Sam 48:2 - Nobonob Baibel

² Qauko Sion amu attannab, anttak nuhig enanagnab. Wanppan danab ah oh ag qauko amu anidna, ag gamag ahak okkai dootteb. Qauko Sion ⌊am Kayaknu,⌋ am nuhig tituanak daatte. Kayak Nug wanppan king laa oh eɗattak daatte, amu Jerusalem, ⌊Sion qaukoppa daatte amu, aab⌋ amuam nuhig aab okkai.

Sam 48:2 ပူးပေါင်းရင်းမြစ်များ

Sam 135:21

Yawe Nug Sion appa daatte. Ag Sion daatteb amu, ag Nug binag meig! Ao, Nug Jerusalem daatte. Ag Nug binag meig! Ag Yawe binag meig!

Sam 50:2

Sion, nuhig neekkak am qa oppiaawak ele. Kayak Nug Sion appa dayeye, nuhig amahlak appanu aha, aben ohppa ukka amahaltte.

Sam 76:2

Jerusalem amu, Nug appa daatte. Yo, qauko Sion am Nug appag.

Sam 87:3

Anam amu, danab ah ag Kayaknu aab okkai Sionnu keeke ena ena kuɗumnu atteb. Sila.

Sam 99:9

Ag Yawe, ihinig Kayak, ag Nug humidna, nuhig qauko, qauko amuam nuhignu tituanak daatte amu, ag amuppa Nug noobppa dup nona binag meig! Aɗinu? Yawe, ihinig Kayak, Nug am oppiaawak!

Aisaia 14:13

Na nakka, nahip dabmakppa, na ame. “Da geha attannab hab eɗitten tein ukken daakkul. Geha da heppi, dahil sia king am Kayaknu hoɗoppai daatteb eɗatta ta daakku. Da geha anam hein, da geha sia king dahilppa qauko kayak qagmena daattebppa daakkul. Ao, da geha qauko ⌊kayak daatteb, da⌋ amuppa attannab daakkul.

Aisaia 2:2

Qauko laa, Yawenu mettid lag qauko amuppa daatte amu, deɗ laa dimppa, Yawe Nug heeb, qauko amuam qauko laa oh eɗattak daakku. Ao, Yawe Nug heeb, qauko amuam qauko nakok laa oh eɗadkku. Amu geha danab ah kuɗumnab, wan atu ohppanu ag appa ⌊qagmekkulagnu⌋ uɗiglag.

Aisaia 60:14

Juda danab ah, danab ag eheɗ hadappig ele, danab amu buɗulkad ag uɗin, ag noolagppa dup nona, ikkilag wan yaakku. Ao, laa ag ahilagnu ena iinab dooppig, ag ag noolagppa gatelag qaun ona, ikkilag wan yaakku. Ag anam hena, ag Jerusalemnu, ‘Yawenu Aab Okkai,’ akkulag. Ag, ‘Israel dilag Kayak Oppiaawak Ele, Nug Sion appa ana daatte,’ akkulag.

Aisaia 66:10

Ag oh ag Juda danab ah dilagnu oo mauhak dootteb ele, ag ag ele oolag gamag huana ahaɗ! Ao, ag Juda danab ah dilagnu oo doyak doon, mahitteb amu, ag ahappeg, ag ele oo gamag ahak doyeg!

Jeremaia 3:19

Da dakka, da oolppa, ‘Da danab nug bekkod ena hadatte, amubia da ena hatten, wan aulag enanag, enanag laa oh eɗattaknab, da wan amu madakkulnu ool daatte,’ ami. Da ag dahilnu, ‘Mama,’ akkulagnu, ag da ii dimeɗan, ag eɗun, ii dim lamiɗmananu uuglagnu dabmemi.

Gayak Nai 2:15

Ag Juda danab ah, ag bu aakku aoppig amunu, gemu aun aɗi ag Jerusalem guguittak oitteb ele ag aon aon aqan, ag ahilagnu, “Keeke hamunab,” doon, ag ikkilag matuɗtteb. Ag atteb. “Aab okkai imunute anukka danab ah laa ag inam anan oippigte? ‘Neekkakppa aab amuam wan atu ohppan aab laa eɗattak; wanppan danab ah oh ag Jerusalem appanu gamag ahak aotteb.’ Ag anam anan oippigte?”

Esekiel 20:6

Haen amuppa da ag ehanatten omaladppi, ag Isip wan uun, wan laappa gokkulagnu nai ɠagattag qetten mattimi. Ag wan amuppa gokkulag amu, wan amuam wan enanag, wan ittag ele, amuppa ee meu huana otte, neekkak nuhig ele enanag, wan laa oh eɗattak. Da wan amu ag aguppa daaglagnu tituanmi.

Daniel 11:16

Wan yawalti uɗitteppanu daatte, amu dilag king nug ɠagattagnab amunu nug ooppa aɗi hekkunu oo daatte amu, nug aakku hekku. Laa nug nuhig ib oo nekkunu elele iitta. Nug wan enanag, am Israel wan amu, nug amuppa hibaitta daakku. Nug wan amu heeb nauhkkunu ɠagattag elele.

Daniel 11:45

Nug ugakka, nug nuhig peh lag enanag yu, qauko Kayaknu tituanak daatte, amu ele gamalahppa qappadkku. Nug anam hekku, amge nug na qa, iitta mekku. Laa nug ii ehanidma.

Daniel 8:9

Aria qeqeɗi laappa amu qeqeɗi nakok laa beum. Digmakppa qeqeɗi amuam gai-iitta dayom, amge nuhig ɠagattag okkai maama, qeqeɗi amu yau uɗitteppa, kaɗag uɗitteppanu, wan enanag, Israel wan, wan amu ele ya aokkunu elab ukkom.

Malakai 1:14

Aun laa nug sipsip dawai enanag mana meɗakkunu nai anan qakkom dayebeb, nug nau laa awa, mana meɗakku am enate? Iitta! nug eheɗ laa awaknu anak waappa daakku! Aɗinu? Da am king okkai; wanppan wan ohnu danab ah ag dahilnu ebehilag oh bodoetta le mekkunu daatteb!” Yawe Nukka Ɠagattag Oh Ele Nug anam atte.

Malakai 3:12

Wan ahilag am geha enanagnab daakku amunu, wanppan wan ohnu danab ah ag da ag itadmi akkulag.” Yawe Nukka Ɠagattag Oh Ele Nug anam atte.

Matyu 5:35

Laa ele, na nahip nai wan onig aon, aib ɠagattag qettame. Aɗinu? Amu ele am Kayaknu; am baeg maknu balal nuhig bia. Aria, na nahip nai aab okkai Jerusalem onig aon, aib ɠagattag qettame. Aɗinu? Jerusalem amu King Naɗinu aben.

Hibru 12:22

Amge ag gemu daatteb, ag oolagppa genab dootteb ele amu, ag keeke anamppa ii wappig. Iitta! Ag amu Sion qaukoppa teppig. Ag am Jerusalem hab aabppanu, Kayak bauklelnu appagppa teppig. Ag amu engel tausen tausen maɗoɗppan gamag ahak okkai ele qagmena daatteb ele, amuppa teppig.