Sam 57:1 - Nobonob Baibel

¹ O Kayak, da nahip-ppanu padal mak eɗitteb ena dayaknu ehanittak aottem amunu, na dahilnu oot gai-iitta doon oot meɗan ehaniɗkkutnu oɗ medattem. Ao, na dahilnu oot gai-iitta doon oot meɗan ehaniɗkkutnu unuqidttem. Da padal mepanu, matuk nag anig haug waappa daatte bia, da na guguitten daakkul. Ao, da anam hebippi ukkeb ukkeb, uug naunab amu oh qe-eɗilkkulag.

Sam 57:1 ပူးပေါင်းရင်းမြစ်များ

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

Sam 13:5

Amge da nahip oo mauhaknab kobolnu oolppa genab doottem. Ao, da geha na ehaniɗppe padal ii mepanu gamag ahak dookkul.

Sam 142:1

Da Yawe Nug da ehaniɗkkunu huanak ettem. Yo, Nug dahilnu oo gai-iitta doya, oo meɗa ehanittak okkai meɗakkunu gayeye, oɗ medattem.

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Sam 36:7

O Kayak, danab ah ag nahip oo mauhaknab kobolnu oolag huana hette. Na danab ah oh dilagnu padal mak eɗitteb ena dayaknu ehanittak dayeye, ag matuk nakkud anilag haug waappa ena daatteb bia, danab ah ag nahip-ppa ena daatteb.

Sam 56:1

O Kayak, na dahilnu oot gai-iitta doon oot meɗan ehaniɗkkutnu unuqidttem. Aɗinu? Kekeɗ daup ag da huana lamiɗtteb. Yo, kekeɗ dahil ag deɗ oh amun tuqan ele banel uɗina, iuglagnu hetteb.

Sam 58:1

Gumak danab ag, ag nai doya mala hettoɗia epeɗia elele mettak kobol genab hettebte? Ao, ag danab okkai ag epeɗiak maɗi ahilag henana, ag uɗat amu tutukku, kaliak laa iittappa genab hettebte?

Sam 59:1

O Kayak, na heppe, da kekeɗ dahilad eppelagppa ii daapanu oɗ medattem. Ao, laa iuppeg mauhkkulnu oolag hette ele amu, na da ehaniɗppe, ag amu ii hemananu unuqidttem.

Sam 61:4

Da nahip mettid haknu peh lagppa daakkul dayeb, da ehanittak awe, padal ii mepa amunu, na heppe, da appa hanhan daakkulnu ool okkainab daatte. Ao, da matuk nakkud ag anilag haug waappa padal mak eɗidna ena daatteb, amubia da na guguittak dayeye, padal mak ii aopanu ool okkai daatte. Sila.

Sam 63:7

Haen oh na da ehaniɗttem amunu, da na haut waappa dayeye, oo gamag ahak ahi ettaladttem.

Sam 75:1

O Kayak, na ig gukkuigna daattem amunu, ig nahipnu, “Ena heme,” aot attem! Ao ig, “Ena heme,” anak na medattem. Danab ah ag na kobol danab haknu elele iitta kuɗum hettem amu, ag amunu laa amelagppa maditteb.

Sam 9:10

O Yawe, na laa nug na anitta dim lamidkkunu na mattitta oitte ele, na nug ii uuidttem amunu, aun aɗi ag na dooidtteb, ag nahipnu oolagppa genab dooglag.

Sam 91:1

Laa nug Kayak Attannab Laa Oh Eɗattak guppiɗ dimugppa daatte amu, nug Kayak Nukka Ɠagattag Oh Ele, nug nuhig dabmettak waappa daakku.

Sam 91:4

Ai laa nug nakkud haugppa dabmadatte bia, Nug na atognoidkku. Ao, nahip padal mak eɗitteb ena dayaknu aben Nug haug waappa daakku. Ge, nuhig oo metta ii uuak kobol, amuam nahip guppiɗ, aria nahip wan buue te aɗ itak bia, Nug amubia ele daakku.

Sam 91:9

Kayak Attannab Laa Oh Eɗattak, Nug nahip ena dayaknu aben bia daatte dayeb, Ge! Yawe, Nug padal mak eɗitta ena dayaknu ehanittak dahil daatte, Nug nahip ena dayaknu aben bia daatte dayeb,

Aisaia 10:25

Aɗinu ⌊ag ii baɗamna⌋? Da ag Israel, da ahilagnu oo nauhak doomi amunu, Asiria ag gemu ag anam eheɗ hadatteb, amge dahil oppoɗi bak ahilagnu daatte iitta mekkunu am haen elab ii daatte; haen tutu daatte. Haen amu maleb, dimppa da geha eɗue awe, Asiria eheɗ madakkul,” awa atte.

