Sam 5:1 - Nobonob Baibel

¹ O Yawe, na da unuqidttem imu dookkutnu oɗ medattem. Na dahil dabmak unuqag daatteb imunu dabmekkutnu unuqidttem.

Sam 5:1 ပူးပေါင်းရင်းမြစ်များ

Sam 17:1

O Yawe, da keeke laanu oɗmak hettem imu amu, oɗmak amuam genab tutukku elenu, amu na doon ehaniɗkkutnu unuqidttem. Ao, na da ehaniɗkkutnu gaattem imu dookkutnu oɗ medattem. Da hambubuitten, na ii unuqidttem amunu, na dahil unuqittak imu daut human dookkutnu oɗ medattem.

Sam 19:14

Na oot da meɗan ehaniɗna heppe, da na oot daatte amuib akkulnu, amu da aɗi keekenu dabmak unuqag awewe daakkul amu, da na oot hette biaib amu hekkulnu oɗ medattem. O Yawe, na am kekeɗ niɗamnanu ehanittak dahil, qagaiettakppanu eɗua uhuqaknu ehanittak dahil ele daattem.

Sam 54:2

O Kayak, na oot meɗan, dahil unuqittak dookkutnu oɗ medattem. Ao, na oot meɗan, dahil oɗmak imu dookkutnu oɗ medattem.

Sam 64:1

O Kayak, uug da toniɗom daatte amunu, na dahil unuqittak dookkutnu oɗ medattem. Kekeɗ dahil ag da iuglagnu atteb. Na ag amu hemananu ahilag ib oo nekkutnu unuqidttem.

Sam 80:1

O na ig Israel, na ihinig gumitta danab, na sipsip gumitta danab nug sipsip ameg laa diia, laih gotteb bia na ig Israel anuqna gonana omaigttem amu, na ihinig unuqittak imu dookkutnu oɗ medattem. Na sia king nahip-ppa engel okkai-kerubim aɗit dottolah gamalahppa daattem amu, na heppe,

Sam 86:1

O Yawe, da am daɗek, keekenu tutu mak daattem amunu, na dahil unuqittak doon, ehaniɗkkutnu oɗ medattem.

Rom 8:26

Kayak Ouɗi Nug ele ig danab ig ɠagattag iitta ehanigtte. Ig aɗi keekenu unuqidkkunig amu, ig ii doottem, ig oonigppaib gaattem, ig miag matulta ii attem, amge Kayak Ouɗi Nug ig ehanikka, ihinignu Kayak unuqidtte.

1 Pita 3:12

Aɗinu? Naɗi Nug laa ag kobol genab tutukku hetteb ele, Nug ag dabmatta atognoadtte. Ao, Nug ahilag unuqittak doya, ag ehanadtte. Amge laa ag kobol eheɗ hetteb ele, Nug ahilag hak amunu eheɗ doyaya oo ii madatte.”

1 Samuel 1:16

Da oolppa uug naunab, ninig ele doottem, amunu na dahilnu, da am nahip maɗi ah amu, na dahilnu ‘Ah nau,’ aib dabmeme,” awa aum.