Sam 38:2 - Nobonob Baibel

² Aɗinu? Nahip lat doɗo da iwa, da beɗul ooppa noum. Ao, na eppenppa da oiɗme.

Sam 38:2 ပူးပေါင်းရင်းမြစ်များ

Job 6:4

Laa Nukka Ɠagattag Oh Ele amu, nuhig lat doɗo da iwom. Amu lat doɗo aegppan leppu nau da ouɗilppa ukkom daatte. Ge, Kayak he, da baɗak eheɗ nau doottem.

Sam 21:12

Aɗinu? Geha na lat nahip aon pimalppe, ag lat aeg ag yaaladkku anidna, ag eɗun, oolna gokkulag.

Sam 32:4

Aɗinu? Tuqan, amun ele na toliɗkkutnu, na eppen da qaɗelppa uug ele me, aam he, wan leppu qaɗaiettom bia dahil ɠagattag iitta meum. Sila.

Sam 6:2

O Yawe, da beɗul bodoettom amunu, na dahilnu oot gai-iitta doon oot meɗan ehaniɗna, ⌊ɠagattag meɗakkutnu unuqidttem⌋. Ao, da ebehil hahaɗtte amunu, na heppe, da ena daakkulnu oɗ medattem.

Sam 64:7

Amge Kayak nukka nau hak danab hatteb nauhkkulag; danab nug laa lat doɗoppa guittak medatte bia. Ag pahanab guittak aona, nena qekkulag.

Gayak Nai 3:12

Yawe Nug lat doɗo oɗppa ma pimala e; da nuhig keeke qaknu dottog bia daaiyi, haen kuɗum anam heum.

Duteronomi 2:15

Yawe Nug ena daaglagnu ib oo neene ukke, ag ohnab mauhppig.

Rut 1:13

aa nid aɗit amu amelah melopte? Aa danab laa iite diiatlop? O dahilaɗ, anam am iitta. Yawe Nug da uug meɗom, uug amu aa ele tonata daatte amunu, da uug okkainab, ahilah uug eɗittak doottem,” awa aum.

1 Samuel 5:11

Ag anam appig amunu, ag heeg, Pilistia danab okkai laa oh ag uɗin qagmeeg, ag ag amelagppa appig. “Ag heppeg, laa ag Israel dilag Kayaknu Tituanak Nainu Kunup imu maon ukkeg! Nug eɗua, nuhig abenppa ukkaɗ! Anam iitta amu, Nug heeb, ig oh mauhkkunig,” aon appig. Ag amu appignu diig am, Kayak Nug bu okkainab matta he, ag oolagppanu danab ah kuɗum ag mauhppig amunu, aab okkai amunu danab ah ag eheɗ baɗappig.

1 Samuel 5:6

Pilistia ag anam heeg ukke, Yawe Nug he, Asdot danab ah, am danab ah Asdot guguittak daappig ele, uug okkainab ahilagppa be, ag eheɗ nau baɗappig. Uug beum am, mamattin ag beɗulagppa beum.

1 Samuel 6:9

Ag amu heppeg, makau aɗit amu aa uɗatnu karis Yawenu Tituanak Nainu Kunup ele, aa uɗatnu karis amu eeɗya, Yawenu Tituanak Nainu Kunup Israel wanppa, aab Betsemes appa tutukku gokkulahnu Betsemes gukkuidya gokkulah dayeb amu, amuppa ag dooglag, Yawe Nug he, uug naunab imu oh ihinigppa beum. Amge makau aa uɗatnu karis, Yawenu Tituanak Nainu Kunup ele appa tutukku aoya ii gokkulah dayeb amu, amuppa ig doognig: uug ihinigppa beum ele amu, amuam Yawe eppegppanu iitta. Uug amu oh ihinigppa hamu beum doognig,” aon appig.