Sam 42:4 - Nobonob Baibel

⁴ Da anukka attemnab dayomnu amelppa doowo, ool huana dootte. Aɗinu? Haen amuppa da danab ah kuɗum oh ele, ig Kayak noobppa dup nota, Nug binag mekkunignu gottamut. Ag gamag ahak ahi ettenna, Kayak amegppa, “Ena heme,” aegeg, da anuqen ugekke, ag omalatti, Kayak laugppa gottamut.

Sam 42:4 ပူးပေါင်းရင်းမြစ်များ

2 King 18:30

Hesekaia nug ag amelagppa atte. “Yawe Nug ehanikkeb, ig ena daagnig. Nug heeb, Asiria dilag king nug aab okkai imu ii eɗidma. Ig nug eppegppa ii daamta,” awa atte. Nug anam atte, amge ag nuhig nai amu dabmenana, oolagppa genab aib dooppig. Yawe Nug ii ehanadma.

2 King 18:32

Ag anam daanna labeppeg ukkeb, da eɗuen uɗien, da omaladppi, ag gona wan laappa, wan amuam ahilag wan imubia amu, da omaladppi gona, aguppa daaglag. Wan amuppa ee aeg, amu muɗi grep ele betteb. Ao, appa ag ee, wain bau ele elelenab aoglag. Wan amuppa bret, grep dad ele elele daatteb. Ao, wan amuppa olip ad ag beegeg, uppuh leppu ele daatte. Ag bau dayak tituaneg! Ag mauhak aib tituanppig! Ag Hesekaia atte amu, ag aib dooppig. Aɗinu? Nug atte. “Yawe Nug ehanikkeb, ig Asiria dilag king eppegppa ii daamta,” awa atte,

2 Stori 7:10

Ag anam daanna heeg ukke, kalam eblaih aɗit, deɗ 23ppa Solomon nug he, danab ah ag Yawe Nug Dawitnu, Solomonnu, nuhikkud danab ah Israel dilagnu ele keeke digdigppa ena hattomnu gamag ahak okkai doon, ag eɗun appalkadppa goppig.

Job 29:2

“Da anukkan haennu ool gaatte. Ao, da haen Kayak Nug da atognoiɗa he, da enaib daaminu gaattem.

Sam 100:4

Ag Yawenu mettid lag ooppa nonana, ag Nug amegppa, “Ena heme,” anana ag Nug laugnu aɗ taliliaknu od oɗeppa wanana, ag Nug binag meig! Ge, ag Nug amegppa, “Ena heme,” anana, ag Nug binag meig!

Sam 102:10

Aɗinu da anam dayeye hettem? Na dahilnu oppoɗin huana beum. Na da awiɗna mawiɗe, dimittim gomi.

Sam 115:2

Ihinig Kayak Nug hab attan daya, Nug aɗi keeke hekkunu hette amu, Nug hette amunu, wanppan wan anen anen dilag danab ah ag aɗinu, “Kayak ahilag amu adekku?” aon atteb?

Sam 122:1

Danab ah ag da amelppa, “Ahappe, ig Yawe laugppa tetu!” aeg, da ool gamag ahom.

Sam 122:8

Da baeladppa, da lailad ele Jerusalem ippa ina daatteb amu, da ahilagnu dabmak anuqak awen, da, “Jerusalem ippa maɗoɗ daakkunu ool daatte,” attem.

Sam 55:14

Anukka, i nai ena laippu mattimuɗ. Ao, i gamag ahakppa danab ah oolagppa Kayak laugppa oh gottamuɗ.

Sam 62:8

O danab ah dahilad, Kayak Nug am padal mak eɗitteb ena dayaknu ehanittak ihinig daatte. Ag hanhan Kayaknu oolagppa genab doyeg! Ge, ag nug oolag unuqagppanu unuqitteg! Sila.

Sam 79:10

Am danab ah wan imuppan wan anen anennu ag na, ihinig Kayak, ag nahipnu oɗ mena atteb, “Kayak ahilag am adekku?” Ag anam hetteb am ena iitta. Am ig amenigppanab laa ag nahipad maɗi nid aqaeg mauhadppig ele amu, na ag eheɗ heppignu nob tutukku madappe, danab aabaab ohppan ag na amu hettemnu dooglagnu oonig daatte.

