Sam 32:3 - Nobonob Baibel

³ Amu da hipunin dahil miag ii mehuqmi dayeye, da deɗ oh, tuqan amun ele gaaiyi, ebehil gai-iitta meum.

Sam 32:3 ပူးပေါင်းရင်းမြစ်များ

2 Samuel 11:27

Nug mahitte ukke, elele te, Dawit he, nug laugppa te, aa ewau matulak aoya, ewau daayya, Batseba nug Dawitnu nid danab awom. Nug nid danab awom, amge Dawit kobol heum ele amu, Yawe Nug amunu ena ii doyom.

Job 3:24

Da ee ii lattem. Iitta. Da mahiak okkaiib hettem. Ge, da le huana noa gotte bia, da huana aiqagekke daattem.

Job 30:17

Tuqan da guittak nau, laa banppa da ebehil yaalo, da amubia doottem; guittak dahil ii bodoedatte.

Job 30:30

Oɗe dahil he, da gaɗal hin qe, tola gotte; da beɗul am gakkaɗaknab daatte.

Sam 22:1

O dahil Kayak, O dahil Kayak, na aɗinu da uuiɗmenu diig appe dookkulnu, na dahilppanu uma wana qagaiettakppa daapanu ii ehaniɗttemnu diig appe dookkulnu, amu na dahil gayak ii doottemnu diig ele appe dookkulnu oɗ medattem.

Sam 38:3

Na dahilnu oppoɗin beum amunu, da beɗul oɗe ele. Ao, da hipunin hemi amunu, da beɗul kunum oh oɗe ele.

Sam 38:8

Da beɗul nauhe, ɠagattag iitta daattem. Da oolppa maɗoɗ iitta amunu, da aiqakkak hettem.

Sam 51:8

Na hipunin dahil uhuqna meɗappe, diig amunu da baula gamag ahak okkai dookkulnu oɗ medattem. Ao, na da bu iume, amge gemu na heppe, da gamag ahak dookkulnu unuqidttem.

Sam 6:2

O Yawe, da beɗul bodoettom amunu, na dahilnu oot gai-iitta doon oot meɗan ehaniɗna, ⌊ɠagattag meɗakkutnu unuqidttem⌋. Ao, da ebehil hahaɗtte amunu, na heppe, da ena daakkulnu oɗ medattem.

Prowerb 17:22

Ooppa gamag ahak doyak, amuam marasin ena bia; amge ooppa na qak doyak, amuam he, danab nug nau daatte, nug nauhkkunu hette.

Prowerb 28:13

Aun nug hipunin nuhig tonatte, nug ena ii daama; amge aun nug hipunin nuhig miagib mattia dimadatte amu, Kayak Nug danab amunu oo gai-iitta doyaya, oo metta, ehanidtte.

Aisaia 51:20

Ahilkad nid danab ag gai-iitta daatteb. Ag ib oɗatleppa doɗ pelemppa teum daatte bia niitteb. Yawe Nug oppoɗi bak doyeye, ag eheɗ aotteb. Ao, ag Israel, ahilag Kayaknu oppoɗi bak ahilkad nid dilagppa ambak daatte.

Aisaia 57:17

Da dahilad danab ag baubau awaknu hik aqeeqe eheɗ heppig amunu, da oppoɗil eheɗ beum. Da amu antten, da oo nauhak doyeye, da bu matten, dimattami. Da amu hemi, amge ag doonna, tuɗidna eheɗ heppig.

Aisaia 59:11

Ig doɗ naɗi onig bea, nug ⌊eheɗ doyaya⌋ guɗumtte, ig amubia hettem. Ig uppuɗil beɗulag nakok nug oo doyak ele gaatte amu, ig amubia gaattem. Ig nai doya mala hettoɗia epeɗia elele mettak kobol ig oonigppa bekkunu dabmetat oittem, amge kobol amu nakok laa be ii anidttem. Ao, ig laa eppelagppa ii daamtanu dabmetat oittem, amge ig ehanittak amu iinab anidttem.

Gayak Nai 1:3

Juda danab ah ag Babilon wanppa diia ukka laih me dayak danab ah daatteb. Ao, appa ag guittak aonna, ag uɗat ɠagattag henana oitteb. Juda danab ah ag wanppan wan laalappa gona daan, ag toetta, maɗoɗ ele dayak laa ii anidtteb. Ge, Juda danab ah ag uug nau ahilagppa be anidna oolegeg, laa ag aɗualadkkulagnu lamadppig amu, ag aɗualadppig.

Gayak Nai 3:4

Nug he, da gaɗal, teppul ele am danab kaino gaɗa, teppu ele bia daattep; Nug he, da ebehilad qiippig.

Gayak Nai 3:8

Da ehaniɗkkunu unuqitten, oɗ medattem; amge Nug dahil unuqittak dookkunu uutte.

Hosea 7:14

Ag oolag unuqagnabppanu da ii unuqiɗtteb. Iitta. Ag niiak balal attan daanna gaatteb. Ao, ag ee aeg bau, wain ele da madakkulnu unuqittak hekkulagnu qagmetteb, amge ag da dimeɗatteb.

1 Samuel 31:13

Ag mauhak gaɗalag amu manatteg ewe, danab manadppig ebehilkad amu akkan, ad tamarisk laa Jabes daatte, amu waappa boumadppig. Ag boumadna malona, ag ee ohnu kud mena daaeg ukke, deɗ eblaih aɗit ele uue, ag eɗun ee lappig.