Sam 52:8 - Nobonob Baibel

⁸ Amge da amu, da olip ad laa, Kayaknu mettid lag, amuppa enanag bette, da amubia daattem. Ao, da Kayaknu oo mauhaknab kobol daatte amu, da amunu oolppa hanhan genab doottem.

Sam 52:8 ပူးပေါင်းရင်းမြစ်များ

Sam 1:3

Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

Sam 128:3

Am grep ena laa, nug grep meu huana otte, amubia na geha nid naunau kuɗum menuadkkut. Ao, olip ad, ita huana betteb, amubia nid naunau kuɗum na lautppa daaglag.

Sam 13:5

Amge da nahip oo mauhaknab kobolnu oolppa genab doottem. Ao, da geha na ehaniɗppe padal ii mepanu gamag ahak dookkul.

Sam 147:11

Yawe Nug hosnu ɠagattag, o danabnu ɠagattag, Nug amunu gamag ahak ii dootte. Iitta. Nug laa ag nuhignu ebehilag oh bodoetta le mette ele, Nug amu dilagnu enanagnab dootte. Ao, laa ag Nug ahilagnu oo mauhaknab dootteb, ag nuhig kobol dabmenan daanna, ag amuppa ehanittak aon, gogppa tekkulagnu ameg metteb ele amu, Nug amu dilagnu enanagnab dootte.

Sam 33:18

Anam aakku daatte, amge Yawe Nug danab ag nuhignu ebehilag oh bodoetta le mette ele, Nug ag ehanadtte. Yo, Nug laa ag nuhig oo mauhaknab kobolnu dabmenan oitteb ele amu, ag ehanadtte.

Sam 58:11

Amu beeb am, danab ag akkulag. “Am genab, laa ag genab tutukku hak danab ah daatteb, ag nob ena anidtteb. Ao, genab, Kayak Nug wan imuppan danab ah epeɗiadtte amu, Nug daatte,” aon akkulag.

Jeremaia 11:16

Yawe Nug anukka ag Juda, Nug ahilagnu, “Ag am olip ad enanag, meu ele enanag,” aum, amge Nug heeb, ag bu eheɗ aoglag; bu amuam ulah huana uɗie, gu ele huana ne, amemɗi awa ye, ad amu ewewe, ebekkud ele qiialadtte, amubia.

Rom 11:24

Doyeg! Ag iitta aɗi ag anukka amu ag olip ad dakkuɗ eppekkud daaegeg, Kayak Nug olip ad amuppanu ag otakkatta diia, dattanu olip ad, amuppa tuɗittom. Ad amuam ahilagnab iitta. Israel ag am dattanu olip ad eppekkudnab bia amunu, Kayak Nug ag diia, eɗua tuɗitteb daaglagnu elelenab daatte. Kobol Kayak heum am adppanab nukka hamu anambia ii bette, amge Kayak nug ag iitta aɗi, ahilagppa kobol adppa ii bette, Nug ahilagnu amubia he beum.