Sam 4:4 - Nobonob Baibel

⁴ Na Yawenu ebehin oh bodoetta le meeb, na aib hipunin heme. Ao, na niiak abenppa toettan niinna, na amu oh dabmette! Sila.

Sam 4:4 ပူးပေါင်းရင်းမြစ်များ

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Sam 119:161

Ikki danab ag diig iittappa eheɗ heiɗtteb ⌊amge amuam keeke okkai iitta⌋. Da ebehil oh nahip nainu bodoetta le mette ⌊amuam keeke okkai.⌋

Sam 17:6

O Kayak, na da oɗelppa aon ehaniɗttem amunu, da na unuqidttem. Anam amu, da unuqidppippi, na daut human dookkutnu oɗ medattem.

Sam 3:2

Kuɗumnab ag dahilnu, “Kayak Nug ii ehanidma!” aon atteb. Sila.

Sam 3:4

Da Yawenu huana gaai, Nug nuhig qaukoppanu, qauko amuam nuhignu tituanak daatte amu, appanu Nug da oɗelppa awom. Sila.

Sam 33:8

Yawe Nug a, wan beum daatte. Yo, Nug bekkununab a, wan ba, ɠagattag eppom daatte. Anam amunu, danab ah wan ohppanu ag Yawenu ebehilag oh bodoetta le maɗ! Yo, danab ah oh ag nuhignu ebehilag oh bodoetta le maɗ!

Sam 46:10

Yawe Nug atte. “Danab ah wanppanu, ag toettan daan, ag imu doyeg! Da am Kayak. Da geha wanppan wan anen anen oh dilag king daakkul. Ao, da geha wan ohnu king daakkul.”

Sam 63:6

Da abenppa niieye, da nahipnu dabmettem. Ao, tuqan amu, da nahipnuib dabmettem.

Sam 77:6

Anukka da tuqan ahi laala eɗualadmi amu, da ahi amu dabmettem. Ao, da keeke ohnu dabmak unuqag awewe daye, da dagakka inam oɗ medattem.

Prowerb 16:17

Genab tutukku hak danab ag kobol eheɗnu awaidna daatteb; aun nug aɗi hettenu atognoa dabmette amu, nug bau dayak nuhig aakku atognotte.

Prowerb 16:6

Danab nug hipuninnu oo mauhaknab kobolppa, oo metta ii uuak kobolppa ele eheɗ haknu nob nau iitta mekkunu he elele medatte. Amu danab nug Yawenu ebehi oh bodoetta le mette doya amu, nug eheɗ ii hema.

Prowerb 3:7

Na nakka amu, “Da iikku, da doyak dabmak ena okkai ele daattem,” aib dabmeme. Iitta. Na Yawenu ebehin oh bodoetta le meeb, Nug dim lamidkkutnunab oinna, kobol eheɗ aib heme.

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Habakuk 2:20

Kayak hambuppuak ag anam daatteb, amge Yawe Nug nuhig mettid lag nuhignu tituanak daatte, Nug appa daatte. Wan atu ohppan danab ah ag Nug noobppa toettan dayeg!

2 Korint 13:5

Ag akka akka ag ahilag ooppa genab doyak am genabte, ⌊amuam ag Kristusnu, nuhig Nai Enanu ele aakkuib oolagppa genab dootteb,⌋ o ahilag ooppa genab doyak am genab iittate italna epeɗieg! Ag akka, ag oolag ma anttak metteg! Ag Jesus Kristus, Nug ag oolagppa daatte iite dootteb? Yo, ag ma anttakppa elele hetteb dayeb amu, Nug ag oolagppa daatte. Iitta am iitta.

Epesus 4:26

Ag oolag nauhkku dayeb amu, ag hipunin hemananu dabmeig! Ag oolag nauhkku dayeb, oo nauhak amu nug dayebeb ukkeb, aam aib noum. Aam ii noak haenppa ag oolag laippu meig!