Sam 30:2 - Nobonob Baibel

² O Yawe, dahil Kayak, da na ehaniɗkkutnu unuqitti, na hee, oɗe dahil iitta me, da ena daattem.

Sam 30:2 ပူးပေါင်းရင်းမြစ်များ

Genesis 20:17

Abimelek nug Sarah awom amunu, haen amuppa kobol amunu Yawe Nug he, Abimelek wau, amu nuhikkud begbeg maɗi ah ele ag nid menuglagnu elele iitta daappig. Amge dimppa Abimelek he, Sarah eɗua Abraham toppa ukkom, haen amuppa Abraham nug Kayak amegppa unuqitte, Kayak Nug he, Abimelek, nug wau, nuhikkud maɗi ah ele oh, ag eɗun, baula nid menuadkkulagnu elele daappig.

2 King 20:5

“Na eɗun gona, Hesekaia, nug am dahilad danab ah dilag gumak danab, na nug amegppa inam appe doyaɗ! ‘Yawe, Nug na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da na ehanidppi, na ena daakkut. Da anam heppi, deɗ ewam uueb, na da, Yawe, na mettid lag dahilppa tekkut.

Sam 118:18

Yawe Nug da ena daakkulnu bu ɠagattag da meɗom, amge Nug da mauhpanu ehaniɗe, da ii mauhmi.

Sam 145:1

O Yawe, na am dahil Kayak, na king. Da geha na binan okkai, attannab humakkul. Yo, da geha hanhan na onin attan humakkul.

Sam 147:3

Nug danab ah ag oo doyak okkai, naɗi dootteb ele ehanatte, ag eɗun, ena daatteb. Ao, Nug danab layag baegppa ihi keeke ele itatte bia, Nug ag atognoadtte.

Sam 35:24

O Yawe, dahil Kayak, na genab tutukkuib hettem. Na heppe, da eheɗ laa ii hemi, da tutukkuib hemi miag atieb, danab ah ippunadppe anidkkulagnu oɗ medattem. Na heppe, dahil kekeɗ ag da imiɗmananu unuqidttem.

Sam 41:12

Dahil dabmak oiyak ele am tutukkuib amunu, na hee, da bau daye, nagattoppa hanhan wain daakkulnu elele.

Sam 51:8

Na hipunin dahil uhuqna meɗappe, diig amunu da baula gamag ahak okkai dookkulnu oɗ medattem. Ao, na da bu iume, amge gemu na heppe, da gamag ahak dookkulnu unuqidttem.

Sam 6:2

O Yawe, da beɗul bodoettom amunu, na dahilnu oot gai-iitta doon oot meɗan ehaniɗna, ⌊ɠagattag meɗakkutnu unuqidttem⌋. Ao, da ebehil hahaɗtte amunu, na heppe, da ena daakkulnu oɗ medattem.

Sam 88:13

Amge, ⌊da ina bau daattem amunu,⌋ O Yawe, da nahipnu unuqidttem. Deɗ anen anenppa, buttua da nahipnu unuqidttem.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.