Sam 27:5 - Nobonob Baibel

⁵ Aɗinu? Da Yawenu mettid lag, amuppa ena anam daakkul dayeb amu, uug haenppa Nug da atognoiɗebeb, da eheɗ laa ii anidpa. Yo, Nug da nuhig mettid haknu peh lagppa lokkumiɗeb daappi, uug laa da ii aniɗma. Ge, Nug heeb, da danab laa men okkai attan ena daatte, da amubia ena daakkul.

Sam 27:5 ပူးပေါင်းရင်းမြစ်များ

2 Stori 22:12

Jehoseba nug Joas maɗ eblaih laippu ele Kayaknu mettid lag ooppa nug gamu ele lokkumeh dayom. Dayeye, haen amu Atalia nug Juda dilag kuin dayom.

Sam 10:1

O Yawe, na uma daattemnu diig appe dookkulnu oɗ medattem. Yo, uug da toniɗom daattem, haen amuppa na nakka na lokkumna daattemnu diig appe dookkulnu unuqidttem.

Sam 119:114

O Yawe, na am dahil padal mak eɗitta ena dayaknu ehanittak, na dahil guppiɗ ele daattem. Da nahip nainu dabmein, ena daakkulnu dabmak aɗe oittem.

Sam 138:7

O Yawe, uug kuɗum dahilppa bette, amge na da atognoiɗe, da ena bau daattem. Laa ag dahilnu oo aeg bak doon, kekeɗ meɗatteb amu, na ag mautadna, nahip ɠagattagppa da ehaniɗe, da padal ii mettem.

Sam 17:8

Na keeke laanu na oot huana hette ele dabmedattem, amubianab na kekeɗ, ag da taliliɗna iuglagnu hetteb amu, na ag amu ii hemananu na dabmeɗakkutnu unuqidttem. Yo, matuk anig nug nag haug waappa lokkumadtte bia, na nau hak danab ag da banel uɗin, heiɗppeg nauhkkulnu hetteb amu, na ag amu hemananu da atognoiɗkkutnu oɗ medattem.

Sam 18:33

Am doɗ dia laa nug na qekkunu elele iitta oitte, amubia Kayak Nug da ehaniɗeɗe oittem. Ao, ib qaukoppanu oikkulnu, Nug da ehaniɗe, da ii nein qettem.

Sam 31:20

Na amu, na am nahipad danab ah dilagnu lokkumak aben bia daattem; na ag nakka nahip-ppa lokkumatte daatteb. Na anam hena, kobol amuppa na danab nau ag nahipad danab ah eheɗ hattamananu maittak aotteb amu, na ib oo nettem. Yo, danab ah nahipad dilagnu amu, na daattemppa maatte daaegeg, kekeɗ ahilkad hattappeg nauhkkulagnu nai maditteb amu, na nai ahilag amu qee nette.

Sam 31:21

Kekeɗ ag da iuppeg mauhkkulnu taliliɗeg, Yawe Nug miagib dahilnu oo mauhaknab kobol dim lamitta ha, da ehaniɗe, da ii mauhmi amunu, ig Nug binag attannab humatu!

Sam 40:2

Yawe Nug da ehaniɗa, Nug danab laa nug layag moɗ nauppanu behie beum bia ehaniɗe, da ena daattem. Ao, danab laa nug layag moɗ lekkoh naunab nau eleppanu ehanitte uɗitte, amubia Yawe Nug da ehaniɗe, da ena daattem. Genab, Nug danab laa layag ehanitta awa, men attan meum bia he, da ena daattem. Ao, Nug danab laa nug layag ehanitta awa, aben baɗak iitta eleppa mette amu, Yawe Nug dahilppa anam he, da ena daattem.

Sam 40:3

Yawe Nug da ahi bau laa ippuniɗom; ahi amuam ihinig Kayak binag maknu ahi. Danab ah kuɗum ag amu anidna, ag Kayaknu ebehilag oh bodoetta le meeb, ag nuhignu oolagppa genab dooglag.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 57:1

O Kayak, da nahip-ppanu padal mak eɗitteb ena dayaknu ehanittak aottem amunu, na dahilnu oot gai-iitta doon oot meɗan ehaniɗkkutnu oɗ medattem. Ao, na dahilnu oot gai-iitta doon oot meɗan ehaniɗkkutnu unuqidttem. Da padal mepanu, matuk nag anig haug waappa daatte bia, da na guguitten daakkul. Ao, da anam hebippi ukkeb ukkeb, uug naunab amu oh qe-eɗilkkulag.

Sam 61:2

Uug da toniɗtteb amunu, wan batakppa appanu da na ehaniɗkkutnu unuqidttem. Ao, da oolppa elele iitta doyeye, na ehaniɗkkutnu oɗ medattem. Ge, danab nug men hume taknab naɗi attan daatte, kekeɗ ag nug guittak mettaglagnu ib iitta, nug ena daatte, amubia amu, na dahil men naɗi bia daakkutnu ool daatte.

Sam 61:3

Da na amu hekkutnu oɗ medattemnu diig am, na am dahil padal mak eɗitteb ena dayaknu ehanittak daattem. Na amu aab aɗ ɠagattanab ele, kekeɗ ag nokkulagnu elele iitta bia dayeye, da appa dayeye padal mak laa ii anidpa, na amubia daattem.

Sam 77:2

Da uug nauppa dayeye, da Naɗi antten dim lamidkkulnu Nug madittem. Ao, tuqan amu, da bahil ii yeeye, da eppel hume unuqittette, da danab laa eppegppa oo mak aokkulnu uuttem.

Sam 83:3

Ag nahipad danab ah guittak mattaglagnu lokkumakppa kobol nau haknu maittak aotteb. Ag danab laa nug doɗ aokkunu atognoa auta awa, pelem mette bia hetteb. Ao, ag danab ah nahipad, na danab ah amu dilagnu oot mauhtte ele amu, ag amu dilagnu eheɗ hattaglagnu maittak aon dabmetteb.

Sam 91:1

Laa nug Kayak Attannab Laa Oh Eɗattak guppiɗ dimugppa daatte amu, nug Kayak Nukka Ɠagattag Oh Ele, nug nuhig dabmettak waappa daakku.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.

Aisaia 26:16

O Yawe, nahipad danab ah ag uug nau doon oippig, haen amuppa ag na mattidppig. Ao, na ag toliadna, bu mattaeye, ag ɠagattag iitta daan, otiptippaib na unuqidppig.

Aisaia 26:20

O danab ah dahilad, ag laulag ooppa nona, od maneg! Ag lokkumna haen nakokib oppoɗi bak haen imu iitta mekkunu ameg meig!

Aisaia 32:2

Haen amuppa kobol inam bekku. Danab okkai amu oh ag gilil ulah qehagtte bia daaglag. Ao, ag ulah huanak uɗieye, danab nug padal mak eɗitteb ena dayaknu abenppa ukka daatte, ag aben amubia daaglag. Okkai danab amu ag atu taɗak, le iitta ele, ag appa le laa noa gotte bia daaglag. Ao, ag wan laappa, aam gakkaɗak naunab nau neene, danab nug men okkainab logoppa ukka daatte, ag lokko amubia daaglag.

Matyu 23:37

O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.

Kolosi 3:3

Aɗinu? Ag oolagppa genab dooppig, haen amuppa ag wan imuppan oiyak nau am uuna, gemu ag Kristusnu uɗatppa bauklel aoeg, Kristus Nug bauklel amu atognoowo, Kristus, ag ele, ag oh Kayak ouqak daatteb.