Sam 47:1 - Nobonob Baibel

¹ Wan atu ohppanu danab ah ag eppelag tap qenana, gamag ahak doon, huana enana, Kayak binag okkai humeg!

Sam 47:1 ပူးပေါင်းရင်းမြစ်များ

2 Samuel 6:15

Am danab Yawenu Tituanak Nainu Kunup maon ukkaegeg, Dawit, am Israel laa oh ele goppig ele ag enana, ag trampet ele iwalppig.

2 King 11:12

Ban danab ag bappaidna anam daaegeg, Jehoiada nug king bekka Joas, nug nug omala, dimittim uɗiom. Nug omala uɗia, king haɗ nug igippa ma, nug Kayaknu nug tituana nai qakkak nai buk itoɗiakppa yaak niitte metta, Nug nid amu nug king daattenu eum. Nug anam he, ag Joas king daakkunu goɗen gokkaɗakppa tituanna, ag eppig. “King nug haen elab bau dayaɗ!” enana appig. Danab ah ag amu anidna, ag amunu oolag gamag ahe, ag eppelag tap qenana, inam eppig. “King nug haen elab bau dayad!” aon eppig.

2 Stori 13:15

Juda danab ag ban haknu ewak eppig. Ag anam eeg, Kayak Nug Abaiya, Juda ele ehanatta he, ag Jeroboam, Israel dilag daup nuhikkud ele eɗatteg oolppig.

Sam 106:47

O Yawe, ihinig Kayak, ig na, na onin am oppiaawak ele, ig na amenppa, “Ena heme,” akkunignu, ge, ig gamag ahak okkai doot, na onin humagnignu, na ehanigppe, ig padal mematanu unuqidttem. Ao, na ehanigppe, ig qagaiettakppa ii daapput, wanppan wan laalappanu qagmeigppe, ig ihinig wanppa daagnignu oɗ medattem.

Sam 42:1

Dia laa nug lenu baag diie, baag qaɗaietta auta awe, nug le antta lakkunu lenag mattia auta autanab aotte amu, O Kayak, anamib, da na anidkkulnu ool daya auta autanab aotte.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Sam 47:5

Kayak Nug hab attan teete, danab ah ag oolag gamagnab ahe, huana enana, binag okkai humappig. Yo, haen Yawe Nug hab attan teete amu, danab ag trampet huana iwalppig.

Sam 98:4

Ag wanppan danab ah, ag gamag ahak naɗi doon, ag Yawe binag mekkulagnu baalag okkaippa eig! Genab, wanppan danab ah oh ag gamag ahak naɗi doon, laippun digmena, ahi etteg! Ag ahi ettanna, qedadaɗaknu keekeppa qedadaɗeg!

Sam 98:8

Heppeg, danab ag gamag ahak doon, eppelag tap qeeg, oqotti otte amu, amubia le nona gotteb ele ag anam heig! Heppeg, qauko nakok ag danab bia gamag ahak doon, ahi etteg!

Aisaia 55:12

Anam amunu, ag diia ukka laih me dayak danab ah, ag Babilon uuna, ag oo gamag ahak okkai doon gokkulag. Ag maɗoɗ ele gokkulag. Ag gonana, ag qauko okkai, qauko nakok ele dilagnu, “Ag ahi ettaegeg gottem,” dooglag. Ag gonana, ag adnu, “Ag oo gamag ahak doon, eppelag tap qeegeg gottem,” dooglag.

Jeremaia 31:7

Yawe Nug ⌊ag Israel ehanatteb, ena daaglag amunu,⌋ Nug inam atte. “Ag Israel, ag oo gamag ahak doon ahi etteg! Ao, ag wanppan wan oh oolagppan wan laa anuqak daatte, ag ⌊Yawe ag ehanattomnu gamag ahak doon,⌋ huana eig! Ge, ag Yawe binag humappeg, laa ag, ag doyatteg! Ag ‘O Yawe, na nahipad danab ah, ag oɗo yaak daatteb amu, na ag padal memananu ehanadkkutnu oɗ medattem,’ aon aig!

Sepanaia 3:14

O Israel danab ah Sion daatteb ag, ag ahi etteg! Ao, Israel danab ah oh, ag oolag gamag aheb, ag huan qalan eig! Ag Israel danab ah ag Jerusalem appa daatteb amu, ag meulag ohppa ele oolag huan gamag ahaɗ!

Sekaraia 4:7

Amu engel nug Yawe oɗeppanu nai anam ana, nug nai tuɗitta aum. “Keeke aɗi, qauko naɗi, o aɗi keeke laa, keeke amu nug Serubabelnu ib iinab oo nema. Qauko laa daakku dayeb, Kayak Nug heeb, qauko amu honap na, uɗem daakku. Nug anam heeb, Serubabel nug Kayaknu mettid lag ha malakku. Nug ha malebeb, danab ah ag enan, Kayaknu itittak enappa lag imu beum! Kayaknu itittak enappa lag imu beum! ekkulag,” awa aum.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

1 Samuel 10:24

Nug dayeye, Samuel nug danab ah oh amelagppa aum. “Danab imu amu, Yawe nug king daakkunu tituanom. Ig oonigppa amu, danab laa nugbia ii daatte,” awa aum. Nug amu a, danab ah oh ag baalag okkaippa, “King nug haen elab bau dayaɗ!” ena appig.