Sam 57:8 - Nobonob Baibel

⁸ Da dakka dahilnu attem. “Na ahe!” Ao, harp, laia ele ⌊aa danab daaloplob, da ahilahnu; “Aa musik hekkulahnu⌋ aa ahai hibaitteɗ!” awe alom. Da buttuanab ahen, aam ii bak haenppa musik haknu keeke ahi laala hadappi ukkeb, aam bekku.

Sam 57:8 ပူးပေါင်းရင်းမြစ်များ

2 Stori 20:28

Ag Jerusalem tena, ag Yawenu mettid lakka gonana, laa ag harp, lut ele qenana, laa trampet iwaladppig.

Sam 150:3

Ag trampet huana iwalnana, amuppa binag meig! Ao, ag harp, laia ele qenana, amuppa binag meig!

Sam 16:9

Diig amunu da ool gamag ahehe, da oo gamag ahak ahi edattem. Ao, da dimppa ena daakkulnu doottem.

Sam 27:6

Amunu da kekeɗ ag da taliliɗppig daatteb, da ag eɗatten, ool gamag huana ahebeb, mettid haknu peh lagppa mana mettak hekkul. Da ahi edette, musik heinne, Yawe binag humakkul.

Sam 30:12

Na da humittak ahi nahipnu edette, bakkum ii daapanu oot heum amunu, na anam heme. O Yawe, dahil Kayak, da geha na amenppa, “Ena heme,” hanhan akkul!

Sam 43:4

Na anam heppe amu, O Kayak, da nahip qaɗabppa wakkul. O Kayak, na maɗoɗppan gamag ahak da meɗan, oo enanagnab doyak ele da meɗattem. Nahip qaɗabppa amu, da harp qeinne, na binan medakkul. O Kayak, na dahil Kayak.

Aisaia 52:1

Ag Juda danab ah, ag aheg! Ag danab nug niiom aha, bala mette, ag amubia ahan, ɠagattag, lamen bia takkan dayeg! Ao, ag Juda danab ah, ag Yawenu tituanak daatteb amu, ag ahan, ag ah nug aha, lamen enanagnab tagatte bia bala ahilag enanagnab Kayak eppegppanu takkeg! Aɗinu? Danab nau, danab Kayaknu neekkakppa ag oolagppa dubuttid tak ele, ag uɗin, baula eheɗ ii hattamna.

Aisaia 52:9

O Juda danab ah, ag aab nauhak daatte bia daatteb amu, Yawe Nug oo mak ag madakku. Ao, Yawe Nug ag laa eppelagppa dayaknu qagaiettakppanu eɗua uhuqak ha madakku. Anam amunu, ag laippun ahan, gamag ahaknu ele ahi ettalatteg!

Aposel 2:26

Diig amunu da ool gamag ahehe, da oo gamag ahak ahi edattem. Ao, da dimppa eɗuen hippaidkkulnu dabmak aɗe oikkul.

Ikki Danab 5:12

‘Deborah, na ahe, na ahe! Ao, na aib niime! Na ahe! Ahe! Na ahan, ahi laa ette! Barak, na hibaitte! Ao, Abinoam bekka, na ahan, kekeɗ na ag eɗadkkutnu daatteb amu, na ag aɗalatte!’