Sam 57:3 - Nobonob Baibel

³ Kayak Nug hab attan daatte, Nug appanu da ehaniɗeb padal ii mepa. Ao, Nug danab ag da heiɗeg nauhttem ele amu heeb nauhkkulag. Sila. Ge, Kayak Nug dahilnu oo mauhaknab doya, Nug ele dahilnu oo metta ii uuak kobol dim lamidkku.

Sam 57:3 ပူးပေါင်းရင်းမြစ်များ

Job 31:31

Dahilad danab laa nug deɗ laa, ‘Ihinig okkai Job, nug danab amu he, enug qeeqe eɗua ukkom,’ alolob, ⌊da Kayak eppegppa eheɗ aolom am elele, am tutukku⌋. Amge anam iitta. Aɗinu? Dahil od am aab diig danab iitta dilagnu matulakib dayom amunu, ag uɗin, niiaknu aben iitta daan, ag dimittim ib giginppa niiglagnu dabmeegeg, da hei, ag da laulppa niippig. Ag dimittim ii niippig.

Sam 138:8

Yawe, Nug keeke oh dahilppanu hekkunu nai ana qakkom amu, Nug anamib hekku doottem. ⌊O Yawe,⌋ nahip oo mauhaknab kobol am hanhan daatte. Ao, na uɗat oh dahilnu hee betteb ele amu, na heppe, gogppa tekkunu ool daatte.

Sam 40:11

O Yawe, na dahilnu oot gai-iitta doon oot meɗan ehaniɗttem amu, na heppe, kobol amu iitta memanu da na oɗ medattem. Da nahip oo mauhaknab, nahip doyak diig genabib ele dahilppa daayya, hanhan ehaniɗpeɗ, da ena daakkulnu unuqidttem.

Sam 43:3

O Kayak, na amahlak nahip, amu doyak diig genabib nahip ele meppe nekkunu oɗ medattem. Na keeke amu oh meppe uɗiya, aa da atognoiɗya omaiɗpeɗ, qauko Sion, qauko amuam nahipnu tituanak daatte, na amuppa daattem amu, da amuppa gokkul.

Sam 61:7

O Kayak, na heppe, nug king hanhan dayebeb, atognobeppe daakkunu oɗ medattem. Ao, na nug nahip oo mauhaknab kobol, nahip oo metta ii uuak kobol eleppa ehanidkkutnu unuqidttem.

Aisaia 26:12

Ig aɗi uɗat ena hemut ele amu, na ihinig uɗat amunu ulum mekkae, ena beum amunu, O Yawe, na heppe, nahip maɗoɗ ihinigppa ba daakku, ⌊da oolppa genab doottem⌋.

Namba 23:24

Danab ah ag laion anig laa ahe anidna baɗatteb amu, Israel danab ah, ag am laion amu laa bia. Yo, danab ah ag laion laa niiom ahe anidna baɗatteb amu, Israel danab ah ag am laion amubia. Laion ag doɗ laa qena lawona, ag hik aotteb. Genab, laion ag doɗ laa qena lawona, ag toettan daatteb amu, Israel ag anam daatteb.” Balam nug anam awa aum.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Aposel 12:11

Aakku Pita nug aɗi kobol beum amu doya aum. “Herot nug da aɗailele, Juda danab ag da eheɗ heiɗkkulagnu dabmeppig, amge gemu da genab doottem, Naɗi Nug he, engel nuhig uɗia, da ag eppelagppanu awiɗom,” awa aum.