Sam 57:6 - Nobonob Baibel

⁶ Dahil kekeɗ ag da awiɗkkulagnu pelem meppig daatte. Da uug nauppa daattem. Ag da ippulppa moɗ umanab aoeg noum, amge ag akka amuppa nokkulag. Sila.

Sam 57:6 ပူးပေါင်းရင်းမြစ်များ

1 Stori 29:10

Amu Dawit nug amu antta, nug danab qagmeppig noolagppa Yawe binag metta inam aum. “O Yawe, ig na binan humattem. Na ig memetanig Israelnu Kayak, na hanhan alet daattem.

1 Stori 29:11

O Yawe, habppanu keeke oh, wanppan keeke oh ele am nahipadib daatteb amunu, na onin, ɠagattag ele. Na ebehin ele, na binag amahlak oppiaawak ele. Na dagom onig ɠagattag ele. Na ɠagattag okkai naɗi ele daattem. Gumak uɗat oh am nahipib, na laa oh eɗattak, oh ikkilag daattem.

Sam 108:6

Ig, na ihinignu oot mauhtte ele amu, ig kekeɗ eppelagppa ii daamtanu, na nahip ɠagattag okkai amuppa ig ehanigppe, qagaiettakppa ii daamtanu oɗ medattem.

Sam 140:5

⌊O Yawe, na da ehaniɗkkutnu oɗ medattem.⌋ Dada hak danab ag da aɗailkkulagnu pelem meppig daatte. Ao, ag da uhui laappa nokkulnu meppig daatte. Ag da ippulppa pelem maadppig daatteb. Sila.

Sam 142:3

O Yawe, da oolppa elele ii doottem haenppa amu, ib da gottem ele, na ib amu doottem. Amu ib da gottem ele, amuppa danab ag da aɗailkkulagnu pelem laa lokkumna meppig daatte, ⌊amge na amunu aben ele doottem⌋.

Sam 143:4

Ag anam hetteb amunu, da eɗuen, ena bekkulnu dabmak aɗe oikkulnu ii doottem bia oittem. Ao, da ool uug qak nau doottem.

Sam 145:14

Yawe Nug danab ah ag nena qeppig ele, Nug ehanatte, ag eɗun hippaidtteb. Yo, Nug danab ah ag uug dootteb ele, Nug ag ehanadtte.

Sam 42:6

Da ippa qauko Hermon, qauko Misa, Jodan le gogppa ele guguittak uugnu oola, laih dayaknu danab daattem. Da anam dayeye, da oolppa elele ii doottem amunu, da Kayak unuqidkkul.

Sam 8:2

Na he, nid naunau, amu nid yuɗ huhppanu ele ag na binan humaglagnu dootteb. Na amu heme, amunu diig am kekeɗ nahipad ag ib iitta ele daaglag. Ao, na amu heme, amunu diig am danab ag akka ag laa nau heppignu nob mattaglagnu hetteb ele amu, ag nai iitta, hamu daaglag.

Prowerb 28:10

Laa nug genab tutukku hak danab ah, ag eheɗ hekkulagnu eeɗadtte ele, nug nuhig pelemppa tekku; amge Kayak Nug danab ag nuhig neekkakppa danab oolagppa kaliak laa iitta ele daatteb amu, Nug ag aug ena madakku.

Prowerb 29:5

Aun nug mudippan laippu oo eeɗaknu ittag nai maditte; nug nukka nuhignu pelem mette.

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Namba 14:21

Da uhuqe madattem, amge da genab bau daattem, binag amahlak oppiaawak ele dahil ele genab wanppa ambak daatte amu, genab amubia