Sam 38:22 - Nobonob Baibel

²² O Naɗi, na am dahil padal mepanu ehanittak daattem. Na paha dona, da ehaniɗkkutnu oɗ medattem.

Sam 38:22 ပူးပေါင်းရင်းမြစ်များ

Sam 141:1

Yawe, da na oninppa ettem. Na pahanab uɗikkutnu oɗ medattem. Ao, haen da na ehaniɗkkutnu oninppa ettem amu, na amu dookkutnu unuqidttem.

Sam 22:12

Dahil kekeɗ ag da makau dawai kuɗum danab talilidna daatteb bia heppig daatteb. Yo, ag wan onig Basannu makau dawai ban paha paha hetteb danab talilidna daatteb bia taliliɗppig daatteb.

Sam 27:1

Yawe Nug dahil amahlak, dahil Padal ii maknu ehanittak ele daatte amunu, da aun laa baɗidkkul? Ao, Yawe Nug ban haknu aben ɠagattag dahil bia daatte, da amuppa ukken daakkul amunu, da auntai laanu ii baɗapa.

Sam 40:13

O Yawe, na da ehaniɗppe da qagaiettakppa ii daapanu oɗ medattem. Ao, O Yawe, na paha dona, da ehaniɗkkutnu unuqidttem.

Sam 40:17

Amge da am daɗek, keekenu tutu mak daattem; Naɗi Nug da dabmeɗakkunu ool daatte. O Kayak dahil, naib dahil ehanittak daattem. Naib na ehaniɗe da qagaiettakppa ii daattem; na da ehaniɗppe padal ii mepanu haen elab ameg mak ii daapanu unuqidttem.

Sam 62:2

Nug aakkuib am kekeɗ niɗamanu ehanittak dahil daatte. Nug aakkuib da padal mepanu ehaniɗtte. Nug am aab aɗ ɠagattagnab ele dahil bia daatte. ⌊Da Nug ele daapuɗ amu,⌋ auntai laa nug da uɗaliɗkkunu elele iitta.

Sam 62:6

Nug aakkuib am kekeɗ niɗamanu ehanittak dahil daatte. Nug aakkuib da padal mepanu ehaniɗtte. Nug am aab aɗ ɠagattagnab ele dahil bia daatte. ⌊Da Nug ele daapuɗ amu,⌋ auntai laa nug da uɗaliɗkkunu elele iitta.

Sam 70:1

O Kayak, na paha da ehaniɗppe, da qagaiettakppa ii daapanu oɗ medattem! Ao, O Yawe, na paha dona, da ehaniɗkkutnu unuqidttem.

Sam 70:5

Amge, O Kayak, da am daɗek, keekenu tutu mak daattem; na da pahanab ehaniɗkkutnu oɗ medattem. O Yawe, na am dahil ehanittak daattem, na ehaniɗe, da padal ii mettem. Anam amu, na ehaniɗppe da padal ii mepanu haen elab ameg mak ii daapanu unuqidttem.

Sam 71:12

O Kayak, na dahilnu awaidna, uma daamnanu oɗ medattem. O Kayak dahil, na da paha ehaniɗkkutnu unuqidttem.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.