Sam 51:11 - Nobonob Baibel

¹¹ O Yawe, na oot da meɗan, na heppe, da na uuitten ii gopanu oɗ medattem. Ao, na oot da meɗan, nahip Ouɗi oppiaawak ele, na Nug dahilppanu aɗilna ii aomnanu unuqidttem.

Sam 51:11 ပူးပေါင်းရင်းမြစ်များ

Genesis 4:14

Gemu na da wan imuppanu, na noompanu lamiɗttem amunu, da haen oh aben laippuppaib ii daapa; qati qati oikkul. Danab laa da aniɗa, nug duul ob mauhkkul,” awa aum.

Genesis 6:3

Amu Yawe Nug aum. “Dahil Ouɗi Nug hanhan danab oolagppa ii daama. Aɗinu? Ag am danab; ag mauhtteb. Ahilag dayak am maɗ 120 batak daakku,” awa aum.

2 Samuel 7:15

Da heppi, laa ag bu anam mettalag, amge da na bekkat amu, da dahil oo mauhaknab kobol nuhigppanu aɗitten ii aopa. Da Saul, nug king daamanu na noomppa lamidmi amu, da oo mauhaknab kobol dahil nuhigppanu aɗitten aomi, amge da na bekkatnu anam ii hepa. Iitta. Da hanhan nuhignu oo mauhaknab kobol dookkul.

2 King 13:23

Amge Yawe Nug Israel dilagnu oo bodoette enanag maɗoɗ ele hak kobol dim lamitta, Nug ahilagnu ele oo bodoetta le meum. Nug nug tituana nai qakkak anukka Abraham, Aisak, Jakop ele heppig amu, Nug amu dabmeum amunu, Nug Israel ehanatta, Nug ag eheɗ ii hatta, Israel Nug noobppa daatteb amu lamatteb, laih gokkulagnu Nug oo ii dayom. Iitta. Tatam, gemu ⌊nai imu yaak haenppa⌋ ele, anamib.

2 King 23:27

Yawe Nug inam aum. “Da kobol anukka Israel wanppa hemi ele amu, da kobol amuib Juda wanppa hekkul. Da geha lamadppi, ag appalag uun, wan laappa uma gona, da noolppa ii daamna. Da ele Jerusalem aab okkai, amu dahil mettid lag ele, lag amunu da, ‘Da onil am aguppa daakku,’ ami amu, da aab, lag amu ele dimatakkul,” awa aum.

2 King 24:20

Juda danab ah, laa Jerusalemnu, laa Juda wanppa laih laihnu amu, ag ele anam heegeg, Yawe Nug ahilagnu oo nauhom amunu, Yawe Nug danab ah amu Nug noobppanu lamatte, ag ahilag wan uun, wan laappa uma gona, appa ag diia ukka laih me dayak danab ah daappig. Aria, Sedekaia nug Juda dilag king dayaya, nug Babilon dilag king waappa daakkunu uua, nug nuhig nai tappe neum.

Sam 43:2

Aɗinu? Na am dahil Kayak, na aakkuib am dahil padal mak eɗitteb ena dayaknu ehanittak daattem. O Kayak, na da uuiɗme, bael laippu daattemnu diig am appe dookkulnu ool daatte. Da gai-iitta daaiyi, dahil kekeɗ ag da eheɗ heiɗegeg, da mahieye oittem amu, na amunu diig appe dookkulnu ool hette.

Sam 71:18

O Kayak, gemu da kaino mei umimil beum; na da paɗailmananu unuqidttem. Na heppe, da menuak laippu da dimulppa doppig imu amelagppa nahip ɠagattagnu appi dooglagnu oɗ medattem. Yo, na heppe, da laa oh ag anilkad butti aɗi menuadkkulag ele amu, da ag amelagppa nahip ɠagattagnu appi dooglagnu unuqidttem.

Sam 71:9

Gemu da kaino memi; na da dimeɗamnanu oɗ medattem. Yo, gemu da kaino mein bodoettami; na da uuiɗmananu unuqidttem.

Jeremaia 7:15

Ag Juda danab ah, da heppi, ag da noolppa ii daamna. Da Israel danab ah, onig laa Epraim, da ahilagnu hemi, amubia da ag Juda, da ahilagppa anamib aakku hekkul.

Luk 11:13

Anam amunu, ag nau aɗi ag genab keeke ena ag nid ahilkad mattaglagnu dootteb dayeb, genabnab ag Mamelag, hab attan daatte, Nug danab ag Nug unuqidppeg, Nug nuhig Ouɗi ag madakku,” awa aum.

Jon 14:26

Amge ahilag Ehanittak, Kayak Ouɗi, da Mamel Nug da onilppa meeb uɗikku amu, Nug uɗia, keeke oh ippuanatta, da ag amelagppa aɗi ami amu Nug heeb, ag daulagppa dokku.

Rom 1:4

Nug doa, ad emaitakppa mauhe, Kayak Ouɗi Nug nuhig ɠagattagppa he, Nug eɗua hibaittom, amu amuppa Kayak Ouɗi Nug he, Jesus Nug am Kayak Bekka miag atia malom; Nug am Jesus Kristus, ihinig Naɗi.

Rom 8:9

Amge ag Rom danab, ahilagnu amu, Kayak Ouɗi Nug ahilagppa daatte dayeb, ag oo alag waappa ii daatteb. Iitta. Ag Kayak Ouɗi waappa daatteb. Amu danab laa nug ooppa Kristusnu Ouɗi iitta, nug am Kristusnu danab iitta.

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

2 Tesalonaika 1:9

Naɗi Nug danab amu nob nau, padal mak hanhannu matteb, ag Nug toppa, nuhig ɠagattag okkainabppa ele ii daamna.

Ikki Danab 13:25

Anam amu, Samson nug Mahane Dan appa, aab Sora, aab Estaol ele gamalahppa dayeye, appa Yawenu Ouɗi digma, Samson nug Yawenu uɗat hekkunu dabmak maɗettom.

Ikki Danab 15:14

Ag anam aon ukkaegeg, Samson nug Lehi teete amu, Pilistia ag ⌊ahilag dabmakppa ag Samson eɗidna aoppig doon, gamalag huananab ahe⌋ enana, nug gumidna uɗippig. Amge Yawenu Ouɗi nuhigppa ɠagattag ele uɗia, Samson ehanitte, nug eppegppan muɗi hoh, am muɗi aab manaeg ewe gai-iitta meum bia mataɗa awa, muɗi hoh eppegppanu na qe,

Ikki Danab 16:20

Am danab nug ikki uɗug otaɗa male amu, Delaila nug ewa aum. “Samson! Pilistia ag na aɗaidkkulagnu uɗippig!” awa eum. Nug anam e amu, Samson nug aha amu, nug dabmeum. “Da hettem, anam hein uhuqak aokkul,” dabmeum. Nug anam dabmeum, amge nug Yawe uuitta ukkom amu, nug ii doyom.

1 Samuel 10:10

Saul, amu nuhig maɗi nid ele aa Gibea goya teeheh, propet danab laala ag Saul uɗa teppig. Uɗa teeg, Kayak Ouɗi Nug Saul, nuhigppa ɠagattag ele uɗia he, Saul nug digme, ag ele propet nai madippig.

1 Samuel 16:14

Amge Yawenu Ouɗi Nug Saul uuittom; Nug Saul ele ii daaeh, ouɗi nau Yawe noobppanu ukka, uug nau Saul mettom.