Sam 51:16 - Nobonob Baibel

¹⁶ Aɗinu? Da doɗ manen, na mettalom amu, na enanagnab ii doolom. Am da manen mettalomnu oot anam daalo, da anam helom. Ao, da manaknu ofa manen mettalom amu, na ii aolom; na ena ii doolom.

Sam 51:16 ပူးပေါင်းရင်းမြစ်များ

2 Samuel 12:9

Amunu aɗinu na da Yawe, na dahil nainu ena iinab doon, eheɗ nau amu heme? Na hee, kekeɗ ag Hit danab Uraia qep elabppa qeeg mauhom. Ao, ag nug qeeg mauhe, na nug wau, nahip ah daakkunu aome. Ge, na hee, Amon danab ag qep elabppa Uraia qeeg mauhom.

Sam 40:6

O Yawe, na ootppa keeke anuqak am, danab ah ag ofa iɗu iɗu na mettaglagnu ii daatte. Ge, danab ag nahip qaɗabppa manaknu ofa, ib etta hipunin haknu ofa ele na mettaglagnu amu, na amunu ootppa keeke anuqak ii doottem. Kobol na amunu anuqak doottem ele am, danab nug nahip nai dim lamidkku.

Sam 50:8

Da ahilag mana mettaknu amu, da ii aladttem. Ao, da ag manaknu ofa hanhan main meɗattebnu amu, da amunu ag ii aladttem.

Sam 51:6

Na danab ah ag oolag unuqagppa doyak diig genabib daakkunu oot daatte amunu, na da ool unuqagppa, da danab doyak dabmak ena ele, da danab anam daakkulnu ippuniɗkkutnu unuqidttem.

Sam 71:15

Na kobol enanagnab kuɗumnab, da oh doyadkkulnu elele iitta hettem amunu, da na keeke genab tutukku hettemnu oh amelagppa akkul. Yo, deɗ oh amun tuqan ele da laa amelagppa na danab ah nahipad padal memananu ehanadme akkul.

Eksodas 21:14

Amuam danab nug layag ii doyaya qe mauhttenu ɗo, amge danab laa nug hekkunu lokkumakppa dabmaama, maittak eheɗ awa, danab laa qeeb mauhkku dayeb amu, ag danab amu qeppeg mauhaɗ! Genab! Nug ena daakkunu qaiqaɗ ukka, dahil qaɗabppa ta aɗakku dayeb am keeke hamu. Ag amu aib dabmeppig. Ag nug amuppanu aon gona, qeppeg mauhaɗ!

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Prowerb 21:27

Nau hak danab ag doɗ manan, Kayak mettaglagnu heegeg anatta, Nug ooppa uuaknab dootte. Nug amunu uuaknab dootte amunu, genabnab genab ag ɗo hamuib dim lamidna, eheɗ hekkulagnu dabmena, mana mettak hekkulag amu, Nug amunu ooppa uuaknab okkai dootte.

Jeremaia 7:27

Yawe Nug anam ana, Nug tuɗitta, da amelppa aum. “Jeremaia, na Juda danab ah amelagppa anam abeppe, ag nahip nai ii doomna. Na ag onilagppa ebeppe, ag nai noob laa ii mettamna.

Hosea 6:6

Amunu diig am, da ag laanu oolag gai-iitta doon, oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem. Ao, ag da, Kayak, ag da genab dooiɗkkulagnu da anuqak doottem. Da ag manaknu ofa, da meɗaglagnu anuqak ii doottem,” awa atte.

Namba 15:27

Amge laippu laa nug ii doyaya hipunin ha amu, nug meeme balat laa, maɗ laippu awak ele, nug doɗ amu awa, ib etta hipunin haknu ofa haɗ!

Namba 35:31

Ag aun nug genabnab laa doyaya qe mauhom dayeb anidna amu, ag nug qeppeg mauhkku. Ag aib heppeg, nug qagaiettakppa daamanu men doɗoppa uhuqak awom. Iitta! Ag doyaya qe mauhak danab genab qeppeg mauhaɗ!

Duteronomi 22:22

Danab nug danab laa wau ele gappai aopeɗ, ag anatkkulag dayeb amu, danab amu, ah amu ele oh aa mauhkkulahoitte. Kobol nau ag oolagppa daamanu, ag heppeg, aib dayom!

1 Samuel 15:22

Saul nug anam aum, amge Samuel nug eɗua amegppa aum. “Yawe Nug manaknu ofa, amu mana mettak laala elenu oo hette, amge Nug danab ag Nug oɗe dim lamidkkulagnu amu, Nug amunu oo huanaknab hette. Yawe oɗe dim lamittaknu, am mana mettak eɗidtte. Ao, Yawenu nai doon dim lamittaknu, am sipsip dawai ittag mana, Kayak mettaknu eɗidtte.