Sam 42:3 - Nobonob Baibel

³ Da deɗ oh, amun, tuqan ele gayak naɗi heiyi, amel leb nette. Anam amu, amel leppu am dahil ee bia daatte. Dahil kekeɗ ag da aon aon iun atteb. “Kayak nahip adekku? ⌊Nug aɗinu na ii ehanidtte?⌋” aon atteb.

Sam 42:3 ပူးပေါင်းရင်းမြစ်များ

2 Samuel 16:12

Nug anam heebeb, Yawe Nug uug nau dahilppa gemu beum antta, Nug nai nau danab imu dahilnu maditte ele dabmaama, eɗua ehaniɗa heeb, da ena daakkultai,” awa aum.

Sam 102:9

Dahilad kekeɗ ag amu hettebnu diig am ⌊da naunab daattem⌋. Da uhuɗ ee dahil bia lattem. Da amel leb naana, dahil le ougppa no lattem.

Sam 115:2

Ihinig Kayak Nug hab attan daya, Nug aɗi keeke hekkunu hette amu, Nug hette amunu, wanppan wan anen anen dilag danab ah ag aɗinu, “Kayak ahilag amu adekku?” aon atteb?

Sam 143:6

Da na guguittaknab daakkulnu ool ahak ele daattem. Ao, atu qaɗaiettakppanab danab laa le baag diie, nug le aokkunu oo okkai daatte, amubia da na guguitten daakkulnu ool okkai daatte. Sila.

Sam 22:8

Ag atteb. “Nug aakkute nug Yawenu ooppa genab dootte? Anam am Yawe Nug ehanitteb, qagaiettakppa aib dayom! Yo, nug Yawenu enanagnab dootte amunu, Yawe Nug ehanitteb, qagaiettakppa aib dayom!” aon atteb.

Sam 3:2

Kuɗumnab ag dahilnu, “Kayak Nug ii ehanidma!” aon atteb. Sila.

Sam 42:10

Dahil kekeɗ ag awa awa iwak nai dahilnu atteb am, nai amuam guittak naunab, mauhaknu bia guiɗe doottem. Ag da ihaklel iuna, deɗ oh amun tuqan ele atteb, “Kayak nahip am adekku? ⌊Nug aɗinu na ii ehanidtte?⌋” aon atteb.

Sam 63:2

Da nahip mettid lagppa appa amu, da na anidkkul. Appa da nahip ɠagattag, nahip binag amahlak oppiaawak ele, da amu ele anidkkul.

Sam 79:10

Am danab ah wan imuppan wan anen anennu ag na, ihinig Kayak, ag nahipnu oɗ mena atteb, “Kayak ahilag am adekku?” Ag anam hetteb am ena iitta. Am ig amenigppanab laa ag nahipad maɗi nid aqaeg mauhadppig ele amu, na ag eheɗ heppignu nob tutukku madappe, danab aabaab ohppan ag na amu hettemnu dooglagnu oonig daatte.

Sam 79:12

O Naɗi, danab ah ig guguikkak daatteb, ag na aon aon nidappig amu, na ag bu haen eblaih aɗit ele eheɗ heppignu bu madakkutnu oɗ medattem.

Sam 80:5

Na hee, ig gayak okkai heutut, ig amenig leb am ihinig ee bia daatte. Ao, na hee, ig gayak okkai heutut, ig amenig leb am le oug lattem, amubia daatte.

Sam 84:3

O Yawe Nakka Ɠagattag Oh Ele, dahil king, dahil Kayak, ai onig sparo, ag ahilkad teɗ bappaidkkulagnu aben anidna aotteb. Ao, ai laa onig swalo, ag nalkad aguppa makkulkkulagnu teɗ bappaidtteb. Ag teɗ hena, aguppa daatteb amu, amubia da nahip qaɗab guguittak daakkulnu ool daatte.

Eksodas 23:17

Danab oh ag maɗ anen anenppa da, da Naɗi Yawe, ag haen ewam amu da noolppa uɗina, ag hobul amu heig!

Joel 2:17

Ag oh anam uɗippeg, mana mettak danab, ag na Yawe, ag nahip ɗo maɗoɗnu uɗat hetteb ele, ag na laut ooppa ukkaknu oo nakok odppa daatte, appa amu qaɗab ele gamagppa daanna gayeg! Gaanna ag inam aig! “O Yawe, na nahipad danab ah ig ehanigppe, ig padal ii mematanu oɗ medattem. Ao, na heppe, laa ag ig am nau bekkunu at daattem ii dabmemananu unuqidttem. O Yawe, na heppe, danab ah laa ag ihinignu ig keeke hamunab dooglag dayeb, danab ah amu ag, ‘Ahilag Kayak adeppa daatte,’ akkulag, amu aɗinu ag anam akkulag? Amu ena iitta.” Ag anam aig!

Maika 7:10

Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.

Duteronomi 5:26

Aɗinu? Ig danab ig mauhttem ele, amu ig oonigppanu danab auntai laa nug, ig hemut bia, nug Kayak, hanhan bau daatte, Nug aab ewak laa ooppanu nai mattieye doya, bau dayom? Laal iitta.