Sam 48:1 - Nobonob Baibel

¹ Yawe Nug onig okkai ele; danab ah ag Nug binag mekkulagnu elelenab. Nug onig aab okkai Jerusalem appa meum daatte. Danab ah ag Nug appa binag mekkulagnu daatte. Ge, ag nuhig qaukoppa, Nug binag mekkulagnu daatte. Qauko amuam nuhignu tituanak daatte.

Sam 48:1 ပူးပေါင်းရင်းမြစ်များ

Nehemaia 9:5

Ag anam heeg, Lewi buɗubppan mana mettak danab iitta, ag oolagppan laa onilag Jesua, Katmiel, Bani, Hasapnea, Serebia, Hodia, Sebania, Petahia ele, ag appig. “Ag oh ahan hippaidna daan, ag Yawe, ahilag Kayak, ag Nug binag meig! Nug hanhan daatte. Nug digmak iitta, batak ele iitta,” appig. Ag anam awona, ag tuɗidna, Yawe amegppa appig. “O Yawe, na binan amahlak oppiaawak ele, amu danab ag na onin dabmenan humappeg, attannab, itittak ena oh, binag mak oh eɗittak daakkunu oonig daatte,” aon appig.

Sam 145:3

Yawe Nug am onig, ɠagattag okkai ele. Nug danab ah ag Nug binag mekkulagnu elelenab daatte. Auntai laa nug Nug onig, ɠagattag okkai ele tutukku dookkunu elele iitta.

Sam 147:5

Ihinig Naɗi am onig, ɠagattag ele! Nug ebehi okkai ele! Diignu doyak tutukku nuhig am okkainab; am batak iitta ele!

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Sam 30:1

O Yawe, na da ehaniɗe, da qagaiettakppa ii daattem amunu, da na humidkkul. Ao, na dahil kekeɗ uuatte da ii eɗilppig.

Sam 42:1

Dia laa nug lenu baag diie, baag qaɗaietta auta awe, nug le antta lakkunu lenag mattia auta autanab aotte amu, O Kayak, anamib, da na anidkkulnu ool daya auta autanab aotte.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Sam 46:4

⌊Am le naɗi, le amunu le ippu danab eppelagppa buuppig ele, le ippu amu ag danab ah gamag ahak okkai madatteb, amubia⌋ Kayak Nug danab ah ag nuhig aab okkaippa daatteb ele, Nug ag gamag ahak okkai madatte. Aab okkai amuam Kayaknu tituanak daatte, Kayak Attannab Nug amuppa daatte.

Sam 47:8

Kayak Nug wan atu oh gumadtte. Nug sia king nuhigppa daatte. Sia king amuam Kayaknu tituanak daatte.

Sam 65:1

O Kayak, ig danab ah, ig Sion appa na binan humagnignu daattem. Ao, ig danab ah, ig na noomppa aɗi keeke genabnab hekkunignu nai atat qakkamut amu, ig am hepput, meu okku.

Sam 78:68

Nug Israel dilag huu okkai amu ii tituanom. Iitta. Nug Israel dilag huu okkai Juda epeɗiom. Nug qauko Sion, ⌊qauko amuam Juda wanppa daatte,⌋ Nug qauko amunu oo mauhtte amu, Nug qauko amu tituanom.

Sam 86:10

Ag amu hekkulagnu diig am, na onin ɠagattag ele, na kobol danab hekkunu elele iitta okkai okkai hettem. Na aakkuib am Kayak.

Sam 87:1

Aab laa Yawe buuom ele amu, aab amuam qauko nuhignu tituanak daatte, am qauko amuppa daatte.

Sam 87:3

Anam amu, danab ah ag Kayaknu aab okkai Sionnu keeke ena ena kuɗumnu atteb. Sila.

