Sam 3:5 - Nobonob Baibel

⁵ Yawe Nug da dabmeɗatte amunu, da ukken qein niieye, da eɗuen ahattem.

Sam 3:5 ပူးပေါင်းရင်းမြစ်များ

Sam 127:2

Yawe Nug danab ah Nug ahilagnu oo mauhtte ele, Nug danab ah amu niiak ena madatte amunu, na aun, na ee aon lakkutnu hik huana nidette, uɗatib buttuanab ukka tueb batak henan daattem amu, kobol na hettem amu, kobol amuam meu iitta.

Sam 34:5

Aun aɗi ag Nug ehanadkkunu Nug gumidna watteb ele, ag gamag ahak okkai dootteb. Nug ag ehanatte, ag deɗ laa uɗa nak ii aotteb.

Sam 4:8

O Yawe, na aakkuib dabmeɗeɗe, da baɗak iittappa daattem amunu, geha da ool maɗoɗ ele ukke, qein niikkul.

Sam 66:9

Nug dabmekke, ig bau ena daattem, amu keeke laa he, ig neta ii qemut daattem.

Prowerb 14:26

Danab nug Yawenu ebehi oh bodoetta le mette amu, kobol amuam danab amunu aab aɗ ɠagattagnab, loppaɗaknu iitta ele bia daatte; danab amunu kobol amu, kobol amuam nug bekkod dilag padal mak eɗitteb ena dayaknu aben bia daatte.

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.

Prowerb 3:24

Na kobol aɗit amu daut ii atieb, dim lamatkkut dayeb amu, haen na niinna, na ii baɗamna. Ao, na niittem haenppa na enaib niikkut.

Aisaia 26:3

O Yawe, danab ah ag nahipnu dabmenan oin, dabmak amu ɠagattag aɗan oitteb ele amu, na hee, maɗoɗ enanagnab ag oolagppa daatte. Aɗinu? Ag nahipnu oolagppa genab dootteb.

Lewitikas 26:6

Da geha wan amuppa, ag maɗoɗ madappi, ag baɗak iitta ele daaglagnu elele daaglag. Laa heeb, ag ii baɗamna. Da geha doɗ dakkuɗ ahilag wanppan lamadppi goppeg, kekeɗ eheɗ hattamnanu atognoadkkul.

Aposel 12:6

Unuqittegeg, deɗ Herot nug Pita danab noolagppa mekkunu heum, deɗ amu ii wagkkaɗom, tuqan amuppa maniguittaknu gumak danab aɗit, laa laih, laa laih laappa daaeheh, Pita nug gamagppa niiom. Ag sen aɗitppa nug hippalppig. Nug anam niieye, gumak danab aɗit laa aa odppa daayya, od gumapiɗ.