Sam 42:9 - Nobonob Baibel

⁹ Da Nug amegppa attem. “O Kayak, na kekeɗ niɗamanu ehanittak dahil daattem. Diig aɗinu na da uuiɗme? Ao, diig aɗinu, da mahieye, gai-iitta oiiyi, kekeɗ ag eheɗ heiɗtteb?” awe attem.

Sam 42:9 ပူးပေါင်းရင်းမြစ်များ

Sam 13:1

O Yawe, na dahilnu daut atie daattem; am haen gane laa ele ukkeb, na eɗun, dahilnu dabmekkut? Na hanhan dahilnu daut atikkute? Ao, na da ii neekkiɗttem; amu haen gane laa ele ukkeb, na eɗun, da neekkiɗkkut?

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Sam 28:1

O Yawe, na am kekeɗ niɗamnanu ehanittak dahil daattem. Na da ehaniɗkkutnu oɗ medattem. Na da ii ehaniɗkkut dayeb, da geha laa mauhppig, da amubia daakkul. Anam amu, da anam daapanu na dahil unuqittak dookkutnu oɗ medattem.

Sam 38:6

Ao, da beɗul nauhe, guittak okkai doottem. Deɗ oh, amun tuqan ele da aeqagattem.

Sam 43:2

Aɗinu? Na am dahil Kayak, na aakkuib am dahil padal mak eɗitteb ena dayaknu ehanittak daattem. O Kayak, na da uuiɗme, bael laippu daattemnu diig am appe dookkulnu ool daatte. Da gai-iitta daaiyi, dahil kekeɗ ag da eheɗ heiɗegeg, da mahieye oittem amu, na amunu diig appe dookkulnu ool hette.

Sam 62:2

Nug aakkuib am kekeɗ niɗamanu ehanittak dahil daatte. Nug aakkuib da padal mepanu ehaniɗtte. Nug am aab aɗ ɠagattagnab ele dahil bia daatte. ⌊Da Nug ele daapuɗ amu,⌋ auntai laa nug da uɗaliɗkkunu elele iitta.

Sam 77:9

Kayak Nug ihinignu oo gai-iitta doya oo mekka ehanigkkunu daug atiomte? Nug oo nauhom daatte amunute Nug ihinignu oo bodoetta, le ii mette?” awe ami. Sila.

Sam 78:35

Ag Kayak, Nug ahilag kekeɗ aqadmanu ehanittak daatte, ag amu dabmeppig. Ao, ag Kayak Attannab Laa Oh Eɗattak Nug am qagaiettakppanu eɗua uhuqaknu ehanittak ahilag dayom dabmeppig.

Sam 88:9

Da uug doyeye, keeke ena laa pehette anidkkulnu elele iitta. O Yawe, deɗ anen anen da nahip ehanittaknu oɗ medattem. Ao, da eppel nahip-ppa bahie ukke, da na unuqidttem.

Sam 92:3

Am laa nug laia muɗi 10 ele qedadaɗebeb, ahi ettak amu ettaglag, amuam enanag. Yo, laa nug ahi baag amuib harp qeebeb, ag Kayak kobolnu ahi ettaglag, amuam kobol ena.

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.

Aisaia 40:27

O Jakop buɗub, aɗinu ag inam atteb? Ao, ag Israel danab ah, aɗinu ag wagai mena, inam atteb? “Yawe Nug dahil ib ii dootte. Ao, Kayak dahil Nug nai doya mala hettoɗia epeɗia elele mettak kobol ii dim lamitta, da ii ehaniɗtte.” ⌊Ag anam atteb, amge amuppa ag eheɗ hetteb.⌋

Aisaia 49:15

Ag Juda ag anam aon atteb, amge Yawe Nug ag amelagppa atte. “Ah nid awa, nid amu huh medatte amu, ah amu nug nid amu daug atikkunu elelete? Nug nid amu oo ii metta, daug atie, nid nug menuom ele amu ii bekkidkkunu elelete? Iittabia amge, gadon, deɗ laippu laippu ah laa nug anam hekku bia, amge da laa nug anam hette bia amu, da ii hepa. Da ahilagnu daul iinab atima.