Sam 39:7 - Nobonob Baibel

⁷ O Naɗi, anam aakku daatte amunu, da wan imunu keeke laa dabmein, keeke ena bekkunu dabmak aɗe oikkulnu elele iitta. Keeke ena bekkunu dabmak aɗe oikkulnu am nahip-ppaib daatte.

Sam 39:7 ပူးပေါင်းရင်းမြစ်များ

Genesis 49:18

O Yawe, na da ehaniɗkkutnu, da na amen mettem.

Job 13:15

Da amu hekkulnu diig am inam. Kayak heeb, da mauhkkultai, amge anam bekkunulob, da Nug ehaniɗeb, da eɗuen ena daakkulnu dabmak aɗe daattem; da Nug amegppanab da dahilnu nai madippi, Nug dookku oolppa genab doottem.

Job 14:2

Bala ag hamu paha bena, eɗun bunaɗna iitta metteb bia amu, danab oh ag anam hetteb; lombig itotog wanppa paha ukka qettoɗtte, amubia danab oh ag anamnab hetteb.

Sam 119:166

O Yawe, ⌊haen da uugppa dayeye⌋ na ehaniɗppe padal ii mepanu, da na amen mein dayeye, da nahip ɗo dim lamidttem.

Sam 119:81

Da gai-iittanab daaiyi, na da ehaniɗppe padal ii mepanu ool naɗinab daatte. Na da ehaniɗppe, da ii padal mepanu ame amu, da na anam hekkutnu oolppa genab doottem.

Sam 38:15

O Yawe, na da oɗelppa aokkutnu amen mein daye, ehaniɗkkutnu dabmettem. O Naɗi, na am dahil Kayak, ⌊da doottem,⌋ na da oɗelppa aon ehaniɗkkut.

Sam 49:11

Danab Kayaknu ii dabmena, ii dim lamidtteb, kaaka danab ele amu, ag oh mauhna, hanhan moɗppa niitteb, Ao, ag hanhan appaib daatteb. Ag onilag aon, wan laala onilag aakku medappig, amge laa ag wan amu aon daaglag.

Eklisiastis 2:21

Uug da doominu diig am, danab laa nug uɗat nuhig hekkunu doyak dabmak ena okkai ele, uɗat amu haknu diignu doyak tutukku ele, eppeg uɗat amu haknu dootte amunu, nug ha autanab aotte, amge dimppa nuhig uɗatnu meu am laa nug uɗat ii heum ele, nug eppegppa gokku. Kobol amu ele am gaɗappa, unuqagppa ele anttak laippu iitta; kobol amuam uug naunab ele.

Eklisiastis 4:8

Amuam danab nug tiig laippu laa iitta. Ao, nug nid iitta, awag, amag laa ele iitta. Anam amu, nug am uɗatib hette, nug hamu ii daatte; Nug anam daya haaha, en okkai aotte, amge nug ena ii dootte. Iitta. Nug baubau aokkunu hette. Nug nukka, nug oɗ inam ii medatte. “Da aun nug en imu aokkunu uɗat hettem? Ao, da aunnu uɗatib heinne, gamag ahak nakok aolom, amge da ii aottem?” Nug amu oɗ ii medatte. Kobol amu daatte, amge amu ele am gaɗappa, unuqagppa ele anttak laippu iitta; am kobol guittak ele.

Luk 2:25

Haen amuppa danab laa Jerusalem dayom, nug onig Simeon. Nug Kayak noobppa tutukku oiyaya, Kayak binag ena maama, Israel dilag ehanattak danab ameg meum. Kayak Ouɗi nuhigppa dayom.

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.