Sam 27:3 - Nobonob Baibel

³ Ban hak danab laihnu ag da ele ban hekkunignu uɗin taliliɗkkulag dayeb amu, da ii baɗapa. Genab, dahil kekeɗ ag uɗin iuglagnu hekkulag dayeb amu, da Kayaknu oolppa genab doyeye, Nug ehaniɗkkunu oolppa genab dookkul.

Sam 27:3 ပူးပေါင်းရင်းမြစ်များ

2 Stori 20:15

Amu Yawenu Ouɗi Nug Jahasiel, nuhigppa daye, Jahasiel nug aum. “O King Jehosapat na, amu ag Juda danab, laa Jerusalemnu, laa Juda wanppa laih laihnu amu, ag oh nai doyeg! Yawe Nug ag amelagppa inam atte. ‘Ag daup huanaknab uɗin daatteb amu, ag amu dilagnu aib baɗappig; ahilag dabmak amu dilagnu qe nak aib dayom,’ awa atte. Aɗinu? Ban imu haknu am ahilag keeke iitta. Iitta! Am Kayaknu keeke.

Job 4:6

Na ebehin oh Kayaknu bodoetta le mette amunu, na qinob Kayak eɗua ehanitteb, na ena daakkutnu dabmak aɗan oikkutnu elele iittate? Ao, na Kayaknu neekkakppa danab ooppa kaliak laa iitta ele daattem amunu, na eɗun, ena bekkutnu dabmak aɗan oikkutnu elele iittate?

Sam 112:7

Danab anam, nug nai uug ele uɗieb dookku amu, nug ii baɗama; Iitta. Nug Yawenu ooppa genab dootte amunu, nug ooppa maɗoɗ daatte.

Sam 3:6

Kekeɗ 10,000 eɗitta auta autanab awak ag da heqol laih laih ohppa taliliɗna daatteb amu, da amu dilagnu ii baɗattem.

Sam 3:7

O Yawe, na ahan ⌊ehaniɗkkutnu⌋ oɗ medattem. Ao, O Kayak dahil, da nauhpanu awiɗkkutnu unuqidttem! ⌊O Yawe,⌋ na kekeɗ dahilad oh iɗulag mataɗadkkutnu oɗ medattem. Ao, na nau hak danab aelkad maduduadkkutnu unuqidttem!

Sam 52:6

Genab tutukku hak danab ah ag, ag amu anidna, ag Kayaknu ebehilag oh bodoetta le mekku. Ao, ag Kayaknu uɗat amu anidna, ag inam akkulag.

Pilipai 1:28

Amu Kayak Nug ag Kristusnu oolagppa genab dooglagnu ehah mattom, amge Nug ag Kristusnu oolagppa genab dooglagnu ehah amu aakkuib ii mattom. Iitta. Ag Nug onignu uug maoglagnu ele ehah mattom amunu, kekeɗ ahilkad dilagnu aib baɗappig. Ag ii baɗaglag amu, amuppa kekeɗ ahilag ag geha padal mekkulagnu doonna, Kayak Nug nukka ag Pilipai daatteb, Nug geha ag eɗua diiadkku ele dooglag.

1 Pita 3:14

amge na genab tutukku hak kobolib henana, diig amunu guittak aokkut dayeb amu, na aakku itittak ena aon daattem. Laa ag keekenu baɗatteb amu, ⌊ag Jesusnu oolagppa genab dootteb,⌋ ag amunu aib baɗappig; ag oolag aib ottaiom.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

1 Samuel 19:8

Amu haen laa dimppa Pilistia ag uɗieg, Israel ele ban heegeg, amu Dawit nug nuhig ban danab ele ukkaeg, Pilistia ele ban heppig. Ag ban amu ɠagattagnab heeg, Pilistia ag ban amuppanu oolna goppig.