Sam 38:12 - Nobonob Baibel

¹² Kekeɗ dahil ag danab laa nug pelem doɗ aɗeb qekkunu mette amubia, ag dahilppa anam bia hekkulagnu hetteb. Ao, danab ag da guittak meɗaglagnu hetteb amu, ag mattiak hena, ag eheɗ nau heiɗkkulagnu maidtteb. Ag deɗ oh amun tuqan ele amu hambuppuak nai maditteb.

Sam 38:12 ပူးပေါင်းရင်းမြစ်များ

Job 19:13

Kayak he, da awalad amalad ag da ele daagnignu oolag iinab daatte; da lailad ele ag da aniɗaknu uun autna aotteb.

Sam 10:9

Doɗ laion ag toettan, doɗ laa bodoettak ele aqadna laadkkulagnu maadna daatteb amu, amubia nau hak danab ag danab ah ɠagattag iitta ele aɗaladkkulagnu henan daatteb. Ge, atu makkaɗak hikan danab ag uhuippa pelem mena, doɗ diin eeɗadna gotteb bia, nau hak danab ag danab ah ehanittak laa iitta ele aɗaglagnu henan daatteb.

Sam 119:110

Nau hak danab ag ahilag pelem dahilnu bappaidppig, amge da nahip oo yaak nai ɗo bia, da nai amu dim lamittaknu ii uuttem.

Sam 140:5

⌊O Yawe, na da ehaniɗkkutnu oɗ medattem.⌋ Dada hak danab ag da aɗailkkulagnu pelem meppig daatte. Ao, ag da uhui laappa nokkulnu meppig daatte. Ag da ippulppa pelem maadppig daatteb. Sila.

Sam 141:9

Nau hak danab ag da uhui laa, da amuppa nokkulnu meppig amu, na heppe, da awaitten daakkulnu oɗ medattem. Ao, laa ag nau hetteb ele, da ahilag pelemppanu awaidkkulnu unuqidttem.

Sam 31:12

Danab laa mauhe, laa ag nuhignu daulag atitte, amubia danab ah oh ag dahilnu daulag atitte. Ao, danab ag waa laa aoɗa nauhomnu kinipan dootteb, ag dahilnu anambia dootteb.

Sam 35:20

Aɗinu? Ag nai mattiak ahilagppa maɗoɗ bekkunu ii maditteb. Iitta! Ag hambuppuak nai, danab ah laa ag maɗoɗ ele wanppa daatteb, ag ahilagnu maditteb.

Sam 35:4

Amu laa ag da iuppeg mauhkkulnu hetteb ele amu, ag uɗa nak aoglagnu, ge ag uɗa nak, nau, guittak ele dooglagnu oɗ medattem. Ao, na heppe, laa ag da eheɗ heiɗkkulagnu hetteb ele, ag bittumttum goppeg, ahilag dabmak am kaboliak nau ele daakkunu unuqidttem.

Sam 41:5

Dahil kekeɗ ag dahilnu oo aeg bak doon, ag dahil mauhaknu tappaɗna atteb, “Nug ganeb mauhkku? Ao, Nug ganeb mauheb, laa oh ag nug wanppa dayom am daulag atikku?” aon atteb.

Sam 54:3

Aɗinu? Dada danab ag da banel uɗitteb. Ao, danab ag oo doyak ii doon nau hetteb ele, danab amu ag da iuglagnu hetteb. O Kayak, danab amu ag nahipnu hamu bia dootteb. Sila.

Sam 69:9

Ag dahilnu anam doottebnu diig am inam. Na lautppa, na ig attemnab daagnignu ippunigttem amu, da amunu yag-nab-bak doye hettem. Amu laa ele amu, danab ah ag na aon aon naunab nidatteb amu, nai nau amu dahilppa aakku uɗia, da yaaiɗtte.

Sam 88:9

Da uug doyeye, keeke ena laa pehette anidkkulnu elele iitta. O Yawe, deɗ anen anen da nahip ehanittaknu oɗ medattem. Ao, da eppel nahip-ppa bahie ukke, da na unuqidttem.

Prowerb 19:7

Daɗek danab tiig laippu, ag nug guhuɗidtteb dayeb, laa ag nug laikkud, amge tiig laippu iitta, ag guhuɗidna autna aotteb. Ge, diig amunu daɗek danab nug ag ele laippu daaglagnu, oo doyakppa ag oɗ madakku, amge iitta, ag nuhig nai dooglagnu ii hemana.