Sam 42:8 - Nobonob Baibel

⁸ Anam aakku daatte, amge Yawe Nug deɗ ohppa nuhig oo mauhaknab kobol ii uutte. Tuqan da nuhig ahi edette, da Kayak dahil, Nug da bau meɗatte amu, da Nug unuqidttem.

Sam 42:8 ပူးပေါင်းရင်းမြစ်များ

2 Samuel 22:5

Danab nug yu gamagppa dayeye, duban eheɗ qa, nug talilittak daye, nug yu ooppa nokkunu hette, amubia da mauhkkulnunab daami. Yo, da amu, da danab nug le ui naɗippa mauhkkunu malom daatte, da amubia daami.

Job 35:10

Anam, amge laa ag oolagppanu nug onig qe ne, ‘Kayak, Nugib ig tuqan gamag ahaknu ahi megatte,’ ii maditte.

Sam 124:4

Yawe Nug ig ii ehaniglo amu, ig peh laa ui he nauhtte bia daalom. Ao, ig am peh laa ui eheɗ nau ahokkaltte bia daalom.

Sam 133:3

Baito, qauko Hermonnu na, keeke appa daatteb oh le madatte. Baito amubia Sion guguittak qauko daatteb, amuppa ele nette. Amu maɗoɗ ele laippu dayak am baito enanag amubia. Ge, kobol amuam enaib. Jerusalem appa amu, Yawe Nug danab ah bau hanhan dayaknu itittak ena madatte.

Sam 149:5

Nug anam aakku hette amunu, danab ah ag Yawenu oo metta ii uuak kobol dim lamidtteb ele, ag Yawe ag binalag okkai mattomnu gamag ahak okkai doyeg! Ao, ag niiak abenppa niinna, ag gamag ahak okkainab doon, ahi etteg!

Sam 16:7

Da Yawe, Nug ulum ena da meɗatte amu, da Nug binag mettem. Nug amunppaib ii hette. Iitta. Nug tuqanppa ele dabmak dahil, ool unuqagnab daatte amu, amuppa Nug da doyak ena aokkulnu da daul batatte

Sam 27:1

Yawe Nug dahil amahlak, dahil Padal ii maknu ehanittak ele daatte amunu, da aun laa baɗidkkul? Ao, Yawe Nug ban haknu aben ɠagattag dahil bia daatte, da amuppa ukken daakkul amunu, da auntai laanu ii baɗapa.

Sam 32:7

Na aakkuib na dahil lokkumak aben, dahil guppiɗ ele daattem! Ao, na da ehaniɗe, nauhakppa ii daattem amunu, diig amunu da ehanittak nahip-ppanu ahi edattem.

Sam 44:4

⌊O Kayak,⌋ na am dahil King, dahil Kayak ele. Naib danab ah nahipad, Jakop buɗub, na ag ehanatte, ag ahilkad kekeɗ eɗadtteb.

Sam 57:3

Kayak Nug hab attan daatte, Nug appanu da ehaniɗeb padal ii mepa. Ao, Nug danab ag da heiɗeg nauhttem ele amu heeb nauhkkulag. Sila. Ge, Kayak Nug dahilnu oo mauhaknab doya, Nug ele dahilnu oo metta ii uuak kobol dim lamidkku.

Sam 63:6

Da abenppa niieye, da nahipnu dabmettem. Ao, tuqan amu, da nahipnuib dabmettem.

Sam 77:6

Anukka da tuqan ahi laala eɗualadmi amu, da ahi amu dabmettem. Ao, da keeke ohnu dabmak unuqag awewe daye, da dagakka inam oɗ medattem.

Sam 88:8

Na he, da lailad uuiɗppig. Ag da gukkuiɗna daaglagnu uun autna aotteb. Da pelem laappa daattem amunu, da ahe gokkulnu elele iitta.

Aisaia 30:29

Kekeɗ dilagppa anam bekku, amge ag Yawenu danab ah ag danab ag qagmak gamag ahak ele Yawenu tituanak daatte, ag amu henana, ahi edatteb, amubia ag ahi ettaglag. Ao, danab ag dumuttum iwalnana, Yawenu qaukoppa tenana, oo gamag ahak dootteb, amubia ag oo gamag ahak dooglag. Ag Israel dilag ehanittak, Nug laugppa tenana, gamag ahak dootteb bia dooglag.

Lewitikas 25:21

Ag anam akkulagtai, amu amunu nob mak am, ‘Da, Kayak, da geha maɗ eblaih laippu amuppa itadkkul amunu, wan nug heeb, ee meu huana okku. Ag maɗ ewam oh, ee amu lakkulagnu elele daakku.

Jona 2:4

Da anam daami amu, haen amuppa da inam ami. ‘Na da geɗilna, da ii neekkiɗttem. Ao, da nahip mettid lag nahipnu tituanak daatte, da lag amu baula ii anidpa,’ awe ami.

Matyu 8:8

Jesus Nug anam aum, amge ban daup 100 dilag ikki nug aum. “Naɗi, da am danab enate na uɗin, da laul ooppa nekkut? Anam amu, na maɗi nid dahil ena daakkunu naiib appe amu, nug eɗua ena daakku.

Aposel 16:25

Qagate, aa anam daayya, tuqan tugmag Pol, Silas ele Kayak unuqidya daayya, ahi ele ettayya daapiɗ. Anam heeheh, maniguittak danab laa ag doyatppig.

Duteronomi 28:8

Yawe Nug ag aɗi keeke ag eppelagppa hekkulag, Nug amu ohppa itatta, bakkalen lakka ee ambak mekku. Yawe, ahilag Kayak, Nug wan ag madatte, amuppa itadkku.

Kolosi 3:3

Aɗinu? Ag oolagppa genab dooppig, haen amuppa ag wan imuppan oiyak nau am uuna, gemu ag Kristusnu uɗatppa bauklel aoeg, Kristus Nug bauklel amu atognoowo, Kristus, ag ele, ag oh Kayak ouqak daatteb.