Sam 80:6

Na danab ah ig guguikkak daatteb ele, na ag uuatte, ag ihinig wan aoglagnu nug qak heegeg, ag ⌊eɗigkkulagnu enanag doon,⌋ ag oolagppa imatteb.

Aisaia 30:29

Kekeɗ dilagppa anam bekku, amge ag Yawenu danab ah ag danab ag qagmak gamag ahak ele Yawenu tituanak daatte, ag amu henana, ahi edatteb, amubia ag ahi ettaglag. Ao, danab ag dumuttum iwalnana, Yawenu qaukoppa tenana, oo gamag ahak dootteb, amubia ag oo gamag ahak dooglag. Ag Israel dilag ehanittak, Nug laugppa tenana, gamag ahak dootteb bia dooglag.

Gayak Nai 2:19

Juda danab ah ag tuqan, aɗi uɗitte anttak danab ag ahilag uɗat digmetteb haenppa ag ahan, Kayak huana unuqitteg! Le gokkaɗa gotte, amubia ag Naɗi noobppa Nug unuqitteg! Ag ahilkad nid naunau enugnu aabnu ib ukkak ohppa nena qena, mauhkkulagnu hetteb ele amu; ag ahilagnu ag eppelag human, Nug unuqitteg!

Gayak Nai 4:1

O gadonnab gadon, kekeɗ ag heeg, keeke golppa hak, amemɗi aotte ele, am gemu amemɗi ii aotte. Ge, gemu gol enanag am amemɗi ii aotte. Kekeɗ ag heeg, men daden nob okkainab ele Yawenu tituanak daatteb amu, men amuam ib oɗatle ohppa, appa mauhnoak daatteb.

Esekiel 46:10

Danab ah ag uɗitteb, haen amuppaib ahilag okkai nug ele ag oolagppa uɗiaɗ! Haen ag ahan gobeppeg amu, nug ele haen amuppa eɗua ukkaɗ!

Joel 2:17

Ag oh anam uɗippeg, mana mettak danab, ag na Yawe, ag nahip ɗo maɗoɗnu uɗat hetteb ele, ag na laut ooppa ukkaknu oo nakok odppa daatte, appa amu qaɗab ele gamagppa daanna gayeg! Gaanna ag inam aig! “O Yawe, na nahipad danab ah ig ehanigppe, ig padal ii mematanu oɗ medattem. Ao, na heppe, laa ag ig am nau bekkunu at daattem ii dabmemananu unuqidttem. O Yawe, na heppe, danab ah laa ag ihinignu ig keeke hamunab dooglag dayeb, danab ah amu ag, ‘Ahilag Kayak adeppa daatte,’ akkulag, amu aɗinu ag anam akkulag? Amu ena iitta.” Ag anam aig!

Nahum 1:15

O Juda danab ah, ag qaukoppa neekkeg! Appanu laa nai ena awa uɗitte. Nug ahilag wanppa maɗoɗ daaglagnu nai awa uɗitte. O Juda danab ah, ag ahilag qagmak gamag ahak ele haenppa, ag gamag ahak ele daan, ag Yawe amegppa aɗi keeke genab hekkulagnu nai anan qagappig amu, ag anam heig! Aɗinu? Nau hak danab ag baula ahilag wanppa ban hekkulagnu ii temana. Iitta. Da heppi, nau hak danab ag nauhna autna aona, padal mekkulag.

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Duteronomi 16:11

Haen amuppa ag Yawe, ahilag Kayak, ag Nug aben Nug onig aguppa daakkunu epeɗikku amu, amuppa ag Nug noobppa gamag ahak ele Ee Tatam Oɗue Digma Awaknu hobul hekkulag. Ag, amu ag baelkadppa ele, ahilkad maɗi nid maɗi ah ele, Lewi buɗub aab naunau ooppa ag ele oh daatteb, wan laihnu danab, ag oolagppa daatteb, nid ag mamelkad mauhppig, ah qab, ag oolagppa daatteb oh ele, ag hobul amu gamag ahak ele hekkulag.

Rut 1:21

Da aab imu uue gomi haenppa amu, da keeke laan tutu mak iitta, amge Yawe Nug he, da eɗuen uɗien, tutunab daattem. Amu aɗinu ag dahilnu, Naomi, aon atteb? Yawe Nug uug okkai da meɗom. Ao, Laa Nukka Ɠagattag Oh Ele Nug uug naɗi da meɗom.” Naomi anam awa aum.