Sam 27:6 - Nobonob Baibel

⁶ Amunu da kekeɗ ag da taliliɗppig daatteb, da ag eɗatten, ool gamag huana ahebeb, mettid haknu peh lagppa mana mettak hekkul. Da ahi edette, musik heinne, Yawe binag humakkul.

Sam 27:6 ပူးပေါင်းရင်းမြစ်များ

Genesis 40:13

Deɗ aɗit uueb, deɗ ewamppa, Paro na maniguittakppanu uhuqitta ab, na eɗun, uɗat na heme amu, na baula hekkut. Haen amuppa na baula Paro wain anukka mettame bia medakkut. Na anukka nuhig wain babaitta, nug mettak danab anuqak daanna heme bia hekkut.

Genesis 40:20

Aria, deɗ aɗit uue, deɗ ewamppa, Paronu menuak deɗ amu, Paro nug nuhikkud ehanittak anuqak danab oh dilag hobul okkai heum. Deɗ amuppa nug a, wain babaittak Paro mettak anuqak danab, amu bret haattak anuqak danab ele aa danab appa daappig ele, aa ag noolagppa daaeheh,

2 Samuel 22:1

Dawit nug Yawe Nug ehanitte, nug nuhig kekeɗ eppelagppa ii dayaya, Saul eppegppa ele ii daya antta, nug ahi imu edatta,

2 Samuel 22:49

Ge, Yawe Nug he, da dahil kekeɗ eppelagppa ii daattem. O Yawe, na hee, da kekeɗ eɗatten, ahilag ikki daattem. Ao, na danab ag laa guittak nau mauhnoak mettaknu tiilagppa daatte amu, na da ag eppelagppanu eɗun awiɗme.

2 Samuel 7:9

Na adeppa adeppa gome amu, da ele oh gomuɗ. Amu ele da hei, na kekeɗ nahip oh eɗatte, gemu ag na waatppa daatteb. Aria, gemu amu, da heppi, na onin okkainab, danab onilag okkai okkai laa oh eɗattak, wanppa daan oippig, oitteb ele amu, na onin okkainab, ag onilag bia daakku.

2 King 25:27

Aria, Nebukatnesar nug Juda dilag king Jehoiakin awa, Babilon wanppa awa ukka laih me dayak danab daakkunu ukkom, maɗ amuppan digma ukke, maɗ 36 uue, maɗ 37 ooppa danab onig Ewil Merodak nug Babilon dilag king abenab awom. Nug awa, nug he, ag Juda dilag king Jehoiakin maniguittakppanu aon meeg, dimittim uɗiom. King Ewil Merodak nug maɗ amuppa kalam 12ppa, deɗ 27ppa anam heum.

1 Stori 22:18

nug aum. “Yawe, ahilag Kayak, Nug ag ele iite daatteb? Nug he, ahilag kekeɗ ag taliliadna daatteb ele, gemu ag ban hemananu toettan iite daatteb? Aɗinu? Yawe Nug he, danab wan imuppa daappig ele eɗatti, gemu wan imuam Yawenu, nuhig danab ah dilag ele daatte.

Sam 107:22

Ag Yawe noobppa ena heme anaknu ofa hena, ag keeke ena ena Nug danab dilag hettenu ahi gamag ahak ele etteg!

Sam 110:7

Yawe Nug dahil Naɗi ehanitteb, Nug le, lenag ib daugppanu lakku amunu, Nug ɠagattag ele daya, ban eɗidkku.

Sam 119:108

O Yawe, da, “Ena heme,” anak na medakkul hettem amu, na aokkutnu oɗ medattem. Ao, na nahip ɗo da ippuniɗkkutnu unuqidttem.

Sam 138:5

Yawenu binag amahlak oppiaawak ele am okkainab amunu, geha wanppan king ag nahip hak digdignu ahi ettaglag.

Sam 21:1

O Yawe, king nug nahip ɠagattagnu gamag ahak okkai dootte! Yo, na nug ehanidttem amunu, nug gamag ahak ele ette.

Sam 21:13

O Yawe, na danab nahip ɠagattag ippunadkkutnu unuqidttem. Na am ɠagattag okkai ele, amuppa na hak okkai okkai hettem. Amu ig ahi ettatta, hak okkai okkai amu dabmetata, na binan humagnig.

Sam 3:3

Amge na, O Yawe, na am dahil guppiɗ daattem. Na binag amahlak oppiaawak ele meɗana, ɠagattag ele da meɗattem.

Sam 3:4

Da Yawenu huana gaai, Nug nuhig qaukoppanu, qauko amuam nuhignu tituanak daatte amu, appanu Nug da oɗelppa awom. Sila.

Sam 47:1

Wan atu ohppanu danab ah ag eppelag tap qenana, gamag ahak doon, huana enana, Kayak binag okkai humeg!

Sam 57:8

Da dakka dahilnu attem. “Na ahe!” Ao, harp, laia ele ⌊aa danab daaloplob, da ahilahnu; “Aa musik hekkulahnu⌋ aa ahai hibaitteɗ!” awe alom. Da buttuanab ahen, aam ii bak haenppa musik haknu keeke ahi laala hadappi ukkeb, aam bekku.

Sam 81:1

Ig gamag ahak naɗi doota, ahi ettatta, Kayak binag metu! Nug am ihinig ɠagattag. Ao, ag Jakop buɗub dilag Kayak binag mekkulagnu baalag okkaippa eig!

Sam 95:1

Doppeg, ig Yawe binag humatu! Ao, Nug kekeɗ iqamanu ehanittak ihinig daya ehanikke, ig ii mauhttem amunu, ig gamanig aheb, baanig okkaippa nuhignu ahi edatu!

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Jeremaia 31:7

Yawe Nug ⌊ag Israel ehanatteb, ena daaglag amunu,⌋ Nug inam atte. “Ag Israel, ag oo gamag ahak doon ahi etteg! Ao, ag wanppan wan oh oolagppan wan laa anuqak daatte, ag ⌊Yawe ag ehanattomnu gamag ahak doon,⌋ huana eig! Ge, ag Yawe binag humappeg, laa ag, ag doyatteg! Ag ‘O Yawe, na nahipad danab ah, ag oɗo yaak daatteb amu, na ag padal memananu ehanadkkutnu oɗ medattem,’ aon aig!

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Hibru 13:15

Danab laa ag Kayak binag mekkulagnu amu ag doɗ keeke main Nug medatteb, amge ihinignu amu, ig Jesus uɗat naɗi ihinignu heum, ig amuppa, mana mettak bia hanhan Kayak binag metu! Ig amu hekkunignu amu, ig oɗenigppa Kayak Nug am ihinig Naɗi akkunig.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.

Revelesen 15:3

Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.