Sam 45:1 - Nobonob Baibel

¹ Da dabmak enanagnab awewe, da ool huananab gamag ahatte! Ao, da kingnu nai ena ena madikkul. Ge, da lemaɗul am danab laanu pen, nai ena ena yaaladtte, amubia daatte. Da yaakkulnu iitta, amge da oɗelppa madikkul.

Sam 45:1 ပူးပေါင်းရင်းမြစ်များ

2 Samuel 23:2

“Yawenu Ouɗi Nug he, da oɗelppa nai mattimi. Ao, nuhig nai am, da oɗelppa iikku daatte.

Esra 7:6

Matu anak amuib, Esra amu, nug am nai yaak danab, nug Babilon appanu uɗia, Jerusalem beum. Nug am ippunittak danab laa, nug Mosesnu ɗo nainu sul okkai ha malom. Yawe, Israel dilag Kayak, Nug ɗo amu Israel danab ah mattom. Kayak Nug Esra ehanittom amunu, Esra nug keeke laa oh amunu king oɗ mettom ele, king nug nug mettom.

Job 33:3

Da oolppa kaliak laa ii daatte, amu dahil nai amuppanu uɗitte. Ao, da aɗi keeke doottem amu, da amuam genabib doyeye, da oɗelppa nai madittem.

Job 34:4

amubia ig ele oo maittak aot, aɗi nai am tutukku dootu! Ao, ig oh daat hettoɗitta, aɗi am ena anidtu!

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Sam 42:1

Dia laa nug lenu baag diie, baag qaɗaietta auta awe, nug le antta lakkunu lenag mattia auta autanab aotte amu, O Kayak, anamib, da na anidkkulnu ool daya auta autanab aotte.

Sam 49:3

Da doyak dabmak ena elenu nai madikkul. Ao, da keeke da ool unuqagnab daaegeg doottem ele ippunadppi, ag amuppa diignu doyak tutukku aoglag.

Sam 69:1

O Kayak, da danab laa nug le lana mauhkku hette, da amubia doottem amunu, na da padal mepanu ehaniɗkkutnu ool genabnab daye oɗ medattem!

Sam 80:1

O na ig Israel, na ihinig gumitta danab, na sipsip gumitta danab nug sipsip ameg laa diia, laih gotteb bia na ig Israel anuqna gonana omaigttem amu, na ihinig unuqittak imu dookkutnu oɗ medattem. Na sia king nahip-ppa engel okkai-kerubim aɗit dottolah gamalahppa daattem amu, na heppe,

Prowerb 16:23

Danab nug doyak dabmak ena ele nug tatam dabmewowa nai maditte; nug aɗi atte am meu ele, danab laa nug amuppa ippunittak aokkunu elele.

Solomonnu Ahi 1:12

King nug qaɗaqaɗ teppu eleppa niitte amu; nug da leppu muttuɗig enanag ele beɗulppa laidmi amu doyaya, enanagnab dootte.

Aisaia 5:1

Gemu da ahi laa mapitten edakkulnu hettem. Ahi imuam da layal, nuhig muɗi grep dadnu ele dilah kaya. Qauko nakok laappa wan laih ittag ele amuppa amu, da layal nug muɗi grep dad nuhig heum.

Matyu 12:35

Danab ena nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette.

Matyu 25:34

Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Matyu 27:37

Amu haen Rom danab ag danab ad emaitakppa atuladttappig ele, ag aɗi nai ag beɗulagppa yaappig ele, danab ag amu anidkkulagnu, ag ad mahappa yaana, ad emaitakppa atulppig. Aria, Jesusnu amu, ag Nug igippa ad emaitakppa, ag nai imu yaan atulppig. “Imu Jesus, Nug Juda dilag king.”

Epesus 5:32

Nai amuam diig unuqagnab ele, amge nai amuam Kristusnu, ⌊nuhig⌋ tamaniaknu ele,

2 Pita 1:21

Aɗinu? Danab laa nug nukka nuhig dabmakppa propet nai ii aum. Iitta. Kayak Ouɗi Nug propet dabmak madette, ag nai Kayak toppanu uɗiom amu, ag madippig.