Sam 27:12 - Nobonob Baibel

¹² Danab laa ag hettoɗiakppa nai hambuppuak dahilnu maditteb amu, ag da guittak nau mauhnoak meɗaglagnu hetteb amunu, kekeɗ dahilad amu ag dabmak ahilag dim lamidna, ag da eɗilna, iuppeg mauhpanu, na da ii uuiɗmananu oɗ medattem.

Sam 27:12 ပူးပေါင်းရင်းမြစ်များ

Sam 41:11

Na kekeɗ dahil uuatte, ag da ii eɗilppig amunu, da imu doottem, na dahilnu ena doottem.

Sam 31:8

Na da uuiɗe, da dahil kekeɗ eppegppa ii wami. Iitta. Na awiɗna, aben okkai enanagppa meiɗe daami.

Sam 35:11

Amu aɗi heehe anttomnu mattiak danab laa, ag naippa guittak meɗaglagnu hetteb amu, ag hettoɗiakppa dahilnu, “Nug eheɗ heum,” anana, amuppa ag ahilag naippa da iutteb. Ao, ag keeke laalanu, da anam laa ii hemi, da amunu nakok laa ii doottem ele amu, ag keeke amunu da naippa yaaiɗna, da hemi atteb.

Aposel 9:1

Amu haen gamag amuppa ele Saul nug danab ah Jesusnu oolagppa genab dooppig ele, nug ag aqeb mauhkkulagnu, nug ɠagattag anana, wagai ma haaha, nug mana mettak ikki danab gumitta ukka

Sam 35:25

Na uuadppe, ag aɗi dahilppa hekkulagnu oolag daatte amu, ag amu hekkulagnu elele iitta daan, “Ig nuhignu aɗi hekkunignu oonig dayom aakku hemut,” amananu oɗ medattem. Na uuadppe ag doɗ laa, nug doɗ laa aqa ladatte, amubia ag aakku da eɗilppig amananu unuqidttem.

Sam 140:8

O Yawe, na nau hak danab uuadppe, ag aɗi hekkulagnu oolag hette, ag amu hemananu oɗ medattem. Na ag uuadppe, ag aɗi hekkulagnu maidppig amu, ag ii hemananu unuqidttem. Ag hekkulagnu oolag daatte hekkulag dayeb amu, ag aakku enaen mena, dada danab ah bekkulag. Sila.

Sam 41:2

Yawe Nug danab amu dabmetta atognobob bau daakku. Ao, Nug geha danab amu, laa ag wan amuppa daatteb ele, amu oolagppanu ititta heeb, nug nuhikkud kekeɗ eppelagppa ii daama.

Sam 38:16

Da unuqitte ami. “Dahil kekeɗ ag dahilnu, ‘Enanagnab na qeum,’ amananu, na ehaniɗppe, da nein ii qepanu oɗ medattem. Ge, dahil kekeɗ ag da eɗilmananu, na ehaniɗppe, da nein ii qepanu unuqidttem.”

1 Samuel 26:19

O naɗi dahil, na am king daattem, da am nahip maɗi nid, na dahil nai dookkutnu ool daatte. Amu Yawe Nug he, na ahan, da aɗailkkutnu lamiɗttem dayeb amu, da doɗ laa mane, Nug medappi, Nug dahilnu oo ena daakkunu ool daatte. O iitta, danab laala ag heeg, na ahan aɗailkkutnu oittem dayeb amu, am geha ag Yawe noobppa eheɗ laa awaknu anak waappa daaglagnu ool daatte. Aɗinu? Ag kobol hetteb, kobol amuppa ag da lamiɗna, da inam oiyeye, da Yawenu mettid haknu peh lag appa ukken, Nug noobppa dup noin binag mekkulnu elele iitta. Kobol ahilag amuppa amu, ag aakku da amelppa, ‘Na gona, kayak laa binag me!’ atteb bia hetteb.

Eksodas 20:16

Na hettoɗiakppa, aben laa oh eleppa, na layapnu nai hambuppuak aib mattime.

Aposel 26:11

Haen kuɗum da Juda dilag nai doyak lakka ukkatten, da laa Jesusnu oolagppa genab dooppig ele bu mattami. Amuib iitta, da ag Jesusnu dabittak nai mattiglagnu ele wagai memi. Da ahilagnu oppoɗi bak huanaknab doomi amunu, da atu laihppan aab okkai laalappa ele eheɗ hadakkulnu appa dim lamadmi.

Sam 25:19

Ao, kekeɗ dahilad kuɗumnab bena, ag dahilnu nau ninig ele naunab dootteb amunu, da na amunu dabmekkutnu unuqidttem!

Duteronomi 19:16

Am laa kaliak hekkunu dabma mala, nug hettoɗiak abenppa laa aɗi heehe anttomnu mattiak danab daya aha, danab auntai laa nug eheɗ heum akku dayeb, ⌊amge epeɗiak danab nug nug hambubutte bia anidkku dayeb⌋ amu,