Sam 45:3 - Nobonob Baibel

³ O king ɠagattag ele, na nahip qep elab na heqonppa qakke! Ao, na king, na dagom onig ɠagattag okkai naɗi ele, na keeke amu lamen bia takke!

Sam 45:3 ပူးပေါင်းရင်းမြစ်များ

Job 1:16

Danab amu nug uɗia, nai amu Job amegppa mattia dayeye, nai awa uɗiak danab laa nug qaietta uɗia, Job toppa ta, amegppa aum. “Kayaknu aab aɗu, hab attannu na, sipsip oh, gumitta danab oh ele ewatte, iitta meppig. Da dakka aab da ii eiɗe, da oole, na amenppa akkulnu uɗimi,” awa aum.

Sam 104:1

Da Yawe onig humakkul. O Yawe, dahil Kayak, na onin ɠagattag ele am okkainab. Na dagom onin ɠagattag okkai naɗi ele daattem.

Sam 145:12

Ag danab ah oh ag nahip uɗat ɠagattag okkai ele, ag amunu dooglagnu anam mattiglag. Ao, ag nahip ɗo maɗoɗ am binag amahlak oppiaawak okkainab ele, ag amunu ele dooglagnu, ag anam mattiglag.

Sam 145:5

Na am king dagom onig ɠagattag okkai naɗi ele, amu da amunu dabmak unuqag awewe daakkul. Ao, da na uɗat okkai oh ena ena hemenu dabmak unuqag awewe daakkul.

Sam 21:5

Na nug ehanitte, nug binag amahlak oppiaawak ele am okkai daatte. Yo, na hee, nug danab dagom onig ɠagattag okkai naɗi ele daatte.

Sam 21:7

King nug Yawenu ooppa genab dootte amunu, Kayak Attannab Laa Oh Eɗattak Nug oo mauhaknab kobol doya dim lamitta heeb, nug ii na qema.

Sam 96:6

Nug dagom onig ɠagattag okkai naɗi ele. Ao, ɠagattag, binag amahlak oppiaawak ele nuhigppan uɗitte.

Solomonnu Ahi 2:3

Apel adnu dadppa, apel ad laa am apel ad laa oh eɗattak daatte; apel ad laa anam daatte bia amu, laa, nug dahilnu oo mauhtte, nug apel ad amubia nid bau laa oh oolagppa eɗattak daatte. Da apel ad amu waappa, logoppa daakkulnu enanagnab doottem; apel ad meu lakkulnu ele ena doottem. Anamib, da danab dahil ele daagnihnu enanagnab doyeye; keeke aɗi nug da meɗatte amu, da amunu ele da oolppa ena doottem.

Solomonnu Ahi 5:13

Nug hippeg laih laih oh am spais digdig muttuɗilag enanag ele dadppa daatteb, nug hibekuɗ amubia daattep; nug otti am bala lili, mir huanak bala haɗagppa ataɗa nak daatte bia daattep.

Aisaia 49:2

Yawe Nug he, dahil nai am qep aeg elenab bia dayom; Nug keeke enanag laa danab eppegppa dayeye atognotte, Nug amubianab da atognoiɗom. Ao, Yawe Nug heiɗe, da lat doɗo aeg uɗat haknu babaittak daatte, da amubianab nuhig uɗat hekkulnu babaittak daaiyi, danab nug lat aeg nuhig abenppa ma atognotte bia, Nug da atognoiɗtte.

Aposel 10:36

Nai amunu diig am Jesus Kristus, Nug wan ohppan dilag Naɗi daatte amu, Nug nuhig uɗat okkaippa maɗoɗ daakkunu ib ooɗe, Kayak Nug maɗoɗnu Nai Ena amu me, Israel dilagppa uɗiom, am anamib daatte.

Rom 14:9

Kristus Nug danab ag mauhppig, danab ag bau daatteb ele, amu oh dilag Naɗi daakkunu, Nug diig amununab mauha, eɗua hibaittom.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Hibru 4:12

Kayak nai am bauklel, uɗat haaha daatte. Nug am qep laa aeg laih laih ele, uɗat nuhig enanag hette amu, Kayak nai nug uɗat nuhigppa qep amubia eɗidtte. Nug keeke qataiettaknab daattep am okkula aokkunu elele. Danab nug dabmakppa aɗi dabmette, nug ooppa aɗi dootte amu, Kayak nai keeke amu oh epeɗiadtte.

Hibru 8:1

Aria, nai ig attem ele, nuhig diig am inam. Ig mana mettak ikki danab Melkisedek bia ele, Nug matu hab aabppa Kayak, dagom onig ɠagattag ele, Nug eppeg naɗiap-ppa heɗep neum daatte.

Jut 1:25

Kayak Nug nukka am Kayak, amu Nug am Padal ii maknu ehanittak ihinig daatte. Anam aakku amu, Jesus Kristus, ihinig Naɗi, nuhigppa binag amahlak oppiaawak ele, dagom onig ɠagattag ele, ɠagattag, amu gumaknu ehah oh ele Kayak, nuhigppa dayeg! Keeke amu oh am anukka haen ii digmeumppa, gemu, butti aɗi ele hanhan nuhigppa daatteb. Genab.

Revelesen 1:16

Nug eppeg naɗiap-ppa amu hoɗoppai eblaih aɗit ele aɗalattom. Qep elab aeg laih laih aeg ele amu, nug oɗeppanu dimittim doum. Nug iɗu amu aam ɠagattagnab naana amahaltte amubia amahalom.

Revelesen 19:15

Ahilag okkai amu qep elab aeg ele, Nug wanppan wan oh aqakkunu, Nug oɗeppanu doa ukkak daatte. Nug aen bu aɗa, bu amuppa Nug danab ah gumadkku. Nug geha grep meu tappa leppu awaknu abenppa grep meu tabakku. Amuam Kayak Nukka Ɠagattag Oh Elenu oppoɗi bak okkainab, amu ippunigtte.

Revelesen 19:21

Buɗiate noeh, nug daup danab laa oh qep elab aeg ele, Nug oɗeppanu doa ukkak daatte, amuppa aqom. Aqe, ai oh ag danab amu oh teppulkad laeg, oolag huanaknab dittiom.

Ikki Danab 3:16

Ag nug uɗat amu mettaeg, Ehud nug qep nakok elab laa ha, aeg laih laih oh hoyom. Qep amu elab nuhig am 50 sentimita anam. Amu nug tuɗi laih naɗiap-ppa qakkom. Nug tuɗi laihppa qakkom amunu, lamen nuhig amu tonom.