Sam 40:2 - Nobonob Baibel

² Yawe Nug da ehaniɗa, Nug danab laa nug layag moɗ nauppanu behie beum bia ehaniɗe, da ena daattem. Ao, danab laa nug layag moɗ lekkoh naunab nau eleppanu ehanitte uɗitte, amubia Yawe Nug da ehaniɗe, da ena daattem. Genab, Nug danab laa layag ehanitta awa, men attan meum bia he, da ena daattem. Ao, Nug danab laa nug layag ehanitta awa, aben baɗak iitta eleppa mette amu, Yawe Nug dahilppa anam he, da ena daattem.

Sam 40:2 ပူးပေါင်းရင်းမြစ်များ

Sam 116:3

Hikan danab nug doɗ aokkunu pelem me daatte, amubia mauhak nug pelem meum dayeye, da aolen daami. Yo, mauhaknu guittak dahilppa ba dayom. Ge, da uug kuɗum, oo doyak kuɗum ele doomi.

Sam 119:133

Na nahip nai ippuniɗnana, amuppa na oiyak dahil ulum mettan heppe, hipunin da ii gumiɗmanu oɗ medattem.

Sam 143:3

Dahil kekeɗ ag da lamiɗna, ag da oiɗeg, wanppa noin qei, ag da laa ag mauhak moɗ gatatu eleppa daatteb, ag da amubia daakkulnu hetteb.

Sam 17:5

Da na ippunppa oimi. Ao, da na dim lamittaknu ii uumi.

Sam 18:36

Na da ippul babaitte, da aguppa oikkulnu elele. Ao, ib na bappaidme, ib amuppa da bael baag ii amemɗitte.

Sam 18:7

Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Sam 27:5

Aɗinu? Da Yawenu mettid lag, amuppa ena anam daakkul dayeb amu, uug haenppa Nug da atognoiɗebeb, da eheɗ laa ii anidpa. Yo, Nug da nuhig mettid haknu peh lagppa lokkumiɗeb daappi, uug laa da ii aniɗma. Ge, Nug heeb, da danab laa men okkai attan ena daatte, da amubia ena daakkul.

Sam 37:23

Yawe Nug danabnu oiyaknu enanagnab dootte dayeb amu, Nug he, danab amu nug ɠagattag daatte.

Sam 61:2

Uug da toniɗtteb amunu, wan batakppa appanu da na ehaniɗkkutnu unuqidttem. Ao, da oolppa elele iitta doyeye, na ehaniɗkkutnu oɗ medattem. Ge, danab nug men hume taknab naɗi attan daatte, kekeɗ ag nug guittak mettaglagnu ib iitta, nug ena daatte, amubia amu, na dahil men naɗi bia daakkutnu ool daatte.

Sam 69:2

Da danab laa nug laih wan gai-iitta, muag eleppa, wan ɠagattag iitta, nug baeg ma hibaitta dayaya, muag ooppa noa noa mauhkku, da amubia iikku daattem. O iitta, da am danab laa nug le ameg naɗinab laa umanab noa ukkak, hiɗ baaba, hiɗa noawa daatte ele, amuppa danab nug le noa lana mauhkkunu hette, da amubia iikku daattem.

Sam 71:20

Na da uug digdig, nau ele aokkulnu aib ii ae, aakku toniɗppig, amge na da ehaniɗppe, da ena daakkul. Yo, uug okkai okkaippanu, na humiɗna awiɗppe, da eɗue ena daakkul.

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Aisaia 24:22

Yawe Nug geha wanppan king aɗi oh qagmaatta, maniguittakppa maniguadkku. Ag danab maniguittak nau gatatu eleppa daatte, amubia maatteb daaglag. Ao, ag maniguittak anam daappeg, haen nakok elab ukkeb, ahilag nob awak haen ana beeb, nob nau madakku.

Sekaraia 9:11

Da hei, da ag Israel ele ig nug tituanta nai qakkamut. Amu nai qakkak dahil amu, am doɗ tiigppa ɠagattag qak dayom. Ig anam hemut amunu, diig amuppa da geha heppi, ahilagnu laa ag maniguittak danab moɗ naɗi le iitta eleppa daatte, ag amubia daatteb amu, ag amuppa ii daamna.

Matyu 13:50

agappeg aab aɗuppa tekkulag. Appa danab ag gaana, aelkad emalna daaglag,” awa aum.

Aposel 2:24

Amge Kayak Nug mauhak oolagppanu uhuqa he, eɗua hibaittom. Mauhak Nug aɗakkunu elele iitta.