Sam 47:2 - Nobonob Baibel

² Aɗinu? Yawe Attannab Laa Oh Eɗattak amu, danab nug Nug toppa dayaya, nug ebehi oh bodoetta le mette. Ao, Nug am king anuqak, nug danab ah wan atu ohnu gumadtte.

Sam 47:2 ပူးပေါင်းရင်းမြစ်များ

Nehemaia 1:5

Da unuqitten, da inam ami. “O Yawe Kayak, na hab attan daattem. Na ɠagattag okkai ele, danab na anitta, nug ebehi oh bodoetta le mette elenu Kayak. Na danab ah ag nahipnu oo mauhak dootteb, ag nahip ɗo nai dim lamittegeg, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem.

Sam 145:6

Danab ah ag geha nahip ɠagattag, na ɠagattag amuppa uɗat okkai okkai, danab ah ag uɗat amu anidna, ag ebehilag oh bodoetta le mette amu, ag ɠagattag amunu madippeppeg, da geha na uɗat okkai okkai hemenu madikkul.

Sam 47:7

Kayak Nug wan atu ohnu king daatte. Nug am wan atu ohnu king amunu, ag ahi laa Nug humittaknab nuhignu etteg!

Sam 65:5

O Kayak, na am ihinig padal mematanu ehanittak daattem. Haen na nahip uɗat hettem amu, na kobol genab tutukkuib dim lamidna heehe, danab ag uɗat amu anidna, ag ebehilag oh bodoetta le mette. Nahip uɗat am anam aakku amunu, haen na unuqittak ihinig nob mettem amu, na uɗat anam aakku hettem. Amu danab ah wan ohppanu, miagnu, amu umanu ele ag nahipnu oolagppa genab dootteb

Sam 68:35

Kayak Nug nuhig mettid lakka dayeye, danab ah ag Nug anidna, ag ebehilag oh bodoetta le mette. Nug am Israel dilag Kayak. Nug danab ah nuhikkud ɠagattag aqadtte. Ig Kayak binag humatu!

Sam 76:12

Nug he, ikki danab ag Nug waappa daatteb. Ao, king wanppanu ag nuhignu ebehilag oh bodoetta le mette.

Sam 95:3

Aɗinu? Yawe Nug am Kayak onig, ɠagattag ele. Ao, Nug king. Nug kayak laa oh eɗattak, attannab daatte.

Sam 99:3

Yawe Nug onig okkainab ele; danab ah ag nuhignu ebehilag oh bodoetta le mekkunu daatte. Anam amunu, ag Nug onig humeg! Nug oppiaawak daatte.

Malakai 1:14

Aun laa nug sipsip dawai enanag mana meɗakkunu nai anan qakkom dayebeb, nug nau laa awa, mana meɗakku am enate? Iitta! nug eheɗ laa awaknu anak waappa daakku! Aɗinu? Da am king okkai; wanppan wan ohnu danab ah ag dahilnu ebehilag oh bodoetta le mekkunu daatteb!” Yawe Nukka Ɠagattag Oh Ele Nug anam atte.

Matyu 28:18

Anam heegeg, Jesus Nug ag gumatta doa, amelagppa aum. “Kayak Nug da keeke oh wanppanu, habppanu ele ikkilag daakkulnu meiɗom

Duteronomi 28:58

Yawe, ahilag Kayak, Nug binag amahlak oppiaawak ele, danab ag nuhignu dabmenana, ag ebehilag oh bodoetta le mette ele amu, ag nuhignu anam ii dooglag dayeb, ag nuhig ɗo nai buk imuppa yaak daatteb, ag amu tutukku ii dim lamidkkulag dayeb amu,

Duteronomi 7:21

Yawe, ahilag Kayak, Nug am ɠagattag okkai ele, danab Nug antta, ebehi oh bodoetta le mette elenu Kayak amunu, ag danab amu dilagnu baɗak eheɗ nau aib dooppig.