Sam 57:4 - Nobonob Baibel

⁴ Dahil kekeɗ ag da taliliɗppig daatteb. Da am danab nug laion ag enug aqak ele, ag nug talilidppig daatteb, da amubia daattem. Ao, dahil kekeɗ ag laion doɗ laa laatteg iitta metteb bia, ag danab ah hattaeg nauhtteb. Ge, kekeɗ dahil ag laion bia, ag aelkad am lat doɗo bia, lemaɗulkad amu qep elab bia.

Sam 57:4 ပူးပေါင်းရင်းမြစ်များ

Job 41:14

Auntai laa nug eppegppa heeb, lewiatan nug oɗe aahak daakku? Laa iitta; oɗeppa aeg nau huanak daatteb.

Sam 10:9

Doɗ laion ag toettan, doɗ laa bodoettak ele aqadna laadkkulagnu maadna daatteb amu, amubia nau hak danab ag danab ah ɠagattag iitta ele aɗaladkkulagnu henan daatteb. Ge, atu makkaɗak hikan danab ag uhuippa pelem mena, doɗ diin eeɗadna gotteb bia, nau hak danab ag danab ah ehanittak laa iitta ele aɗaglagnu henan daatteb.

Sam 35:17

O Naɗi, ag anam hetteb, amu haen gane laa ele ukkeb, na anam neekkadnaib daappe, ag anam hekkulag? Haen gane laa ele ukkeb, na da ehaniɗkkut? Na danab ag da niɗaglagnu hetteb amu, na ag eppelagppan ehaniɗna awiɗkkutnu unuqidttem. Ao, ag am laion bau bia, na da atognoiɗppe ii mauhpanu oɗ medattem!

Sam 43:3

O Kayak, na amahlak nahip, amu doyak diig genabib nahip ele meppe nekkunu oɗ medattem. Na keeke amu oh meppe uɗiya, aa da atognoiɗya omaiɗpeɗ, qauko Sion, qauko amuam nahipnu tituanak daatte, na amuppa daattem amu, da amuppa gokkul.

Sam 52:2

Na hanhan buttua ukka tueb batak Kayaknu danab ah hadappe nauhkkulagnu maittak aottem. Na aɗi keekenu attem, amuam resa laa aeg naunab ele, laa otaɗe guittak dootte, nahip nai amubia hette. Na nai attem amu, danab ah ag amunu oolag guidtte. Na hambuppuak nai madikkutnu doon autna aottem.

Sam 55:21

Nuhig nai amu enanag, ee enanag bia, amge nug ooppa amu, nug nug qaknuib hette. Yo, nuhig nai amu enanag, beɗu laittaknu goɗen enanag bia, amge nug oo unuqag amu, nug danab ah aqakkunu hette!

Sam 58:6

O Kayak, nau hak danab ag ban hak doɗ laa bia daatteb. Na heppe, ag ⌊ɠagattag iitta,⌋ doɗ laa aekkud qiialattak ele bia daaglagnu oɗ medattem. Ao, O Yawe, na heppe, nau hak danab ag ⌊ɠagattag iitta,⌋ laion bau aekkud kaulak ele bia daaglagnu na unuqidttem!

Sam 59:7

O Kayak, danab nau amu oɗelagppanu nai nau huanaknab nette, na nai amu dookkutnu unuqidttem. Ao, qep elab aeg nau ele danab guittak okkai medatte, ag oɗelagppanu nai am amubia hette. Ge, ag amu hettebnu diig am, ag nai nau oh amu mattieg neene, ag hibguitta hena, inam atteb. “Aun ig dooikka bu iqakku?”

Sam 64:3

Ag lemaɗulag am qep elab biappa nai maditteb. Ao, ag nai mattin, aɗi atteb amu, nai amuam lat aeg hawaɗ kekeɗ dilagppa etteb bia maditteb.

Prowerb 12:18

Nai mauhnoak, dabmak iitta ele mattiak am laa nug layag qep-ppa yaatte bia hette; amge danab doyak dabmak ena ele, nug amunu nai maditte amu, nug laa ehanadtte.

Prowerb 25:18

Na mudippan laippu, na nuhignu hambuppuak nai hettoɗiakppa madittem dayeb amu; buppuak amuam daɗib laa, o qep elab laa, o lat doɗo hawaɗ ele laa guittak mettalo, amubia guittak medatte.

Prowerb 28:15

Nau hak danab laa nug danab ah ag ɠagattag iitta ele gumadtte dayeb; amuam laion, o bea enug qak doya, doɗ laa qa lakkunu hette, am amubia aakku.

Prowerb 30:14

Ag doɗ laa ag aelkad qep elab aeg hawaɗ ele bia, ag amubia daatteb. Ao, ag doɗ laa nug hippegppa qep qataqak daatteb, ag amubia daatteb. Ag doɗ nau amu ag lailkad aqaeg mauhtteb bia, ag daɗek danab eheɗ hadappeg, ag wanppa ii daamnanu hetteb. Ao, doɗ nau amu ag lailkad aqaeg mauhtteb bia, ag laa ag keekenu tutu mak daatteb eheɗ hadappeg, ag danab ah oolagppa baula ii daamnanu hetteb.

Jems 3:6

Amu ig lemaɗunig nug am aab aɗu bia. Nug beɗunig laih laala oh gamagppa Satan eppeg bia daatte. Danab lemaɗu nug danab beɗu oh dubuttid medatte, amu nug danab beɗuppa kobol aab gakkaɗak bia hette amunu, oiyak oh nuhig am ena ii bette. Danab lemaɗu, ⌊nug anam hette ele amu,⌋ nuhig diig am Satan.

Revelesen 19:15

Ahilag okkai amu qep elab aeg ele, Nug wanppan wan oh aqakkunu, Nug oɗeppanu doa ukkak daatte. Nug aen bu aɗa, bu amuppa Nug danab ah gumadkku. Nug geha grep meu tappa leppu awaknu abenppa grep meu tabakku. Amuam Kayak Nukka Ɠagattag Oh Elenu oppoɗi bak okkainab, amu ippunigtte.

Ikki Danab 9:20

Amge ag Gideon, baekkudppa ele dilagppa eheɗ heppig dayeb amu, Abimelek, nuhigppanu, aab ewak ukkeb, ag Sekem, Bet Milo ele danab ewatteb, ahilagppanu ele, aab ewak nuhigppa ukkeb, anam bekkunu Kayak unuqidttem,” awa aum.