Sam 51:1 - Nobonob Baibel

¹ O Kayak, na ig danab ah, na ihinignu oo mauhaknab doottem amunu, na dahilnu oot gai-iitta doon oot meɗan ehaniɗkkutnu oɗ medattem. Yo, na ig danab ah, na ihinignu na oot bodoetta, le ma auta autanab aotte amunu, na dahil hipunin uhuqna meɗakkutnu unuqidttem.

Sam 51:1 ပူးပေါင်းရင်းမြစ်များ

2 Samuel 11:2

Dayaya, tueb laappa Dawit nug niiak aben nuhigppanu aha, nug laug, koɗokko uɗem ukkak ele amuppa ta oiyom. Nug oiyaya, neekke ukke, nug ah laa le layeye anttom. Ah amu nug iɗu tuqaknab ele.

Nehemaia 4:5

Danab aɗit amu aa awa awa qettak nai naunab danab uɗat imu hetteb dilagnu mattiya malapiɗ amunu, na aab aa beɗulahppa daatte daut atimanu, na ahilah hipunin ii uhuqna matamnanu oɗ medattem.” Da anam Kayak unuqidmi.

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

Sam 106:7

Ig mamenkad aɗi ag Isip appa daanna, ag kobol danab hekkunu elele iitta na heme amu, ag amunu ii dabmeppig. Haen kuɗum na oo mauhaknab kobol doon dim lamidna ehanadme, amge ag na amu hemenu daulag atiom. Ag Le Kokoɗppa appa na waatppa daaglagnu uun, na oɗen tappaeg neum.

Sam 109:21

Amge, O Naɗi Yawe, danab ah ag na oninnu dabmak anuqak aoglagnu, na dahilnu ena hekkutnu oɗ medattem! Na oo mauhaknab kobol dim lamidttem amunu, na amu dabmenana ehaniɗppe, da qagaiettakppa ii daapanu unuqidttem.

Sam 119:124

Da am nahip maɗi nid. Na dahilnu attem attem hekkutnu amu, na nahip oo mauhaknab kobol dabmena, na amuib dahilppa hena, na nahip ɗo ele da ippuniɗkkutnu oɗ medattem.

Sam 145:9

Yawe Nug danab ah oh dilagppa ena hette. Nug aɗi keeke Nug eppegppa heum ele amu, Nug amu ohnu oo bodoetta le mette.

Sam 4:1

O dahil Kayak, na am genab tutukku hak kobol aakkuib hettem. Anam amu, haen da na oninppa ettem, na nob meɗakkutnu ool daatte. Haen uug nau iutte amu, na dahilnu oot gai-iitta doon, oot meɗan ehaniɗna heppe, uug iitta mekkunu da oɗelppa aokkutnu oɗ medattem.

Sam 40:11

O Yawe, na dahilnu oot gai-iitta doon oot meɗan ehaniɗttem amu, na heppe, kobol amu iitta memanu da na oɗ medattem. Da nahip oo mauhaknab, nahip doyak diig genabib ele dahilppa daayya, hanhan ehaniɗpeɗ, da ena daakkulnu unuqidttem.

Sam 5:7

Na oo mauhaknab kobol dim lamidttem amunu, da na lautppa wakkulnu elele. Da nahipnu ebehil oh bodoetta le me doyen, nahip mettid lag nahipnu tituanak daatte ele, da amu neekkitten, da dup noin binan mekkul.

Sam 51:9

Na dahil hipunin oh uhuqna meɗan, na amunu baula ii dabmemanu oɗ medattem. Ao, na heppe, eheɗ hak dahil oh iitta mekkunu unuqidttem.

Sam 69:13

Ag anam hetteb, amge O Yawe, da na unuqidttem. Na ii helom bia me, na ehaniɗkkut haenppa, na da keeke meɗakutnu unuqidmi ele, na haen amuppanab ehaniɗna meɗakkutnu ool daatte. O Kayak, na oo mauhaknab kobol dim lamidttem amunu, da na dahilnu oo metta ii uuak kobol dim lamidnana ehaniɗppe da padal ii mepanu oɗ medattem.

