Sam 42:7 - Nobonob Baibel

⁷ Kayak Nug le unuqag hatta, le baippa nonana, oqotti huana otteb ele hattom. Danab laa nug le amu ooppa nokku dayeb amu, le amu nug laitta tonakku. Anam amu, uug da toniɗom daatte ele amu, amuam le naɗi da toniɗlo bia doottem.

Sam 42:7 ပူးပေါင်းရင်းမြစ်များ

Job 10:17

Hettoɗiak abenppa amu, na laa aɗi heehe anttomnu mattiak danab baubau onilagppa e uɗin, ag naippa da yaaiɗtteb. Na hee, nahip oo nauhak dahilnu tuɗitta, okkainab mette. Na hee, nahipad daup ag baubau eheɗ heiɗtteb.

Sam 88:7

Na dahilnu oppoɗi bak doon, bu huana iuttem. Na da bu huana meɗattem, amuam duban iutte bia. Sila.

Jeremaia 4:20

Dahil neekkakppa da kekeɗ ag eɗikkon, baula eɗigna, eɗun baula eɗikkegeg anidttem. Dahil neekkakppa ihinig wan oh nauhakib daatte anidttem. Dahil neekkakppa ag ihinkad peh lag paha heeg nauhppig anidttem. Ao, dahil neekkakppa kekeɗ ag ihinkad dayak pahanab heeg nauhppig anidttem.

Esekiel 7:26

Uug nau uɗitteb oh am nug dim lamittak uɗippeg ⌊Israel ag⌋ anidkkulag. Ulah nai am ulah nai laa nug dim lamittak uɗippeg dooglag. Israel danab ah ag propet danab ag tulegleg laa Kayaknu anidna, amunu nai ag mattaglagnu akkulag, amge propet ag elele iitta daaglag. Mana mettak danab ag dahil ɗo nai mehuqkkulagnu elele iitta daaglag, amu ikki danab ag Israel danab ah ulum mettak nai laa mattaglagnu ele, elele iitta daaglag.

Jona 2:3

Am genab, na da buɗile, yu unuqag, appa nomi. Ge, da yu unuqagnab, appa nomi. Yu da toniɗa auta awe, da daami. Da le ooppanab daami. Koɗkoɗ attan qeum, amge da yu unuqag aakku daami.

Duteronomi 3:8

Gemu amu, ig wan oh, Amo dilag king aɗit amu dilah, Jodan leppanu kaɗag uɗitteppanu dayom amu, ig aakku aot malamut. Wan amuam oolnu noak onig Arnon, appa digme ukke ukke, qauko Hermon batom.