Aisaia 26:20

O danab ah dahilad, ag laulag ooppa nona, od maneg! Ag lokkumna haen nakokib oppoɗi bak haen imu iitta mekkunu ameg meig!

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Matyu 24:22

Anam daatte amunu, Kayak Nug haen amu tutu daakkunu, haen amu ii okkullo, danab ah oh padal melob, amge Kayak nug nuhikkud tituanattom ele, Nug amu dilag dabma, haen tutu okkulkku.

Luk 13:34

O Jerusalem, O Jerusalem, na propet aqae mauhtteb, maɗi nid Kayak nahip-ppa maatte uɗitteb ele amu, na ag ele menppa aqae mauhtteb. Da haen kuɗum na begapad, matuk anig nug nakkud haugppa qagmaatta tonadtte, amubia qagmaadkkulnu hemi, amge ag uuppig.

Jon 16:20

Da genabnab genab ag amelagppa attem. Wanppan danab ah wannu kobol dim lamadtteb ele ag oolag gamag ahakku, amge geha ag dahilad daatteb amu, ag naɗi gaaglag; ag oo doyak ele gaaglag. Ag geha oolagppa oo doyak okkai aon daaglag, amge ahilag oo doyak am eɗueb, ag maɗoɗppan gamag ahak dooglag.

Duteronomi 9:26

Da Yawe unuqitte ami. “O Naɗi Yawe, na danab ah nahip imu heppe, padal memananu oɗ medattem. Ag am nahipadnab daatteb. Israel danab ah amu, ag Isip appa begbeg maɗi nid daaegeg, na ag amunu qagaiettakppanu eɗua uhuqak nahip ɠagattag okkaippa heme. Ao, na ebehinppa ehanadna, na Isipnu diin uɗime.

Revelesen 21:4

Kayak Nug heeb, amelag leb am iitta mekku. Danab ah ag baula ii mauhmana, ag baula ii mahimna, ag baula ii gaamna, amu ag guittak ele baula ii doomna. Aɗinu? Anukkan keeke amu oh iitta meum.”

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig

Rut 2:12

Yawe, Nug na kobol ena aɗi aɗi heme amu, Nug amu dabmaama, nob ena na medakkunu ool daatte. Na matuk nakkud ag anilag haug waappa padal mak eɗidna ena daaglagnu daatteb bia, na ippa uɗin, Yawe waappa daattem amunu, Yawe, Israel dilag Kayak, Nug nob itittak ena na medakkunu ool daatte,” awa aum.

1 Samuel 22:1

Dawit nug anam he, king aum amunu Dawit nug aha, Gat uua, oola ukka, aab Adulam guguittak, wan oɗe laappa dayom. Dawit nug ukka dayeye, nug awakkud, amu nuhigppan laa ele ag nug appa daatte doon, ag ahan ukkaeg, oh appa daappig.

1 Samuel 24:3

Saul nug nuhikkud danab ele ag gona, ag aben laappa teppig. Aben amuppa ib daatte amu, ib amu heqo laih sipsip dilag aɗ daaegeg, amu aben amu guguittak, appa amu wan oɗe laa ele dayom. Amu Saul aɗi ag gona, appa tena, Saul nug biikkunu wan oɗe amuppa noum, amge Dawit nug nuhikkud huu ele ag wan oɗe amuppa, uma noa ukkak, ag appa ag lokkumna autna aon daappig.

1 Samuel 24:4

Saul nug wan oɗe okkai amuppa noa dayeye, Dawitnu danab ag Dawit amegppa appig. “Yawe Nug anukka na amenppa inam aum. ‘Da geha nahip kekeɗ na eppenppa meppi, na attem hekkutnu oot daatte amu, na hekkut.’ Nug anam aum amu, gemu am haen Yawe Nug anukka amenppa aum aakku. Gemu nug na eppenppa aakku meum,” aon appig. Ag anam aeg, Dawit nug qinonobnab ukka, Saul guguitta wana, nuhig lamen elab nob honap nak amu nakok otaɗa awom.

1 Samuel 24:8

Saul nug wan oɗe ooppanu ba ukke, Dawit ele wan oɗe ooppanu dimittim ba, Saul dookkunu inam eum. “O Naɗi dahil, na king!” Nug anam e, Saul nug eɗua neekka, Dawit antte, Dawit nug gateg qaun o, gomela, iɗu wanppa meum.

1 Samuel 26:9

Abisai nug anam aum, amge Dawit nug nob ma aum. “Na nug aib qeppe mauhom. Aɗinu? Yawe Nug Saul, Israel dilag king daakkunu goɗen gokkaɗakppa tituanom, amu aun laa nug Saul qeeb mauhkku amu, Yawe Nug danab amu nug eheɗ heum, nug beɗuppa aab ele antta, ⌊am geha Nug danab amu nob nau medakku⌋,” awa aum.