Sam 69:16

O Yawe, na oo mauhaknab kobol nahip dim lamidttem amunu, na kobol ena nahip amu dabmenan, dahil unuqittak dookkutnu oɗ medattem. Ao, na ig danab ah, na ihinignu na oot huana gai-iitta dayeye, oot mekkan ehanigttem amunu, na eɗun, da ehaniɗkkutnu unuqidttem.

Sam 77:9

Kayak Nug ihinignu oo gai-iitta doya oo mekka ehanigkkunu daug atiomte? Nug oo nauhom daatte amunute Nug ihinignu oo bodoetta, le ii mette?” awe ami. Sila.

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.

Aisaia 44:22

Ag hipunin heppig, amge da hei, ulah lombig ye ukka ii daatte, amubia da ahilag hipunin oppii ii daatteb. Ao, ag hipunin heppig, amge aam he, buttuanu buttuɗai iitta mette, amubia da uhuqen mattai, hipunin ahilag ii daatteb. Da ag hipuninnu qagaiettakppanu eɗua uhuqak hein mattami amunu, ag dahilppa eɗun uɗieg!” Yawe Nug anam atte.

Aisaia 63:15

O Yawe, na hab attan daattem. Na daattemppa amu, aben amuam oppiaawak ele, am binag amahlak oppiaawak ele. Amu na neegppe neeb, ⌊uug nau digdig ihinigppa bette⌋ anidkkutnu oɗ medattem. Na anukka nahip ɠagattag okkai eleppa ehanigme amu, gemu na anam ehanigkkutnu yag-nab-bak anukka doome bia iitai doottem? Na anukka ihinignu kobol qinonob hak ele, oo bodoetta le mak kobol eleppa ehanigme, amge gemu na anam bia ii hettem.

Aisaia 63:7

Yawe Nug ig Juda, Nug ihinignu oo mauhaknab doya, Nug keeke ena kuɗum, ig keeke amunu Nug binag mekkunignu daatte amu, Nug amu heum. Nug kobol ena kuɗumnab ig Israel, ihinignu haaha, Nug ihinignu oo gai-iitta doya, oo mekka ehanikkom. Nug ihinignu oo mauha, anamib daatte amunu, da amunu laa amelagppa madikkul.

Jeremaia 18:23

O Yawe, na ahilag maittak, ag heppeg mauhkkulnu dabmetteb ele amu, na amu doottem. Na doottem amunu, na ahilag hipunin ii uhuqna mattamnanu, na ahilag hipunin na noomppa daan, ii iitta memananu da na oɗ medattem. Na ahilag haknu oo nauhak doonna, na heppe, ag nena qena, padal mena autna aoglagnu oɗ medattem,” awa unuqittom.

Gayak Nai 3:32

Nug danab ah bu madatte, amge Nug danab ah dilagnu oo mauhaknab okkai dootte amunu, Nug bu mattowa, Nug ele ahilagnu oo bodoetta le mekku.

Daniel 9:18

O Kayak dahil, na daut human, dahil unuqittak dookkutnu oɗ medattem. O Kayak, na neegppe ukkeb, aab okkai na onin amuppa daatte amu, na aab amu nauhakib daatte anidkkutnu oɗ medattem. Ig genab tutukku hak danab ah amunu, ig oɗmak imu ii hettem. Iitta. Ig danab ah tutukku iitta, amge na danab ah dilagnu oot gai-iitta doon, oot mattan ehanadttem amunu, ig oɗmak hettem.

Daniel 9:9

Ig na dimettat, nahip nai tappaut neum. Ig na, Yawe, na ihinig Kayak, ig na oɗen ii dim lamidmut. Ig nahip ɗo, na nahip propet, ag nahip maɗi nid amu, na ag oɗelagppa ɗo amu ig mekkaeg, ig amu dabmetata, ii dim lamidmut, amge O Naɗi, na ihinig Kayak, na danab dilagnu oot gai-iitta doon oot mattan ehanadttem. Na danab ah dilag hipunin uhuqna madattem.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Kolosi 2:14

Am ɗo nai yaak oh am ihinig ib oo ne dayom, amge Kayak Nug ib oo nak am loppaɗom. Ɗo nai nug am ig hettoɗikka hippalikkom, amge Kayak Nug ihinig aab amu awa, Jesus beɗuppa ma, Nug ad emaitakppa atula he, aab ihinig oh aakku iitta meum.