Sam 96:4

Aɗinu? Yawe Nug onig ɠagattag ele, laa oh eɗattak daatte. Ao, Nug danab ah ag Nug binag mekkulagnu elelenab daatte. Ge, danab ah ag nuhignu ebehilag oh bodoetta le mekkunu elelenab daatteb. Kayak laa anam laa ii daatte.

Sam 99:9

Ag Yawe, ihinig Kayak, ag Nug humidna, nuhig qauko, qauko amuam nuhignu tituanak daatte amu, ag amuppa Nug noobppa dup nona binag meig! Aɗinu? Yawe, ihinig Kayak, Nug am oppiaawak!

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.

Jeremaia 31:23

Yawe Nukka Ɠagattag Oh Ele, Israel dilag Kayak, Nug inam atte. “Da heppi, Juda danab ah ag eɗun, ahilag wanppa uɗiona, ag Juda wanppa, aab laala eleppa daanna, ag Yawenu mettid lag Jerusalem ooppa qaukoppa daattenu amu, ag inam akkulag. ‘Yawe Nug qauko nuhignu tituanak daatte, Nug laug genab tutukku hak kobol inak ele qauko amuppa daatte, Nug qauko, lag amu ele itatteb, anam dayeɗ!’ aon akkulag.

Obadaia 1:17

Amge dahilad danab ah uug haenppa ii mauhkkulag amu, ag qauko Sion, appa ehanittak aon daaglag. Sion am dahilnu tituanak daakku. Anam amu, Israel danab ah ag eɗun, ag aulag wan, da, Yawe, da ag mattami amu, ag amu eɗun aoglag.

Maika 4:1

Qauko laa, Yawenu mettid lag qauko amuppa daatte amu, deɗ laa dimppa, Yawe Nug heeb, qauko amuam qauko laa oh eɗattak daakku. Ao, Yawe Nug heeb, qauko amuam qauko nakok laa oh eɗadkku. Eɗatteb amu, geha danab ah kuɗumnab huu anen anenppanu geha ag appa ⌊qagmekkulagnu⌋ uɗiglag.

Sekaraia 8:3

Amu Yawe Nug laa ele inam atte. “Da eɗuen, qauko Sion appa ukken, da Jerusalem daakkul. Da amu heppi, danab laa ag Jerusalemnu, aab okkai amu onig am Yawe Dim lamittaknu Oo Metta Ii Uuak Kobol, akkulag. Amu qauko Sionnu, qauko amuam Yawe Nukka Ɠagattag Oh Elenu amu, ag qauko amunu, qauko amu onig am, Qauko Kayaknu Tituanak Daatte, akkulag,” awa atte.

Matyu 24:15

Aria, propet Daniel nug keeke naunab laa, nug aab he nauhtte ele amu, nug amunu yom. Danab aun nug nai imu ebqette amu nug meu nuhig tutukku aokkunu dabmaɗ! Aria, ag keeke naunab amu aben gun eleppa meppeg dayebeb anidna amu, laa ag

Hibru 12:22

Amge ag gemu daatteb, ag oolagppa genab dootteb ele amu, ag keeke anamppa ii wappig. Iitta! Ag amu Sion qaukoppa teppig. Ag am Jerusalem hab aabppanu, Kayak bauklelnu appagppa teppig. Ag amu engel tausen tausen maɗoɗppan gamag ahak okkai ele qagmena daatteb ele, amuppa teppig.

Revelesen 19:5

Ag anam aeg, sia king ⌊anuqak⌋, amuppanu amu baag laa ewa aum. “Ag Kayaknu maɗi nid, ag Kayaknu ebehilkad oh bodoetta le mette amu, ag okkai okkai, naunau ele ag oh ag ihinig Kayak binag meig!” awa aum.

Revelesen 21:2

Anam amu, da aab okkai, am Jerusalem bau Kayaknu tituanak daatte, aab amuam hab aabppa, Kayak toppanu neene anidmi. Nug am ah bau nug danab aokkunu bala mettom, amubia.