolom amu, danab ah dahilad ag mauhlob.

Jeremaia 10:24

O Yawe, na dahil eheɗ hak anidna, da padal mepanu na nai doya mala hettoɗia epeɗia elele mettak kobol aakkuib dim lamidna, bu meɗakkutnu oɗ medattem. Na oot nauheb, bu meɗamnanu unuqidttem.

Jeremaia 46:28

Anam amunu, O Jakop buɗub, ag dahilad maɗi nid amu, ag aib baɗappig. Aɗinu? Da ag ele daattem. Da heppi, ag gona, wan laalappa matatun daaglag amu, da wan amu oh hadappi, iitta mekkulagtai. Da anam hekkul oo iitta, amge da ag Jakop buɗub, da ahilagnu anam ii hepa. Da heppi, ag ii iitta memana. Da bu madakkul, amge da ahilag eheɗ hak eleleppa hein, nai doya mala hettoɗia epeɗia elele mettak kobol dim lamitten, ag toliatten, bu madakkul. Amu eɗittak ii madapa. Ag eheɗ heppig amunu, da anam hekkul. Da ahilag eheɗ haknu hamu bia doyen, bu ii madakkulnu ii hepa. Iitta. Da kobol eleleppa madakkul.” Yawe Nug anam awa atte.