Sam 3:8 - Nobonob Baibel

⁸ O Yawe, na ig ehanikke, ig kekeɗ ihinkad eɗadttem. Na nahipad danab ah itadkkutnu oɗ medattem. Sila.

Sam 3:8 ပူးပေါင်းရင်းမြစ်များ

2 Samuel 23:12

Amge Sama nug dad okkai amu gamagppa dayaya, Pilistia ag aomnanu ban haaha, Pilistia aqe mauhppig. Yawe ehanitte, nug aqe mauhppig amunu, nug eppegppa Yawe Nug Israel ehanittak okkai mattom.

Sam 119:94

Da am nahip. Na da ehaniɗppe ii padal mepanu oɗ medattem! Aɗinu? Da nahip oo yaak nai ɗo bia, da nai amu atognoin dim lamidmi.

Sam 29:11

Yawe Nug danab ah nuhikkud ɠagattag madatte. Yawe Nug danab ah nuhikkud itatta, maɗoɗ madatte.

Sam 31:16

Da, da am nahip maɗi nid amu, da na ele daagnihnu, na oot dahilnu ena daakkunu oɗ medattem. Ao, na oo mauhaknab kobol nahip dim lamidna, da padal mepanu ehaniɗkkutnu unuqidttem.

Sam 58:7

Na heppe, ag le wan qaɗaiettakppa noa iitta mette bia iitta mekkulagnu oɗ medattem. Ao, na heppe, ag eppelagppa bannu keeke aɗatteb amu, keeke amuam hamu bia daakkunu unuqidttem.

Sam 72:17

Danab ah ag hanhan king daulagppa dokkunu ool daatte. Ao, aam amahleb ukkeb ukkeb, batak haenppa batak, ag nuhignu daulagppa dokkunu ool hette. Wan atu ohppan danab ah oh nuhig itittak ena aon, ag nug binag mekkulagnu ool daatte.

Sam 9:20

O Yawe, na heppe, wan imuppan wan ohppan danab ah ag eheɗ nau baɗaglagnu oɗ medattem! Ao, na heppe, ag am danab aakkuib daatteb dooglagnu unuqidttem. Sila.

Prowerb 21:31

Danab ag hosppa daanna ban hetteb ele, ag hos banppa gokkulagnu bappaladtteb; amge ban eɗittaknu, amuam Yawe, nuhigppaib daatte.

Aisaia 43:11

Da, yo da, da am Yawe daattem. Da aakkuib, da danab ah padal memananu ehanittak daattem. Laa iitta.

Jeremaia 3:23

Anukka ig qauko nakok igippa kayak hambuppuak noolagppa dup nota binalag metata, muttub ele qemut, amge amu oh am ii ehanikkom. Yawe, Nug ig Israel, ihinig Kayak, Nugib ehanikkeb, ig padal ii memata.

Hosea 13:4

Amu Yawe Nug atte. “Da Yawe, ahilag Kayak, da ag Isipnu diien, omalatti uɗippig. Ag laanu, ‘Nug Kayak,’ aib appig. Ao, ag laanu, ‘Nug danab ah ehanatte, padal ii metteb,’ aib appig. Iitta! Daib.

Jona 2:9

Ag uutteb, amge da, ‘Ena heme,’ anaknu ahi laa edette, doɗ manen na medakkul. Ge, da keeke genabnab hekkulnu nai ain qakkami amu, da keeke amu oh hekkul. Yawe nukka ehanikke, ig padal ii mettem.” Jona nug anam awa unuqittom.

Namba 10:35

Amu haen danab ag Tituanak Nainu Kunup maoppig ele amu, ag haen tutu dayaknu aab kalakppanu ahaeg, Moses nug aum. “O Yawe, na heppe, kekeɗ ag oolna, matatun gokkulagnu ool daatte. Ao, na heppe, danab ag nahipnu nau ninig ele dootteb ag na noomppanu oolna, nahipnu umanab gokkulagnu ool daatte.” Moses nug anam awa aum.

Aposel 3:26

Anam amunu Israel danab, Kayak Nug heeb, ag oh anen anen ag hak nau ahilag uun, Nug dim lamidkkulagnu itittak amu madakkunu, Kayak Nug nuhig maɗi nid otia, ahilagppa tatam me uɗiom,” awa aum.

Aposel 4:12

Wan imuppan danab aun nug ig eɗua awikkeb, ig hipunin waappa ii daamta? Laa iitta! Jesus Nug nukkaib elele. Wan imu ohppa ig laa onigppa ehanitta padal ii mak aognignu iitta, Jesus nukka,” awa aum.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Hibru 6:14

Nug inam aum. “Da genabnab genab na itidkkul. Da itidppi, na buɗunad ag appatna, kuɗum daaglag,” awa aum.

1 Pita 3:9

Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.

Revelesen 19:1

Keeke amu oh dimppa da danab ah ameg naɗi baalag okkaippa hab aabppa eegeg doomi. Ag inam eppig. “Ig Kayak binag metu! Padal ii maknu ehanittak, binag amahlak oppiaawak ele, amu ɠagattag ele ihinig Kayak, nuhigppa dayaɗ!

Revelesen 7:10

Ag baalag okkaippa ena appig. “Eɗua awikkaknu diig am ihinig Kayak, Nug nuhig sia king ⌊anuqak,⌋ appa daatte, amu Sipsip Nag ele,” aon appig.