Sam 56:2 - Nobonob Baibel

² Dahil kekeɗ ag deɗ oh amun tuqan ele da banel uɗin daatteb. Ao, ag am kuɗum, amu ag da banel uɗiglagnu ii baɗatteb.

Sam 56:2 ပူးပေါင်းရင်းမြစ်များ

Sam 3:1

O Yawe, kekeɗ dahil am kuɗumnab. Ao, kuɗumnab ag da niɗaglagnu hetteb.

Sam 35:1

O Yawe, na laa ag da ele mehqak hettem ele amu, na ag ele nug mehqak hekkulagnu oɗ medattem. Yo, na laa ag da ele ban hettem amu, na ag ele ban hekkulagnu unuqidttem.

Sam 41:5

Dahil kekeɗ ag dahilnu oo aeg bak doon, ag dahil mauhaknu tappaɗna atteb, “Nug ganeb mauhkku? Ao, Nug ganeb mauheb, laa oh ag nug wanppa dayom am daulag atikku?” aon atteb.

Sam 54:5

O Kayak, dahil kekeɗ ag da guittak meɗaglagnu maidtteb ele amu, ahilag maittak amu akka ahilagppa heppe bekkunu oɗ medattem. Ao, na dahilnu oo metta ii uuak kobol dim lamidna heppe, ag iitta mekkulagnu unuqidttem.

Sam 57:3

Kayak Nug hab attan daatte, Nug appanu da ehaniɗeb padal ii mepa. Ao, Nug danab ag da heiɗeg nauhttem ele amu heeb nauhkkulag. Sila. Ge, Kayak Nug dahilnu oo mauhaknab doya, Nug ele dahilnu oo metta ii uuak kobol dim lamidkku.

Sam 9:2

Nahipnu amu, da ool gamag huanaknab ahakku. Ao, O Kayak Attannab Laa Oh Eɗattak, da geha na oninnu humittak ahi edakkul.

Sam 91:1

Laa nug Kayak Attannab Laa Oh Eɗattak guppiɗ dimugppa daatte amu, nug Kayak Nukka Ɠagattag Oh Ele, nug nuhig dabmettak waappa daakku.

Sam 92:1

Danab ah ag Yawe amegppa, “Ena hen mekkame,” akkulag, amuam kobol ena. Genab, O Kayak Attannab Laa Oh Eɗattak, danab ah ag na binan mekkulagnu ahi ettaglag, amuam kobol ena!

Sam 92:8

Nau hak danab ah dilagppa anam aakku bekku, amge O Yawe, na keeke oh dilag okkai daattem. Na hanhan hab attan onin binan okkai ele daattem.

Sam 93:4

Yu naɗippa, duban okkai, anam aakku uɗin heegeg, oqotti huana otte, amge O Yawe, na attan daattem amu, nahip ɠagattag am yunu ɠagattag amu eɗidtte. Yo, duban naɗi okkai, ag am ebehilag ele, amge Yawe, na attan daattem, nahip ɠagattag amu eɗidtte.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Maika 6:6

Amge da Yawe noobppa ukken daakkulnu amu, da aɗi keeke awe wain medakkul? Ge, da Kayak, Nug am keeke oh ikkilag, da ukken Nug noobppa daakkulnu amu, da aɗi keeke ena awe wain, Nug noobppa gatel qaun oin, gomelen medakkul? Da Nug noobppa wakkulnu amu, da nuhig qaɗabppa manaknu ofa kuɗum manen medakkulte? Ge, da Nug noobppa wakkulnu amu, da makau gaiɗ maɗ laippu awak ele kuɗum nuhig qaɗabppa manen medakkulte?

Revelesen 16:14

Ouɗi nau amu ag epponak keeke danab haknu elele iitta hetteb. Ag wanppan wan oh dilag king, ag Kayak Nukka Ɠagattag Oh Ele nuhig deɗ naɗippa, amuam deɗ Nug eheɗ hak danab oh epeɗiadkku amu, ag Nug ele ban hekkulagnu qagmattaglagnu gotteb.