Sam 3:4 - Nobonob Baibel

⁴ Da Yawenu huana gaai, Nug nuhig qaukoppanu, qauko amuam nuhignu tituanak daatte amu, appanu Nug da oɗelppa awom. Sila.

Sam 3:4 ပူးပေါင်းရင်းမြစ်များ

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Sam 119:114

O Yawe, na am dahil padal mak eɗitta ena dayaknu ehanittak, na dahil guppiɗ ele daattem. Da nahip nainu dabmein, ena daakkulnu dabmak aɗe oittem.

Sam 138:3

Da na unuqitti, na dahil unuqittak doon, na nahip ɠagattag da meɗae, da ɠagattag ele daattem.

Sam 18:3

Da Yawe onigppa eiyi, Nug kekeɗ eɗilna aɗaelmananu ehaniɗe, ag ii eɗiltteb. Nug ig danab ah, ig Nug binag mekkunignu elele daatte.

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Sam 27:6

Amunu da kekeɗ ag da taliliɗppig daatteb, da ag eɗatten, ool gamag huana ahebeb, mettid haknu peh lagppa mana mettak hekkul. Da ahi edette, musik heinne, Yawe binag humakkul.

Sam 28:7

Yawe Nug am dahil ɠagattagnu diig daatte. Nug am dahil guppiɗ. Da nuhignu oolppa genab doyeye, Nug da ehaniɗe, da gamag ahak doyen, ahi edette, “Ena heme,” attem.

Sam 34:4

Da Yawe antten, dim lamidkkulnu mattie unuqitti, Nug doya, da ehaniɗom. Nug da ehaniɗe, keeke oh da amunu baɗami amu, keeke amunu laa dahilppa ii beum.

Sam 34:6

Da am daɗek danab laa, amge Yawe unuqitti, Nug doya ehaniɗe, uug dahil oh eɗidmi.

Sam 43:3

O Kayak, na amahlak nahip, amu doyak diig genabib nahip ele meppe nekkunu oɗ medattem. Na keeke amu oh meppe uɗiya, aa da atognoiɗya omaiɗpeɗ, qauko Sion, qauko amuam nahipnu tituanak daatte, na amuppa daattem amu, da amuppa gokkul.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 62:8

O danab ah dahilad, Kayak Nug am padal mak eɗitteb ena dayaknu ehanittak ihinig daatte. Ag hanhan Kayaknu oolagppa genab doyeg! Ge, ag nug oolag unuqagppanu unuqitteg! Sila.

Sam 84:12

O Yawe Nakka Ɠagattag Oh Ele, laa ag nahipnu oolagppa genab dootteb ele, ag am itittak ena aoppig daatteb.

Sam 89:19

O Kayak, na haen laa danab ah nahipad, ag nahipnu oo metta ii uuak kobol dim lamidtteb ele amu, na ag tulegleg anttak laa mattame. Tulegleg amuppa na ame. “Da ban danab laa hei, ɠagattag ele daatte. Ao, da nug danab dahilad oolagppan epeɗie hei, king beum.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Sam 99:9

Ag Yawe, ihinig Kayak, ag Nug humidna, nuhig qauko, qauko amuam nuhignu tituanak daatte amu, ag amuppa Nug noobppa dup nona binag meig! Aɗinu? Yawe, ihinig Kayak, Nug am oppiaawak!

Prowerb 2:7

Amu Yawe Nug danab ah ag genab tutukku hak danab daatteb ele ehanatte, ahilkad kekeɗ eɗadtteb. Ao, Nug aun aɗi ag nuhig neekkakppa danab ooppa kaliak laa iitta ele oitteb ehanatta, ahilag guppiɗ daatte.

Aisaia 65:24

Am inam bekku. Ag unuqiɗkkulagnu ii digmeppig haenppa da ehanadkkul. Ao, ag unuqiɗppeppeg doyen, ehanadkkul.

Gayak Nai 3:56

Da na oninppa einne, da ami. “Na daut ii ituna, na dahil ewak dookkutnu oɗ medattem”; da anam unuqitti, na nai dahil amu doome.

Matyu 7:7

Ag Kayak unuqidppeg, Nug ag madakku. Ag mattina, ag anidkkulag. Ag od qeqalppeg, Kayak Nug ahilagnu od matulkku.

Jems 5:13

Ag oolagppa laa nug uug dootte dayeb amu, nug unuqittaɗ! O iitta, lainig laa nug oo gamag ahak dootte dayeb amu, nug ahi edatta, Kayak binag maɗ!.