Sam 40:16 - Nobonob Baibel

¹⁶ Laa ag dahilnu nau hetteb ele amu, na ahilagppa anam hekkutnu ool daatte, amge na heppe, laa ag na anidna dim lamidkkulagnu na mattidtteb amu, ag ena doon, gamag ahak okkai aoglagnu oɗ medattem. Ao, na heppe, laa na ehanatte, ag padal ii mena, ag amunu enanag dootteb ele amu, ag hanhan, “Yawe Nug hak ena, hak tutukku, hak genabib hette,” akkulagnu unuqidttem.

Sam 40:16 ပူးပေါင်းရင်းမြစ်များ

Sam 105:3

Nug onig am oppiaawak; ag Nug onignu oolag okkainab gamalag ahaɗ! Ao, laa ag Yawe anidna dim lamidkkulagnu Nug maditteb ele, ag gamalag ahaɗ!

Sam 119:111

Nahip ɗo am dahil en hanhannu daatte. Nahip ɗo am gamag ahak da meɗatte.

Sam 119:123

Da na ehaniɗppe, da padal ii mepanu na amen haen elab mein dayeye, gemu ele amen mettem. Ao, na genab tutukku hak kobolib hena, na da ehaniɗppe, da padal ii mepanu nai anan qakkame, amu na amu hekkutnu da na amen haen elab mein dayeye, gemu ele amen mein daattem.

Sam 119:81

Da gai-iittanab daaiyi, na da ehaniɗppe padal ii mepanu ool naɗinab daatte. Na da ehaniɗppe, da ii padal mepanu ame amu, da na anam hekkutnu oolppa genab doottem.

Sam 22:26

Daɗek ag ee lappeg, oolag didikku. Amu aun aɗi oh ag Yawe anidna dim lamidkkulagnu Nug maditteb, ag Nug binag mekkulag. Maɗoɗppanu gamag ahak ii tuqa aotte ele amu, Yawe Nug heeb, ag gamag ahak amu aon daan oiglag.

Sam 35:21

Ao, ag naippa yaaiɗnana, “Antteg! Antteg! Ig amenigppanab na amu hee anidmut!” anan etteb!

Sam 35:27

Amge danab ah ag na hee, da tutukkuib hemi miag atiom anidna dabmena, ag amunu enanagnab dootteb ele amu, ag am gamag ahak okkainab madakkutnu oɗ medattem. Na heppe, danab amu ag hanhan, “Ig Yawe, Nug nuhikkud maɗi nid maɗoɗ ele daakkunu oo huana hette ele, ig Nug hanhan attanib daakkunu oonig daatte,” akkulagnu unuqidttem.

Sam 68:3

Amge Nug heeb, genab tutukku hak danab ah ag gamag ahak dooglagnu ool daatte. Ao, ag Kayak noobppa daan, gamalag ahakkunu ool hette. Ag maɗoɗppan gamag ahak naɗi ele daan, tuɗidib dooglagnu ool daatte.

Esekiel 26:2

“Danab bekka, Tair danab ah ag Jerusalem na qeumnu oolag gamag ahak eheɗ doon, ag inam appig. ‘Am enanag! Kekeɗ ag gona, aab okkai Jerusalem heeg nauha autanab awom. Gemu aab amuam loppaɗakib daatte. Jerusalem danab ah baula keeke meppeg, laa daden meppeg, men doɗo ii aomna. Ag ig ib amuppa men doɗo okkai aognignu ib baula oo ii nemata; ig anam aognig,’ aon appig.

Aposel 19:17

Anam beum, dimppa Juda danab amu Grik danab ele Epesus daappig amu, ag oh nai amu doon, ag oh baɗan, ag Naɗi Jesus binag okkai meppig.